Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Aktualitet
Dështon lufta anti-kanabis/Nano: Kapëm 92 mijë bimë, asnjë kg drogë s’shkoi në Itali
10 Dhjetor 2021, 10:16Nga DOSJA
TIRANË- Dështon Policia e Shtetit! Përgjatë vitit 2021 ka pasur rritje të plantacioneve të kanabisit në Shqipëri! Sot, gjatë një konference të përbashkët për shtyp, drejtori i Përgjithshëm i Policisë së Shtetit, Gledis Nano ka folur lidhur me bashkëpunimin me autoritetet italiane në luftën kundër kultivimit të kabanisit. kundër kultivimit të kanabisit. Por shifrat kanë treguar se lufta nuk ka qenë efektive! Sipas të dhënave të publikuara sot, në 2021 janë identifikuar 1119 plantacione me kanabis si dhe janë asgjësuar 92 mijë bimë si dhe shumë grupe kriminale janë kapur në flagrancë. Ndërsa një vit më parë, në raportin e fundvitit, janë kapur dhe sekuestruar plot 58.423 rrënjë bimë narkotike. Mesa duket as monitorimet nga ajri të Policisë shqiptare dhe Guarda Di Finanza nuk kanë qenë aq efikase. Ndërkohë që Nano theksoi se bazuar në statistikat e kolegëve italianë, kemi një rënie të trafikimit drejt tyre me 100 %, nga 911 kg në të njëjtën periudhë të vitit të kaluar, në zero gjatë këtij viti. Ndër të tjera Nano theksoi se 165 zyrtarë vendorë, administratorë të njësive administrative, janë proceduar penalisht për shpërdorim detyre pasi kanë “mbyllur sytë” para kultivimit të lëndëve narkotike.
“Më konkretisht, gjatë këtij viti kemi evidentuar 848 vepra penale për kultivimin e bimëve narkotike, nga të cilat 736 janë raste kultivimi dhe 112 procedime proaktive. Janë implikuar në këtë veprimtari kriminale 668 shtetas nga të cilët 400 janë ndaluar apo arrestuar në flagrancë. Janë identifikuar dhe asgjësuar 164.775 bimë narkotike, nga të cilat 20.997 në kubikë. Në të njëjtën periudhë të vitit 2020. U evidentuan 577 vepra penale, nga të cilat 505 ishin raste të kultivimit dhe 109 procedime proaktive. U implikuan 468 shtetas në veprimtari kriminale nga të cilët 284 janë ndaluar apo arrestuar në flagrancë. U identifikuan dhe asgjësuan 137.216 bimë narkotike, nga të cilat 18.828 në kubikë,”-tha Nano, teksa lexonte shifrat e sukseve të arritura këtë vit nga vendi ynë.
Kultivimi i kanabisit në Shqipëri duket e po pëson një ndryshim nga ana e trafikantëve nga viti në vit, ndërsa vihet re dhe një zhvendosje e parcelave me kanabis. Gjenerali i repartit të tretë të Guardia di Finanzas, Giuseppe Arbore, tha gjatë konferencës së përbashkët italo-shqiptare në Tiranë, se tashmë trafikantët po ndryshojnë strategji. Sipas tij ata mbjellin në parcela të vogla dhe të thella në zona që nuk mund të identifikohen më lehtësisht nga policia. Sipas përfaqësuesve të Guardia di Finanzias në Shqipëri, ka ndryshuar edhe harta e kultivimit të kanabisit. Duket se nga jugu i vendit, ajo është zhvendosur në zonat qendrore dhe të Veriut.
Nga ana tjetër, pas konferencës për shtyp, Nano qëndroi edhe për të komunikuar me mediat e pranishme, duke folur për testin e drogës dhe çështje të tjera në lidhje me Policinë e Shtetit. Ai tha se kërkonte një Polici të pastër nga përdoruesit e lëndëve narkotike, ndërsa shtoi se testimi nuk ka përfunduar, duke siguruar se nuk do të kishte padrejtësi ndaj askujt. Ndërkohë që foli edhe për largimin e të shumëkërkuarve në Dubai, ngjarjet kriminale në vend, dhe çështje të tjera.
TIRANË– Këtë të premte në ABC Live me gazetarin Artan Hoxha, është diskutuar në lidhje me deklaratën e drejtorit të Përgjithshëm të Policisë Gledis N...
TIRANË– Gazetari investigativ Artan Hoxha ka folur lidhur me kultivimin e kanabisit në vendin tonë. I ftuar në studion e “ABC”. Hoxha ka bërë me dije...
DURRËS– Reshjet intensive të shiut kanë dëmtuar rëndë një nga akset rrugore të Ishmit në bashkinë e Durrësit. Për shkak të dëmeve në aksin Lalëz-Dra&...
DIBËR– Dibra është përfshirë nga reshje dëbore ditën e sotme, duke vështirësuar qarkullimin e automjete në bypass-in e Rrugës së Arbrit. Bëhet me dij...
TIRANË – Në konferencën e përbashkët Shqipëri-Itali mbi goditjen e veprimtarisë kriminale të prodhimit dhe shitjes së lëndëve narkotike, ka folur edh...