Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Partia Demokratike ka dërguar në SPAK dojsjen e koncensionit të checkup-it me vlerë prej 120 milionë eurosh. Në një deklaratë pëer mediat, Albana Vokshi e cilësoi korruptiv këtë koncension teksa shtoi se SPAK duhet të hetojë kontratën që që sipas PD-së, po vjedh shqiptarët. Partia Demokratike shton gjithashtu se ka mbledhur prova të reja ku vërtetohet se koncesioni manipulon formularët ndër vite për bërjen e analizave. Vokshi u shpreh se disponon fakte se përfundimi i analizave që bëhen nga ky koncesioni është i ndryshëm nga të njëjtat analiza të kryera në privat apo në shtet.
Partia Demokratike u bën thirrje të gjithë mjekëve të qendrave shëndetësore të mos plotësojnë asnjë formular të analizave të checkup-it për vitet e shkuara, të mos bëhen pjesë e manipulimit, pasi sipas tyre ky koncesion korruptiv do të shkojë para drejtësisë. Selia blu bëri me dije gjithatu se checkup-i nuk është falas, pasi shqiptarët jo vetëm paguajnë rreth 15 euro për një analizë, shumë më shtrenjtë se në privat, por paguajnë edhe për qindra mijë analiza të tjera që nuk bëhen kurrë. Në deklaratë, Voksho tha se Kontrolli i Lartë i Shtetit ka konstatuar se për tre vitet e para, Vilma Nushi është paguar në mënyrë abuzive me 12.6 mln Euro për rreth 500 mijë analiza të pabëra asnjëherë. Po ashtu, sipas PD-së, Nushi ka marrë pagesë TVSH-je në mënyrë të paligjshme për shërbime që përjashtohen nga ky tatim. “Vjedhja, manipulimi i formularëve për të rritur milionat që futen në xhepin e Vilma Nushit dhe atyre që e kanë ndihmuar për të marrë këtë tender korruptiv janë shkaqet kryesore pse Edi Rama e mban të fshehur si sekret tregtar kontratën e checkup-it. SPAK të hetojë me prioritet këtë koncesion që ka llogaritur t’u vjedhë shqiptarëve rreth 120 milionë euro,”– tha Vokshi ndër të tjera.
Deklarata e plotë e PD-së
Koncesioni 120 milionë euro i checkup-it është një nga vendimet më korruptive të Edi Ramës, që ka dëmtuar rëndë sistemin e shëndetësisë në Shqipëri. Edi Rama, Vilma Nushi dhe kushdo zyrtar tjetër që ka firmosur për këtë koncesion që vjedh shqiptarët duhet të përgjigjet përpara drejtësisë. Për këtë arsye, Partia Demokratike ka vendosur të dorëzojë në Prokurorinë e Posaçme Antikorrupsion provat e reja që disponon dhe që provojnë se koncesioni manipulon formularët ndër vite për bërjen e analizave. Këto të dhëna faktojnë se në Qendrat Shëndetësore janë shpërndarë me mijëra formularë të vitit 2015, të cilët duhen mbushur sipas informacioneve që po çon koncesionari këto muajt e fundit. Partia Demokratike disponon, gjithashtu, fakte se përfundimi i analizave që bëhen nga koncesioni korruptiv i Edi Ramës është i ndryshëm nga të njëjtat analiza të kryera në privat apo në shtet. Partia Demokratike u bën thirrje të gjithë mjekëve të qendrave shëndetësore të mos plotësojnë asnjë formular të analizave të checkup-it për vitet e shkuara, të mos bëhen pjesë e manipulimit, pasi ky koncesion korruptiv do të shkojë para drejtësisë. Ka edhe një mashtrim tjetër të madh nga Edi Rama. Checkup-i nuk është falas, siç propogandon ai. Shqiptarët jo vetëm paguajnë rreth 15 euro për një analizë, shumë më shtrenjtë se në privat, por paguajnë edhe për qindra mijë analiza të tjera që nuk bëhen kurrë. Kontrolli i Lartë i Shtetit ka konstatuar se për tre vitet e para, Vilma Nushi është paguar në mënyrë abuzive me 12.6 mln Euro për rreth 500 mijë analiza të pabëra asnjëherë. Po ashtu, financuesja e Edi Ramës ka marrë pagesë TVSH-je në mënyrë të paligjshme për shërbime që përjashtohen nga ky tatim. Për të mbuluar skandalin e Checkup-it, të firmosur prej tij vetë dhe duke mbrojtur aferat e tjera korruptive, Edi Rama kërcënon me padi kundërshtarët politikë dhe me mbyllje mediat që i denoncojnë ato. Vjedhja, manipulimi i formularëve për të rritur milionat që futen në xhepin e Vilma Nushit dhe atyre që e kanë ndihmuar për të marrë këtë tender korruptiv janë shkaqet kryesore pse Edi Rama e mban të fshehur si sekret tregtar kontratën e checkup-it. Të gjitha këto janë fakte publike që SPAK duhet t’i hetojë pa vonesë, të çojë prapa hekurave këdo që ka vjedhur dhe t’u kthejë shqiptarëve paratë e vjedhura. Duke i kërkuar Prokurorisë së Posaçme Antikorrupsion ta hetojë me prioritet këtë koncesion që ka llogaritur t’u vjedhë shqiptarëve rreth 120 milionë euro, Partia Demokratike siguron qytetarët, se anullimi i këtij koncesioni hajdut dhe shkatërrues për shëndetësinë do të jetë një nga aktet e para të Partisë Demokratike në krye të qeverisë.
