Aktualitet

Skena alla “Hollywood” në Kamëz/ Rrëmbehet në mes të ditës 49-vjeçari Jak Prenga, dy të maskuar e futën me dhunë në “Range Rover”, pas lanë gjak

Merret peng ditën me diell një person në Kamëz. Mësohet se i rrëmbyeri, Jak Prenga është nxjerrë me zor nga mjeti i tij dhe është futur në një fuoristradë të bardhë. Dëshmitarët tregojnë se qyetari është marrë peng nga dy persona me maska, ndërsa Policia e qytetit nuk kishte ardhur në kohë.
Featured image of article: Skena alla “Hollywood” në Kamëz/ Rrëmbehet në mes të ditës 49-vjeçari Jak Prenga, dy të maskuar e futën me dhunë në “Range Rover”, pas lanë gjak Rruga ku ndodhi ngjarja

KAMËZ– Një person i identifikiar si Jak Prenga është marrë peng në qendër të qytetit të Kamzës. Dosja.al ka mësuar se 49-vjeçari ndodhej në automjetin e tij në rrugën “London” në momentin që pranë tij janë afruar dy persona të maskuar. Të maskuarit, kanë zbritur nga automjti i tyre, i llojit “Range Rover” dhe kanë filluar të debatojnë me 49-vjeçarin.

Më pas, ata e kanë futur Prengën me forcë në makinën e tyre dhe janë larguar me shpejtësi nga rruga ‘London’, ku edhe ndodhi ngjarja. Dyshohet se konflikti ka nisur për një shumë parash të marrë hua, por nuk dihen detaje të tjera. Ndërkohë mësohet se makina me pengun brenda është nisur drejt Fushë Krujës dhe është pikasur në Urën e Gjoles.  

Për më shumë bëhu pjesë e grupit më viral në Facebook, Dosja.al

Dëshmitarët bëjnë me dije se kanë parë gjak në tokë në momentin kur është rrëmbyer personi, ende i paidentifikuar. Ata e përjashtojnë mundësinë që pengu dhe pengmarrësit të jenë banorë të zonës. Në vendngjaje mbeti vetëm mjeti i tij. Sipas tyre, Policia ka ardhur me vonesë pas njoftimit edhe pse rruga ku ndodhi ngjarja është vetëm pak metra larg Bashkisë dhe Komisariatit të qytetit. Megjithatë i gjithë rrëmbimi alla ‘Hollyëood’ është filmuar nga kamerat e sigurisë se një shtëpie. Pamjet janë marrë nga grupi hetimor për të parë se çfarë ka ndodhur dhe si ka ndodhur e gjithë ngjarja  Ndërkohë Policia ka ngritur postblloqe për të bërë të mundur kapjen e autorëve dhe shpëtimin e pengut.

(k.m/f.m/dosja.al)

  • 20:13

    Zbulohet identiteti i personit që u rrëmbye në Kamëz

    Dosja.al ka zbardhur identitetin e perosnit që u rrëmbye në Kamëz. Mësohet se 49-vjeçari quhet Jakë Prenga, i cili mesditën e sotme ra pre e një rrëmbimi të dhunshëm në qendër të Kamzës.

    Prenga ndodhej në automjetin e tij, në momentin që katër persona të maskuar i janë afruar dhe kanë debatuar me të. Më pas, Të maskuarit, e kanë futur 49-vjeçarin me forcë në një makinë të bardhë tip “Range Rover” dhe janë larguar me shpejtësi nga rruga ‘London’, ku edhe ndodhi ngjarja. Dyshohet se konflikti ka nisur për një shumë parash të marrë hua, por nuk dihen detaje të tjera. Ndërkohë mësohet se makina me pengun brenda është nisur drejt Fushë Krujës dhe është pikasur në Urën e Gjoles.

  • 18:21

    Rrëmbimi alla ‘Hollywood’ në mes të ditës, e gjithë skena u filmua nga kamerat e një banese

    Foto ilustruese

    Edhe pse kanë kaluar më shumë se 6 orë, ende asnjë shenjë nga personi i rrëmbyer mesditën e sotme në Kamëz. Burime për Dosja.al bëjnë me dije se e gjithë ngjarja është e dokumentuar me kamera.  I gjithë rrëmbimi alla ‘Hollywood’ është filmuar nga kamerat e sigurisë se një shtëpie. Pamjet janë marrë nga grupi hetimor për të parë se çfarë ka ndodhur dhe si ka ndodhur e gjithë ngjarja në mes të ditës dhe vetëm disa metra larg Komisariatit të Policisë. 

