Aktualitet

50 mln € kokainë/ Arrestohen shqiptarët në Greqi me në krye Sandër Pemën, si u nis droga nga Karaibet dhe bashkëpunimi me arabin (FOTO+DETAJE)

  • Efektivët grekë i vranë mikun para syve, kush është Sandër Pema
  • Dalin fotot dhe emrat/ Kush është shqiptari që drejtonte rrjetin e 1.2 ton kokainë
  • Sandër Pema me fansa të zjarrtë, ja vargjet dhe këngët që thuren për të
  • 1.2 ton kokainë sekuestrohen nga DEA amerikane në Greqi. Droga ishte fshehur në një kompleks me dhoma të marra me qira në Astakos, në afërsi të Agrinjos. Droga përshkoi itinerarin nga Karaibet në Greqi. Emrat  e te arrestuarve janë: Arbër Përdeda, Ergon Tusi, Erlin Zotaj, Lek Doda, Maksim Preçi, Aleksandër Pema.
    Featured image of article: 50 mln € kokainë/ Arrestohen shqiptarët në Greqi me në krye Sandër Pemën, si u nis droga nga Karaibet dhe bashkëpunimi me arabin (FOTO+DETAJE) Aleksander Pema dhe pamje nga droga e sekuestruar
    Përditësuar:

    GREQI– Policia greke gjatë një aksioni në bashkëpunim me DEA-n amerikane kanë sekuestruar 1.2 ton kokainë në fshatin Astakos të Agrinjos pranë Patras. Mediet greke raportojnë se janë arrestuar 8 persona, 4 nga të cilët janë me origjinë shqiptare dhe njëri prej tyre ishte “koka” e grupit. Sipas mediave greke, koka e këtij grupi është një 41-vjeçar shqiptar, i identifikuar si Aleksandër Pemaj. Pemaj konsiderohet si ‘tmerri’ i policisë greke dhe është dënuar disa herë nga drejtësia greke për vepra penale tepër të rënda. Mediat greke shkruajnë se Aleksandër Pemaj njihet si miku i ngushtë i Marian Kolajt. Ky i fundit është një i arratisur nga burgjet greke, i cili u vra nga policia greke gjatë përleshjes me armë në kufi me Shqipërinë. Përveç 8 të arrestuarve, janë identifikuar edhe disa shtetas shqiptare dhe arabe, të cilët aktualisht edhe pse janë identifikuar, ende nuk janë arrestuar. Prej hetimeve rezultoi se pagesa për drogën është bërë nga një shtetas arab, i cili konsiderohet si një prej krerëve të organizatës. Pagesën rezulton ta këtë bërë një shqiptar, drejt llogarisë së arabit duke e justifikuar në bankë si pagesë për mallra tregtie në lidhje me biznesin që kishte vetë. Emrat  e te arrestuarve të tjerë janë: Arbër Përdeda, Ergon Tusi, Erlin Zotaj, Lek Doda, Maksim Preçi.

    Kokaina ishte e fshehur në disa dhoma plazhi, të një kompleksi, të cilat jepeshin me qira. Të njëjtat burime raportojnë se sasia e madhe e kokainës ishte nisur nga ishulli “Shën Visnet” në Karaibe për në Greqi nëpërmjet një jahti. Ajo pritej të shpërndahej drejt Europës dhe Afrikës Veriore. Operacioni nuk ka përfunduar ende, pasi një 42-vjeçar grek është shpallur në kërkim për t’u arrestuar, ndërkohë që “Autoritetet greke po bashkëpunojnë në hetime për rastin edhe me palën shqiptare dhe atë spanjolle” thonë mediet greke.

    Për më shumë bëhu pjesë e grupit më viral në Facebook, Dosja.al

     Ky nuk është rasti i parë që shqiptarët përfshihen në trafikun e sasive të mëdha të drogës në Greqi. Në shtator, në Portin e Pireut u zbulua një e madhe kokaine, që ishte nisur nga Ekuadori për të mbërritur në Portin e Durrësit. 

    (J.V;F.G;F.M/ Dosja.al)

    • 20:49

      VIDEO/ “S’i trembet syri por veç i loton”, Sandër Pema me fansa të zjarrtë, sot u kap me 50 mln euro kokainë por ja vargjet dhe këngët që thuren për të: Djalë si ti s’bën më nëna

      Aleksandër Pema, kreu i grupit që u kap me 50 mln euro kokainë ishte i rrethuar edhe nga admirues të shumtë. Pavarësisht karrierës së tij të errët në burgje, për Pemën janë thurur edhe vargje në një këngë që ekziston në “Youtube”. Kënga është realizua nga Vis Fata dhe flet gjithë kohës me admirim për Pemën. Këngëtari shprehet se Pema është i rrethuar nga racizmi në Greqi dhe se aid he shokët e tij janë djem që ‘s’i bën më nëna kurrë’, por që janë futur padrejtësisht në burg. Sipas tij, Pema është keqtrajtuar për faktin se është shqiptar dhe nuk i dorëzohet policisë kollaj. “O i vdekur o plumbin në ballë. Nuk i trembet syri, por vetëm i loton për shokët që kanë vdekur,”- thuhet ndër të tjera në tekstin që nuk mungojnë fjalët banale për Greqinë dhe fotot e Pemës nga burgu.

    • 19:51

      Efektivët grekë i vranë mikun para syve, kush është Sandër Pema që drejtonte 50 mln euro kokainë dhe u shpëtonte qelive, lidhje me biznesmenin Jurgen Molla (SKEDA)

      Dosja.al ka siguruar emrin e shqiptarit që akuzohet nga Policia greke si koka e grupit të 1.2 ton kokainë që u sekuestruan sot, vlera e të cilës në treg kap shifrën e 50 mln eurove, ai është Sandër (Aleksandër) Pema, dhe është shqiptari që shikoni në foto, 41 vjeç.

