Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
GJERMANI– Më shumë se 80.000 studentë të huaj u larguan nga Gjermania deri në prill, kur u mbyllën sallat e leksioneve dhe bibliotekat për shkak të bllokimit prej virusit Corona. Kur kufizimet e udhëtimit dhe rregullat e brendshme u lehtësuan gradualisht, shumë shpresuan se pas verës gjërat do të ktheheshin në normalitet. Por një njoftim i qeverisë gjermane ka hedhur dyshime mbi statusin e vizave të studentëve.
Studentëve nga jashtë Bashkimit Evropian tani u kërkohet të marrin një “çertifikatë të pranisë” nga universiteti i tyre gjerman për të qenë në gjendje të aplikojnë për vizë. Por pandemia do të thotë se disa kurse po i kalojnë studimet e tyre tërësisht në internet.
“Studentët e huaj që mund të dëshmojnë se studimet e tyre nuk mund të kryhen plotësisht nga jashtë, për shembull, për shkak të frekuentimit të detyrueshëm, mund të hyjnë në Gjermani për të filluar studimet e tyre,” thuhet në një deklaratë të Ministres së Arsimit Anja Karliczek. “Por hyrja e atyre që studiojnë përmes internetit ose me korrespondencë nuk do të lejohet.” Njoftimi vjen rreth dy muaj para fillimit të të ashtuquajturve semestra dimri në Gjermani.
Duke i bërë jehonë Trumpit
Njoftimi kujtoi planin jetëshkurtër të Presidentit amerikan Donald Trump për të bërë të njëjtën gjë për nxënësit në internet në SHBA. Qeveria e Trumpit u tërhoq me të shpejtë në korrik, pasi plani u prit me zemërim të pafshehur.
Kur Trumpi u tërhoq, Ministrja e Arsimit e Gjermanisë Karliczek e përshëndeti vendimin me ngrohtësi.
“Arsimi dhe kërkimi mbijetojnë për shkak të shkëmbimit, veçanërisht të shkëmbimeve ndërkombëtare. Kjo është e vërtetë edhe në kohën e një pandemie,” tha ajo në korrik. Kritikët thonë se Karliczeku tani po ua mohon studentëve të huaj në Gjermani këtë mundësi për të përjetuar një shkëmbim.
“Kur pranoheni në një kolegj në Gjermani, ata duhet t’ju japin vizë,” thotë Kumar Ashish nga Bashkimi Federativ i Studentëve Ndërkombëtarë në Gjermani. “E njëjta gjë si në SHBA – është e drejta e studentit, kur e ka marrë vizën, që askush nuk mund t’ia mohojë”.
Nuk ka arsye për alarm
Numri i personave të prekur nga rregullat mbetet i paqartë, pjesërisht për shkak të zhvillimit të panjohur të pandemisë. Por, siç qëndrojnë gjërat, numri i kurseve me prani fizike, që janë kthyer në kurse vetëm në internet është shumë i vogël, sipas Michael Flacke nga Shërbimi i Shkëmbimit Akademik.
“Për semestrin e dimrit, universitetet gjermane po planifikojnë një kombinim të orëve në internet dhe atyre me prani fizike, dhe për këtë “kombinim” studentët e huaj nga jashtë BE lejohen të vijnë në Gjermani,”shpjegoi Flacke
Shumica e kurseve nuk planifikojnë të kalojnë tërësisht në internet, tha Flacke. Pjesëmarrësit e kurseve që kanë qenë gjithnjë vetëm studentë interneti, nga jashtë BE, nuk kanë pasur kurrë të drejtë të marrin viza studentore.
“Sigurisht që tashmë ju mund të studioni në një universitet gjerman ose kolegj në internet që nga jashtë – gjë që funksionon shumë mirë në Gjermani – por për momentin për një kurs që ofrohet vetëm në internet në Gjermani, normalisht nuk jepet asnjë vizë”, theksoi ai.
Për ata studentë që janë regjistruar aktualisht në një kurs i cili është një kombimin i orëve në internet dhe atyre me prani fizike, Flacke këshillon të siguroheni që zotëroni një “çertifikatë pjesëmarrjeje” sa më shpejt të jetë e mundur.
Por kur në horizont janë si kërcënim shumë real mbyllje të reja dhe kufizime udhëtimesh, Flacke është ndër ata që këshillojnë kujdes për studentët ndërkombëtarë që planifikojnë të vijnë në Gjermani këtë tetor.
Marrë nga DW
1 vit nga zgjedhjet e 25 prillit si e shikoni gjendjen e vendit:
KOSOVË– Kosova do të rihap të gjitha shkollat nga data 1 shtator, ndërkohë që kanë qenë të mbyllura prej më shumë se 6 muajsh si shkak i pandemisë së koro...
SOMALI– Një ngjarje e rëndë ka ndodhur mbrëmjen e djeshme në kryeqytetin e Somalisë, Mogadisho ku pas një sulmi me autobombë dhe snajper kanë mbetur të vd...
BJELLORUSI-Ishte një nga demonstratat më të mëdha të organizuara nga opozita. që nga pavarësia e vendit në vitin 1991. Më shumë se 100.000 vetë u grumbulluan në...
TURQI– Konflikti mes Greqisë fqinje dhe Turqisë duket se nuk do të qetësohet edhe për një kohë të gjatë. Por teksa këto tensione kanë tërhequr edhe vëmendjen e...
KOSOVË– Kryeministri i Kosovës, Avdullah Hot më dy gusht njoftoi që ka rezultuar pozitiv me COVID-19. Por teksa kanë kaluar 15 ditë që prej ditës kur rezu...
KOSOVË– Gjykata Themelore në Pejë i ka shqiptuar një muaj paraburgim ish-ministrit të Shëndetësisë kosovare, Numan Baliq, me arsyetimin se ky person ka kry...
BRAZIL –Pas disa muajsh izolim këtë javë Statuja e Krishtit Shëlbues u rihap për viziorët vendas e të huaj, por me kapacitete të reduktuara.Të enjten që lamë ...
KOSOVË– Kosova ka kaluar më shumë se 6 muaj në luftën kundër pandemisë së koronavirusit, por pavarësisht se në vend vijojnë ende të jenë në fuqi masat e as...
HONG KONG– Ishte natë kur avioni u ul në Hong Kong nga Phnom Penh. Noor Yuni mori shpejt bagazhet e saj dhe iu afrua korsisë për të kaluar kontrollin e sigu...
SHBA– Një test laboratorik për pështymën, i krijuar nga studiues në Universitetin Yale të Shëndetit Publik për të përcaktuar nëse dikush është i infektuar me ko...
