Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Rivaliteti mes dy kompanive të pajisjeve teknologjike për një tender me fond 600 milionë lekë (të vjetra) për tonera boje për Posta Shqiptare sh.a, zbulon një vendimmarrje në kufijtë e skandalozes nga ana e institucionit të drejtuar nga Laert Duraj.
Posta Shqiptare ka shpallur në Mars 2020 një tender për blerjen e tonerave (depozita boje) për printerat “Canon” dhe “Dell” që janë në funksion në zyrat e institucionit. Vlera limit e tenderit ishte parashikuar mbi 60 milionë lekë të reja, pa TVSH.
Në tender morën pjesë 3 kompani, nga të cilat dy u skualifikuan dhe në garë mbeti vetëm një prej tyre, e cila u shpall edhe fituese.
Një prej kompanive u skualifikua, pasi nuk kishte paraqitur ofertë ekonomike. Ndërsa tjetra u largua nga gara, pasi titullari i autoritetit kontraktor, Laert Duraj, nëpërmjet Komisionit të Vlerësimit të Ofertave (KVO), kishte konstatuar se ajo nuk kishte paraqitur në tender mallin e kërkuar sipas specifikimeve teknike. Kompania e skualifikuar, “Infosoft”, e cila kishte dhënë edhe një ofertë rreth 100 milionë lekë (të vjetra) më të ulët se fituesi, e ankimon vendimin e Posta Shqiptare. Institucioni i drejtuar nga Laert Duraj e rrëzoi ankesën, duke lënë në fuqi vendimin e saj paraprak. Në këto kushte, kompania e skualifikuar iu drejtua Komisionit të Prokurimit Publik. Ky institucion, me një vendim 5-0 të anëtarëve të saj, hodhi poshtë pretendimet e Posta Shqiptare, duke i dhënë të drejtë argumentave të paraqitur nga ankimuesi.
“Rrëzohet” Laert Duraj
“Boldnews.al” ka siguruar vendimin e plotë të Komisionit të Prokurimit Publik, në të cilin, përveçse u rrëzua qëndrimi i “Posta Shqiptare”, po zbulon edhe disa detaje të dyshimta mbi mënyrën se si kanë vepruar vartësit e Laert Duraj në këtë procedurë të prokurimit publik.
Sipas të dhënave zyrtare, kompania “Infosoft”, e cila kishte paraqitur ofertë në vlerë 37 milionë lekë (të reja), u skualifikua, pasi “Posta Shqiptare” sh.a konstatoi se boja e printerit, e paraqitur prej saj, nuk ishte me të njëjtat numra serie, të kërkuar në specifikime teknike.
Kompania e skualifikuar renditi disa arsye se përse vendimi i Laert Duraj ishte tërësisht i gabuar. Sipas ankimuesit, boja e printerit, e paraqitur prej tij, ishte prodhim i kompanisë së kërkuar nga autoriteti kontraktor, ishte origjinal, me cilësitë e kërkuara, si edhe për printerat që kishte vendosur vetë “Posta Shqiptare”.
Diferenca e vetme, e cila i ka shërbyer ‘Posta Shqiptare” për skualifikimin e saj nga gara është “part number”, një numër serie që nuk lidhet aspak me cilësitë e bojës, por vetëm me vendin, ku është prodhuar toneri përkatës, në morinë e filialeve prodhuese që kanë kompanitë gjigande ndërkombëtare në shtete të ndryshme.
Madje, siç konstatoi ankimuesi, edhe kompania e shpallur fituese “E…” shpk, e cila dha ofertën 47 milionë lekë (të reja), kishte paraqitur të njëjtat tonera boje dhe ishte kualifikuar.
Komisioni i Prokurimit Publik deklaron se, për një vendimmarrje më të drejtë mbi ankimin, i është drejtuar në mënyrë elektronike selive të kompanive prodhuese të tonerave të bojës, “Canon” dhe “Dell”.
Por, për shkak ndoshta edhe të faktit se shqyrtimi i rastit është bërë gjatë muajit Gusht, KPP nuk arriti të marrë përgjigje nga kompanitë ndërkombëtare.
Në këto kushte, Komisioni i Prokurimit Publik vendosi të zhvillonte seancë dëgjimore dhe ballafaqimi mes palëve.
“Posta Shqiptare” sha i qëndroi vendimit të saj për skualifikimin e “Infosoft”, ndërsa kompania private paraqiti objeksionet e saj.
Gjatë ballafaqimit, KPP konstatoi se “Posta Shqiptare” sha nuk kishte kryer asnjë lloj verifikimi, për të provuar nëse produkti i paraqitur në tender nga kompania ankimuese ishte brenda standartit të kërkuar apo jo.
Nga verifikimet e trupës së Komisionit të Prokurimit Publik, rezultoi në përfundim se “Posta Shqiptare” sh.a e kishte skualifikuar në mënyrë të padrejtë operatorin ekonomik.
Në konkluzion, me vendimin e datës 14 Shtator 2020, KPP vendosi të pranojë kërkesën e ankimuesit, duke rrëzuar në këtë mënyrë pretendimet e Laert Durajt dhe stafit të tij përfaqësues. Komisioni i Prokurimit Publik mori vendimin me 5 vota pro, me një veçanti që kryetari i tij, Jonaid Myzyri, kishte mendim paralel për argumentimin, por jo për konkluzionin përfundimtar.
1 vit nga zgjedhjet e 25 prillit si e shikoni gjendjen e vendit:
SHQIPËRI– Një ciklon mesdhetar do të prekë në orët e ardhshme Greqinë dhe një pjesë të vendit tonë. Sipas agjensive të huaja meteorologjike, cikloni që tas...
TIRANË– Një tjetër mjek ka ndërruar jetë në spital pasi ka humbur betejën me pandeminë e koronavirusit. Burime për Dosja.al bëjnë me dije se ka ndërruar je...
Komisioni Kombëtar për Azilin dhe Refugjatët, rrëzoi më 10 shtator ankimin e shtetasit turk Selami Simsek dhe la në fuqi një vendim të Drejtorisë së Azilit dhe ...
TIRANË– Denisa Dibra dhe Nervida Garunja, dy vajzat që i mbijetuan aksidentit tragjik në dalje të tunelit të Krrabës, janë jashtë rrezikut për jetën....
KORÇË– Furgoni i Policisë kufitare është aksidentuar me një mjet tjetër në Podgorie të Korçës në aksin që e lidh qytetin me Pogradecin. Një ...
TIRANË– Ka mbërritur në Tiranë pajisja që mund të mund të shoh në mënyrë të hollësishme dokumentet e udhëtimit në aeroportin e Rinasit. Kjo pajisje mund të...
LEZHË– Valentine Pemaj, 38-vjeçarja e arrestuar më 11 shtator është liruar me masën e sigurisë “detyrim paraqitje” nga Gjykata e Lezhës pasi e reja ...
TIRANË– Tritoli që shpërtheu pasditen e djeshme tek Ura e Nisharakut ka vënë në alarm Rezidencën Ushtarake Turke. I ftuar në studion e Report TV, gazetari ...
TIRANË– Kur ende nuk janë mbushur 24 orë nga shpërthimi në mes të Tiranës, ku u plagos rëndë Preng Gjini, detaje të reja janë zbuluar. Burime për Dos...
BERAT– Tre persona kanë mbetur të plagosur si pasojë e një aksidenti automobilistik. Ngjarja ka ndodhur në aksin nacional Berat-Urë Vajgurore, në fshatin Morav...