      Aleksander Pema

      Pema është një person me rrezikshmëri të lartë dhe konsiderohet si ‘tmerri’ i drejtësisë greke. Sandër Pema është arrestuar dy vite më parë si pjesë e bandës së Jurgen Mollës, bashkë me cilin trafikonin kokainë nga Shqipëria e Greqi drejt Turqisë.

      Jurgen Molla

      Ai jeton në Greqi që prej viteve ’90, ku është arrestuar shumë herë dhe është dënuar për vepra të rënda penale. Në vitin 1998, Pema u arrestua për disa vjedhje me dhunë. Ai u dënua dhe arriti të lirohej vetën në vitin 2006. Aleksandër Pema njihet edhe si miku i ngushtë i Marian Kolajt. Ky i fundit është një i arratisur nga burgjet greke, i cili u vra nga policia greke gjatë përleshjes me armë në kufi me Shqipërinë. Në këtë ngjarje ishte edhe Pemaj prezentë, i cili bashkë me Kolajn plagosi disa efektivi grekë, të cilët i vranë mikun para syve. Në vitin 2010, Pemaj pati sërish një përplasje me armë me efektivët grekë, që më pas përfundoi në arrestimin e tij.Shqiptari u lirua në vitin 2015. Por dy vite më vonë, ai ra sërish në pranga pas shkatërrimit të rrjetit të trafikut të drogës me në krye Jurgen Mollën. E pashpjegueshme, por Pemaj ka rritur të dalë sërish nga qelia duke përgatitur një tjetër rrjet trafikimi me kokainë.

    • 19:13

      Dalin fotot dhe emrat/ Kush është shqiptari që drejtonte rrjetin e 1.2 ton kokainë, ‘tmerri’ i policisë greke dhe pjesë e bandës së Marian Kolajt

      Policia greke ka zbardhur emrat dhe fotot e anëtarëve të grupit që u kapën me 1. Kokainë në fshatin Astakos të Agrinjos pranë Patras gjatë një aksioni në bashkëpunim me DEA-n amerikane. Sipas mediave greke, koka e këtij grupi është një 41-vjeçar shqiptar, i identifikuar si Aleksandër Pemaj. Pemaj konsiderohet si ‘tmerri’ i policisë greke dhe është dënuar disa herë nga drejtësia greke për vepra penale tepër të rënda. Mediat greke shkruajnë se Aleksandër Pemaj njihet si miku i ngushtë i Marian Kolajt. Ky i fundit është një i arratisur nga burgjet greke, i cili u vra nga policia greke gjatë përleshjes me armë në kufi me Shqipërinë.  Përveç 8 të arrestuarve, janë identifikuar edhe disa shtetas shqiptare dhe arabe, të cilët aktualisht edhe pse janë identifikuar, ende nuk janë arrestuar. Prej hetimeve rezultoi se pagesa për drogën është bërë nga një shtetas arab, i cili konsiderohet si një prej krerëve të organizatës. Pagesën rezulton ta këtë bërë një shqiptar, drejt llogarisë së arabit duke e justifikuar në bankë si pagesë për mallra tregtie në lidhje me biznesin që kishte vetë. Emrat  e te arrestuarve shqiptare nga aksioni për sekuestrimin e 1181 kg kokaine  janë. Sandër Pema, Arbër Përdeda, Ergon Tusi, Erlin Zotaj, Lek Doda, Maksim Preçi.

    • 17:09

      Dalin PAMJET e 1.2 ton kokainë që u kap në Greqi, 'koka' e grupit, shqiptar/ Droga u nis nga Karaibet, si e pikasi DEA amerikane

      Mediat greke kanë zbardhur detaje për sasinë jo-modeste të kokainës që u kap sot në Astakos. CNN shkruan se prapa grupit qëndrojnë kriminelë të njohur, të cilët njihen për hetuesit si pjesë e Krimit të Organizuar.

      Kokaina e kapur sot

      Një shqiptar, me rekorde të njohura kriminale, dyshohet se është organizatori.

      Ndërkohë që itinerari i drogës është edhe më interesant. 1.2 ton kokainë që u gjet sot nga DEA, ishte nisur nga Karaibe brenda një anije mallrash. Pasi kishte hyrë në tokën helene, trafikantët e kishin transportuar atë në disa dhoma të marra me qira në plazh. Nga atje, trafikantët e vegjël, do t’i merrnin për t’i dërguar në të gjithë vendin.

      Policia mundi të gjejë dhe sekuestrojë kallashnikovët dhe pistoletat, si edhe të kapi anijen. Ndërkohë që avokati Sakis Kehagioglou, i cili mbron një nga të arrestuarit, i tha CNN:

      “Padyshim që është një sukses i madh në një nivel evropian goditja dhe kapja e një sasie kaq të madhe droge. Ndarja e përgjegjësive për të arrestuarit do të nxjerrë në pah të gjithë ngjarjen.”

    • 13:51

      Detaje nga aksioni anti-drogë në Greqi/ 1.3 ton kokainë ishte nisur me jaht nga Karaibet, për ku ishte destinacioni

      Kokaina e kapur sot

      Detaje të reja kanë dalë nga aksioni i fundit i Policisë greke me DEA-n, ku u kapën në afërsi të Patras 1.3 ton drogë. Mësohet se droga ishte nisur nga ishulli Shën Visnet në Karaibe për në Greqi nëpërmjet një jahti. Burimet bëjnë me dije se kokaina pasi kishte mbërritur në Greqi ishte vendosur në disa dhoma plazhi në fshatin Astakos të Agrinjos dhe pritej të shpërndahej drejt Europës dhe Afrikës Veriore.

    Shto Koment