Politike

Rama në Turqi/Kërkon ndihmë në Konferencën e Investitorëve: Dëmet nga tërmeti të papërballueshme, Erdogan: Brenda vitit mbyllen rindërtimet (VD)

Rama në Turqi takohet me Erdogan, merr pjesë në konferenca e investitorëve myslimanë. Kryeministri kërkon ndihmë financiare për tërmetin. Nuk mungon falënderimi i tij për Turqinë, e cila na u gjet pranë në ditët e vështira pas tërmetit tragjik. Rama ka treguar se me Erdoganin ka pasur një takim pune prej 3 orësh. Erdogan ka deklaruar se maksimumi për rindërtimin e banesave të shkatërruara nga tërmeti, do të zgjasë deri në një vit.

TURQI- Kryeministri Edi Rama mori pjesë në Konferencën e Investitorëve Myslimanë në Turqi, për tërmetin tragjik të 26 nëntorit, pjesë e të cilës ishte edhe Presidenti i Turqisë, Recep Tayyp Erdogan.

Në fjalën e tij në këtë konferencë ai kërkoi ndihmë financiare nga investitorët turq, ku theksoi se dëmet nga tërmeti shkojnë përtej asaj që mund të përballojë Shqipëria si shtet. Ai theksoi se dëmet nga tërmeti janë njerëzisht të papërballueshme.

Kreu i qeverisë falënderoi Turqinë për ndihmën që sipas tij i ka dhënë Shqipërisë në këto ditë të vështira vendit. Ai tha se se Tirana dhe Durrësi u gjunjëzuan dhe se tashmë është koha për të kërkuar ndihmë.

Ndërsa mëngjesin e sotëm kryeministri Edi Rama zhvilloi një takim vetëm me presidentin turk Recep Tayyp Erdogan. Për këtë takim ai u shpreh se ishte një takim intensiv pune dhe se Erdogan kishte telefonuar për ndihmë disa vende të tjera myslimane. Rama ka theksuar se gjithçka është në rrugën e duhur.

Edi Rama u shpreh se premtimi i Erdogan për ndërtimin 500 shtëpive të prekur nga tërmeti do të fillojë të realizohet aty ku është dhe blloku më kompakt dhe ka hapësira më e mundshme për të vepruar tani. Sipas tij kjo zonë tashmë është në Laç.

Ndërsa, presidenti turk, Recep Tayyip Erdogan ka deklaruar para gazetarëve se maksimumi për rindërtimin e banesave të shkatërruara nga tërmeti, do të zgjasë deri në një vit

Tërmeti i 26 nëntorit rezultoi tragjik, pasi humbën jetën 51 persona, mbi 900 të tjerë u lënduan dhe 47 u nxorën gjallë nga rrënojat. Ky tërmet shkaktoi edhe shumë dëme materiale, mijëra banesa janë dëmtuar dhe për këtë Rama ka ngritur Komitetin e Rindërtimit. Në total personat e prekur nga tërmeti janë rreth 13 mijë persona.

J.V, A.M, f.m/Dosja.al

  • 14:47

    Erdogan jep premtimin: Maksimumi për 1 vit mbyllen rindërtimet pas tërmetit

    Presidenti turk, Recep Tayyip Erdogan ka deklaruar para gazetarëve se maksimumi për rindërtimin e banesave të shkatërruara nga tërmeti, do të zgjasë deri në një vit. Erdogan u shpreh se një pjesë do ndërtohen me çelik, ndërsa pjesa tjetër shtëpi normale.

    Sa i përket ndërtimeve të banesave kanë filluar punimet atje. Të gjitha ekipet i kemi andej. Jemi në kontakt me Ministrinë e Kulturës në Shqipëri. Mezi pres që të vendosin për vendin e ndërtimeve që të fillojnë sa më shpejtë. Një pjesë do ndërtohen me çelik, ndërsa pjesa tjetër shtëpi normale. Ministri më tha që për 6 muaj është e kryer, por unë them brenda ose maksimumi për një vit kryhen ndërtimet. Për shkat të ftohtësisë së dimrit kemi vendosur që të ngrejmë edhe çadra speciale për dimër, i kemi dhënë urdhër gjysmëhënës së turqisë e më pas ushtria do i dërgojë që të ndihmojmë popullin që janë pa shtëpi”, tha Erdogan.

    A besoni se do i përgjigjen thirrjes së kryeministrit edhe vende të tjera?

    “Edhe kryeministri bëri thirrje, por pastaj e përsërita unë edhe një herë. Do kemi takime të shpeshta me të dhe do ta ndjekim dhe shpresoj të marrim edhe prej andej përgjigje pozitive”, u përgjigj presidenti Erdogan.

  • 13:48

    Rama zbardh takimin me Erdogan: 3 orë punë, telefonoi disa prej vendeve myslimane, gjithçka në rrugën e duhur

    Pas Konferencës së Investitorëve Myslimanë, në një intervistë për gazetarin Muhamet Veliu të Top Channel, Rama ka zbardhur takimin me presidentin Erdogan. Ai ka theksuar se ka qenë një takim pune dhe se Erdogan ka telefonuar për ndihmë disa vende të tjera myslimane. Rama ka theksuar se gjithçka është në rrugën e duhur.