Partia Demokratike ka denoncuar edhe herë tjetër koncensionin e checkup-it. Në fillim të muajit janar, Çlirim Gjata në një deklaratë për mediat u shpreh se Rama i dha Nushit 8.5 milionë euro për kontratën që PD e quan “korruptive”.
Por, ku bazohet akuza e ngritur sot nga PD?
Ministria e Financave në një raport të fundvitit, zbuloi se shteti e ka paguar koncesionarin e kontrollit bazë mjekësore (check-up) për 580 mijë kontrolle të pakryera përgjatë periudhës 2015-2018. Kjo shifër është bërë e ditur në një raport për koncesionet të publikuar nga Ministria e Financave. Për këtë kontratë, Partneriteti Publik Privat në nivel vjetor janë parashikuar 475,000 përfitues të shërbimit, pra 39,583 raste në muaj, për të cilat kompania koncesionare i merr pagesat, pavarësisht nga fakti nëse ato realizohen apo jo. Por, numri real i kontrolleve të kryera për periudhën 2015-2018 ka qenë shumë më i ulët, përkatësisht 244,420 në vitin 2015; 329,555 në 2016; 316,601 në 2017 dhe 2018 në 428,891. Në total, për këto 4 vjet, diferenca mes kontrolleve të paguara dhe atyre të realizuara rezulton 580,533. Koncesionari paguhet çdo vit 876 milionë lekë, ose 1,844 lekë për çdo kontroll të planifikuar. Si rrjedhojë, sipas përllogaritjeve, rezulton se koncesionari ka marrë rreth 1.1 miliardë lekë (8.5 milionë euro) në periudhën 2015-2018 për kontrollet që realisht nuk i ka kryer!
(F.M/DOSJA.AL)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Nga pallati i Brigadave kryeministri Edi Rama po zhvillon një konferencë të përbashkët për shtyp me presidentin e Këshillit të Evropës, Charles Mic...
TIRANË– Ministri në Detyrë për Evropën dhe Punët e Jashtme, Gent Cakaj, priti sot në Tiranë Presidentin e Këshillit Evropian, z.Charles Michel.“Rapor...
TIRANË- I ftuar në studion e “ABC Neës”, me Juli Xhokaxhi, ish-deputeti i Partisë Demokratike, Ervin Salianji ka folur për videon e kryebashkaikut të Bulqi...
BERLIN- Kryeministri shqiptar Edi Rama do të takojë të hënën paradite kancelaren gjermane Angela Merkel. Lajmi konfirmohet nga Deutche Welle, që shkruan se zëdh...
TIRANË– Vettingu për punonjësit e Policisë së Shtetit janë pezulluar. Dosja.al mëson se pezullimi është bërë për shkak të problemeve që ka pasur në godinën...
Tiranë- Kryetari i Partisë Demokratike Lulzim Basha në një reagim në Twitter shprehet se Indeksi i “The Economist” për Demokracisë e klasifikon Shqipërinë si nj...
TIRANË-“Unë dua ta ndaj Kosovën aq sa Ramush Haradinaj ka dashur të ndajë Princ Harryn nga familja Mbretërore”, -kështu i është përgjigjur kryeministri Edi...
TIRANË- Deputeti i Kuvendit të Shqipërisë, Gjetan Gjetani i është bashkuar së fundmi Lëvizjes Socialiste për Integrim. Kjo lëvizje vjen, pasi kohë më parë,...
TIRANË– Deputetja e Partisë Socialiste, Ermonela Felaj ka komentuar videon e publikuar nga gazetari Artan Hoxha ku shihet kryebashkiaku i Bulqizës duke thi...
TIRANË– Ish-kryebashkiaku i Vorës, Agim Kajmaku vazhdon i qetë jetën e tij mes aktiviteteve të përditshme, pavarësisht se prej më shumë se tre muajsh...
