Përshkallëzohet situata në Lindjen e Mesme/ Rrëzohet marrëveshja Iran-SHBA, ndërsa sulmet sa vijnë dhe shtohen
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
TIRANË- Komisioni i Vetingut dhe sidomos drejtuesja e sapo-zgjedhur e këtij institucioni, Pamela Qirko, janë përballë një prove të rëndësishme integriteti, ndërkohë që do të shqyrtojë rezultatet e rivlerësimit për prokurorin e Tiranës, Kolë Hysenaj.
Qirko, e cila është drejtuese e trupës së Vetingut të prokurorit Hysenaj, është njëkohësisht edhe motra e ministres së Infrastrukturës, Belinda Balluku.
Ministrja, nga ana e saj, thuhet se është nxitësja kryesore për arrestimin e ish-kryetarit të Bashkisë së Vorës, Agim Kajmaku, i zgjedhur nga radhët e partisë ku bën pjesë edhe vetë Balluku.
“Dëshira” e ministres u plotësua. Prokurori Kolë Hysenaj lëshoi urdhër-arresti për Kajmakun.
Qarku duket i mbyllur. Ministrja shpreh “dëshirën” dhe prokurori “e zbaton”. E, më tej, prokurori duhet të japë llogari për pasurinë marramendëse dhe plot pikëpyetje përballë motrës së ministres.
Natyrisht, gjithçka është në terrenin e aludimeve, megjithëse për shumë ndjekës të procesit të Vetingut, lidhja Qirko-Hysenaj-Balluku nuk duket fare rastësi.
Kajmaku dhe “fijet” e Ballukut
Agim Kajmaku u emërua kryetar i Bashkisë së Vorës, në përfundim të votimeve mono-partiake lokale, të zhvilluar në 30 Qershor të vitit 2019. Ministrja e Infrastrukturës, Belinda Balluku, ishte e ngarkuara e kryesisë së Partisë Socialiste për zhvillimin e fushatës në zonën e Vorës.
Pas Kajmaku mori detyrën, Partia Demokratike në opozitë publikoi të dhëna mbi një dënim të tij në Greqi, në vitin 2003, të cilin nuk e kishte deklaruar në formularin e “Dekriminalizimit”.
Kajmaku i mohoi akuzat publike, ndërkohë që Partia Socialiste e mori në mbrojtje, duke i konsideruar deklaratat e opozitës si “pjesë të lojës politike”.
Por, kur opozita publikoi dokumenta zyrtare greke mbi dënimin e Agim Kajmakut (Jorgo Toto), kryetari i Bashkisë së Vorës mori porosi nga partia e tij që të bënte një dalje të butë nga skena politike.
Kajmaku u tregua më u guximshëm sesa duhet. Pak para se të largohej nga zyra, ai zgjodhi si pasues të tij në krye të Bashkisë së Vorës një person, i cili nuk kishte aspak mbështetjen politike të të dërguarës së kryesisë së PS-së, Belinda Balluku.
Ky veprim i Kajmakut shkaktoi furi brenda kupolës së Partisë Socialiste, me Ballukun që u ndje shumë e zhgënjyer prej ish-kryebashkiakut të Vorës.
Burime brenda Partisë Socialiste flasin me bindje se Balluku ka këmbëngulur që Agim Kajmaku të marrë një “dënim shembullor” për aktin e tij guximtar.
Në këtë moment hyn në lojë prokuroria dhe, më konkretisht, prokurori Kolë Hysenaj.
Kola dhe Kajmak
Prokuroria e Tiranës nisi hetimin ndaj Kajmakut për veprën penale të falsifikimit të formularit të Dekriminalizimit.
Kësaj akuze i shtoi edhe veprat penale të “shpërdorimit të detyrës” dhe kryerje të funksionit pas përfundimit të tij”, pikërisht për ato që kishte “merak” ministrja Balluku.