  • 14:15

    Detaje të reja nga pengmarrja në Kamëz, ka të plagosur, njolla gjaku, 3 vetë u përfshinë në sherr...

    Dosja.al zbulon detaje të reja nga pengmarrja që ka ndodhur mesditën e sotme në Kamëz, ku është marrë peng një person. Burime për Dosja.al bëjnë me dije se në vendin ku ndodhi konflikti që më pas ka sjellë pengmarrjen, ka njolla gjaku. Dyshohet paraprakisht se pjesë e sherrit kanë qenë 3 vetë, ende të paidentifikuar, që janë rrahur në rrugën “London” në Kamëz. Ata janë goditur me sende të forta, dhe paraprakisht burimet sqarojnë se policia dyshon se ka edhe të plagosur. Ndërkohë që dëshmitarët përjashtojnë mundësinë që pengu dhe pengmarrësit të jenë banorë të zonës.

  • 13:45

    E morrën peng se u kishte para borxh? Si nisi sherri që degradoi në Kamëz

    Foto ilustruese

    Detaje të reja janë zbuluar lidhur me pengmarrjen e ndodhur në qendër të qytetit të Kamzës. Dyshohet se konflikti mes rrëmbyesve dhe të marrurit peng ka nisur për një shumë parash që është marrë borxh e nuk është kthyer në kohë. Gjithashtu mësohet se autorët e pengmarrjes janë nisur me shpejtësi në drejtim të Fushë Krujës dhe është pikasur në Urën e Gjoles.  

  • 13:31

    Pengmarrja në Kamëz ndodhi disa metra larg Bashkisë dhe Komisaritatit, si u mor personi ‘nën hundën’ e shtetit

    Pengmarrja e personit ende të paindentifikuar në Kamëz, ka ndodhur vetëm pak metra larg Bashkisë dhe Komisariatit të qytetit.

    Largësia e rrugës ‘Lonfon’ nga Bashkia

    Siç duket edhe nga fotot, rruga ‘London’ të nxjerr në krah të Bashkisë, duke e bërë edhe më të rëndë ngjarjen e ndodhur, pasi i rrëmbyeri është marrë peng ‘nën hundën’ e shtetit. 

  • 13:21

    Pengmarrja në Kamëz, dëshmitarët tregojnë se ç’panë: U larguan me fuoristradë të bardhë

    Foto ilustruese

    Detaje të reja janë zbuluar nga pengmarrja në Kamëz. Dëshitarët okularë të sherrit që degradoi në marrje peng kanë bërë me dije se ishin katër persona të maskuar ata që nxorrën me zor nga makina një tjetër. Sipas tyre pengmarrësit u larguan me një fuoristradë të bardhë.

    “U larguan me fuoristadë të bardhë, kemi parë gjurmë gjaku në rrugë. Policia erdhi pak me vonesë në zonë edhe pse ngjarja ndodhur  300 metra larg rajonit të policisë. Mjeti mbeti aty edhe pse pronarin e morën,”– kanë deklaruar në Polici dëshmitarët okularë të ngjarjes.

  • 13:06

    Policia jep detaje nga ngjarja në Kamëz: Ndodhi në ‘London’, e nxorrën me zor nga makina

    Foto ilustruese

    Policia ka dhënë detaje lidhur e pengmarrjen e ndodhur mesditën e sotme në Kamëz, nga dy persina të maskuar. Mësohet se ngjarja ka ndodhur në orën 11:44 në rrugën “London”, ku një person gjatë një konflikti të çastit është nxjerrë nga makina e tij dhe është marrë peng.

    NJOFTIMI I PLOTË:

    Kamëz/Informacion Paraprak Rreth orës 11:44, në rrugën “London”, Kamëz, dyshohet se gjatë një konflikti të çastit midis disa personave ende të paidentifikuar, është marrë jashtë dëshirës në automjet një nga personat e përfshirë në konflikt. Policia ka shkuar menjëherë në vendngjarje dhe është vënë në ndjekje të automjetit i cili është larguar menjëherë nga vendngjarja. Në vendngjarje shërbimet e Policisë kanë gjetur automjetin e personit që dyshohet se është marrë jashtë dëshirës së tij nga personat me të cilët u konfliktua. Grupi hetimor po punon për sqarimin e plotë të rrethanave të ngjarjes.

Shto Koment