    Intervista:

    Rama:Takimi me presidenti zgjati 3 orë. Parapraktisht folëm për të gjitha aspektet e rindërtimit, për tju garantuar që kemi të gjitha çadrat  e dimrit të nevojshme. Kanë filluar të instalohet por të tjera nisen sot. Faktikisht ka qenë një takim pune  sepse gjatë gjithë kohës gjërat thuheshin pastaj bëheshin telefonatat. Kemi identifikuar disa prej vendeve, ku do të ushtrojmë një trysni pozitive. Ai ka kërkuar në telefon disa prej lidëreve të rajonit të vendeve myslimane. Gjithçka shkoi në rrugën e duhur dhe do të vazhdojë, si e tha edhe vetë presidenti, ku flasim për mjaltin nuk ta ëmbëlson gojën, po nuk e preke në buzë, nuk ke bërë asgjë.

    Muhamet Veliu: Presidenti e ka bërë të qartë se do të ndërtojë 500 banesa, krahas kësaj dhe krahas çadrave, a mendoni ndonjë ndihmë tjetër?

    Rama: Për banesat ka filluar puna, jemi duke përcaktuar vendet, kemi indentifikuar si më adapt për masën projektit, zonën e Laçit dhe mbase edhe një vend tjetër në varësi nga nevojatrrotull. Kjo ka qenë ndihma e gjithanshme, ne flasim për çadra, por kanë ardhur dhjetra inxhinerë, ekipet e kërkim-shpëtimit. Gjithçka që është dashur për këtë fazë.

    Veliu: A keni marrë një ftesë nga Franca për të organizuar një samit për të ndihmuar Shqipërinë?

    Rama: Unë kam marrë një telefonatë nga Macron ku më ka shprehur gadishmërinë për ta mirëpritur ai. Edhe Gjermania ka shprehur interes. edhe BE do ta kordinojë këtë proces. Do të bëjë këtë gjë, e rëndësishme është të kemi të gjithë shtetit në këtë. Duhet të kemi shifra konkrete.

  • Rama në konferencën e investitorëve myslimanë, kërkon ndihmë për tërmetin: Turqia nuk braktisi një mik në nevojë

    Kryeministri Edi Rama ndodhet në Turqi, në konferencën e investitorëve myslimanë për tërmetin tragjik të 26 nëntorit. Në kët fjalim Rama ka kërkuar ndihmë pasi është shprehur se dëmet nga tërmeti shkojnë përtej asaj që mund të përballojmë ne si shtet.

    “Faleminderit që jeni këtij me mua dhe që me kenë krijuar mundësinë të jem këtu. Dëshiroj të falënderoj secilin prej vëllezërve tanë që deri tani ka qenë shëmbëllim. Shqiptarët e të gjitha besimeve të pasur dhe të varfër dhanë dhe vazhdojnë të japin të gjitha ato që kanë. Na kanë ndihmuar të mbledhim një vlerë që për vendin tonë të vogël është shumë. Të moshuar me një pension vetëm prej 200 dollarësh në muaj. Nënat kanë liruar shtretërit për fëmijët jetimë. Të rinj e të reja kanë lënë shkollën, punët për të ardhur në ndihmë të të prekurve nga tërmeti.  Unë nuk kërkoj një ringjallje por kërkoj dritën në sytë tuaj, në zemrat tuaja.  Mes dhimbjes së jetëve të humbura, Turqia e provoi edhe njëherë se nuk braktisi një vëlla dhe një mik në nevojë dhe si thotë një shprehje e vjetër të ecësh me një mik në errësirës është më mirë se i vetëm në dritë. Me premtimin e Zotit presidentit për të ndërtuar 500 banesa, në tokën e plagosur të Shqipërisë, dua këtu t’u falënderoj dhe t’ju kërkoj ndihmë. Të gjithë janë të solidarizuar nga tërmeti. Shkatërrimi që ne po shohin të bëhet një realitet i bukur në të ardhmen. Tërmeti shkatërrimtar na ka sfiduar, ka përkulur qytetet tona më të rëndësishme, Tirana dhe Durrësi. Të dhënat tona paraprake janë tronditëse, janë banesa të dëmtuara, të ndërtuara keqazi, këto janë struktura shumëkatëshe, që mbajnë brenda shumë familje. Jam këtu para jush për të kërkuar ndihmë. Pa kontribute nga jashtë koha për të shëruar plagët do të jetë shumë e madhe. Falënderoj të gjitha ata që kanë dhënë ndihmë. Ne besojmë se dëmi i shkaktuar shkon përtej asaj që është njerëzisht e përballueshme për ne. Përtej debateve tokësore le të kemi besim se zoti pranon vetëm atë që është e drejtë. Ju kërkoj falje që ndërhyra në konferencën tuaj, ju falenderoj me zemër për durimin. Dua të besoj se edhe me ndihmën tuaj do arrijmë të bëjmë për Durrësin atë që Turqia bëri për Izmirin.”, tha Rama.

    Mëngjesin e sotëm Kryeministri Edi Rama është takuar me presidentin turk Recep Tayyp Erdogan, i cili ka premtuar se në Shqipëri do të ndërtojë 500 banesa.

Shto Koment