Hetimi u ndoq nga prokurori Kolë Hysenaj, i cili kërkoi në gjykatë edhe arrestimin e Kajmakut. Në fakt, arrestimi i ish-kryebashkiakut të Vorës u duk që nuk ishte qëllimi final dhe kjo u dëshmua nga mungesa e vullnetit të Policisë për ta gjetur dhe arrestuar.
Qëllimi i urdhër-arrestit duket se ishte vetëm nxjerrja “jashtë loje” e Kajmakut dhe ai të mos kishte ndikim në organizimin e mëtejshëm të Bashkisë së Vorës.
Dhe kjo u dallua qartë kur, Kajmaku u vetëdorëzua pas disa muajsh në arrati. Ai u lirua menjëherë dhe ai po e ndjek gjykimin në gjendje të lirë.
“Boldneës.al” ka mësuar edhe një detaj interesant, për rolin e Belinda Ballukut edhe në procesin gjyqësor.
Në një prej seancave, gjykata kishte thirrur dëshmitar një prej punonjësve të Bashkisë së Vorës, i njohur si “njeri i Belinda Ballukut”. Prokurori Hysenaj ka këmbëngulur që ky dëshmitar të mbahej sa më pak në seancë dhe, mundësisht, pyetja e tij të realizohej në mungesë të plotë transparence.
Gjithçka kaloi sipas planit. Ky dëshmitar ka qëndruar më pak se 10 minuta para trupës gjykuese dhe askush, përfshirë edhe median, nuk e ka mësuar se ishte zhvilluar një seancë e tillë.
Të gjithë të dhënat dëshmojnë qartë se prokurori Kolë Hysenaj, në rastin e Agim Kajmakut, ka vepruar në atë formë që i shkonte për shtat ministres Balluku.
Tashmë, është radha e komisioneres së Vetingut, Pamela Qirko, të dëshmojë nëse ka integritetin e duhur apo do e “respektojë” prokurorin Hysenaj për nderet që ai i ka bërë motrës së saj, Belinda Balluku.
1 vit nga zgjedhjet e 25 prillit si e shikoni gjendjen e vendit:
TIRANE– E dashura e ish-truprojës së Sali Berishës, Izet Haxhisë është rikthyer në krahët e të atit të fëmijëve të saj. Romanca mes Erjona Parrucës dhe Izetit m...
SHIJAK– Tërmeti i 26 nëntorit dëmtoi shumë familje në Shijak. Një prej tyre ishte dhe banesa e Sali Kokomanit në fshatin Gjepal në Shijak. Stresi që u shkatoi t...
TIRANE–Ditën e sotme ka nisur KPA ndaj ish-drejtuesja e Prokurorisë për Krime të Rënda, Donika Prela.Ish-drejtuesja e Krimeve të Rënda, e cila mungoi në 2 seanc...
FIER- Policia e Fierit ka arrestuar shoferin 28-vjeçar me iniciale K.M, i cili mbrëmë në fshatin Qenas përplasi për vdekje 24-vjeçarin me iniciale...
TIRANE– Gjyqtarja Mimoza Margjeka kërkon leje nga SPAK të vizitojë fëmijët e saj.Gjyqtarja është shprehur se nuk ka asnjë person tjetër që mundet ta ndihmojë. V...
TIRANË- Vëllai i 34-vjeçares Jetmira Hasani që u vra të martën në Bathore nga ish-kunati ka bërë përgjegjëse Policinë e Shtetit për krimin e rëndë. ...
GREQI– Tashmë cikloni ‘Cassilda’ ka hyrë në territoret Greke dhe përhapjen e saj mund ta ndiqni edhe LIVE.Mirëpo ky ciklon ka sjellë dhe vësht...
SHIJAK– Zona e Shijakut është përfshirë mbrëmjen e djeshme nga zjarri duke bërë që sipërfaqe të mëdha të digjen tërësisht.Fatmirësisht ndihmësi kryesor për shua...
TIRANË- Jep dorëheqjen nga detyra zv.drejtori për Hetimin e Krimit në Drejtorinë Vendore të Policisë Tiranë, Arsen Sinomati. Mësohet se Sinomati ka dhënë d...
