Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Një video e hedhur në Facebook mëngjesin e së shtunës, tregoi gjendjen kaotike të selisë së Partisë Demokratike. Një demokrat i veshur me kostum, hyri në seli i pashqetësuar, u ngjit në kat të dytë, në sy të punonjësve të administratës, ndalonte të përshëndeste kë të mundte, derisa arriti në paradhomën e zyrës së Kryetarit. Aty nuk ishte askush, demokrati, bashkë me atë që e xhironte, hynë të pashqetësuar në zyrën e Kryetarit të Partisë Demokratike.
Këtu përfundon videoja dhe fillon marshimi triumfal i Flamur Nokës, Belind Këlliçit dhe të tjerë anëtarëve të Komisionit të Rithemelimit në seli. Pasi arrijnë tek dera anësore, hyrja ende nuk fuqi e selisë së blinduar, nxjerrin telefonat, ndalojnë për pak dhe pastaj hyjnë brenda.
Nëpër zyrat e administratës takojën gjithkënd, të shoqëruar nga mediat. Duket si fundi i lumtur i filmit “Radiostacioni”, mungon vetëm folësja, që duhet të komunikojë sipas këshillave të çlirimtarëve përshëndetjen epike “Ju Flet Tirana”.
Qëndresa e grupit të vulës ra. Kishte filluar të zhbëhej që pas 6 marsit, kur deputetët e mbetur nën logon e PD-së, kuptuan se, me Lulzim Bashën kryetar, ky do të ishte mandati i fundit, në 2025 nuk do të kishte mjaftueshëm vota për tu rizgjedhur nën logon e PD-së. Presioni i brendshëm ndaj Bashës, ishte në shumicë absolute brenda grupit parlamentar. Kjo shumicë, e artikuluar publikisht nëpërmjet Grida Dumës, Agron Gjekmarkajt dhe Ervin Salianjit, pasi e pa që kryetari i logos nuk donte të tërhiqej as pas katastrofës, mblodhi firmat e deputetëve për ta përjashtuar nga grupi parlamentar. Një akt turpërues i paprecedentë, që nuk mund të mos e trembte Lulzim Bashën.
Pasi numëroi mirë votat në grup, pasi tentoi që me një forum të shpikur së fundi, si Kolegji i Kryetarëve të degëve, tu imponohej deputetëve, kryetari i logos e kuptoi që nuk kishte më asnjë rrugëdalje. Java filloi me dorëheqjen e tij. E paqartë, e shoqëruar me një dokument të gatshëm që kërkonte edhe largimin e Berishës, edhe një proces pajtimi të drejtuar nga të besuarit e kryetarit të dorëhequr, dukej më shumë si një tërheqje e përkohshme, për të shmnagur shkarkimine turpshëm nga grupi parlamantar, sesa një largim pas reflektimit të gjatë.
Nënkryetari Alibeaj e mori detyrën menjëherë, ndërsa Statuti e deturon Sekretarin e Përgjithshëm, që, për përcaktimin e kryetarit në detyrë, mblidhet Këshilli Kombëtar. Për 5 ditë, Alibeaj funksionoi si Kryetar pa vendimin e Këshillit Kombëtar, me një shpjegim të Gazmend Bardhit, se, meqë nënkryetarja tjetër, Jorida Tabaku, nuk pranoi, Alibeaj ishte zgjedhja e vetme. Ndërsa bisedimet dhe diskutimet për modalitetet e bisedimeve vazhdonin jashtë selisë dhe numri i deputetëve që i bashkohej Berishës po shtohej me shpejtësi, të premten Gjykata vendosi pas 3 muajsh të regjistrojë vendimet e Kuvendit të 11 dhjetorit, duke i dhënë legjitimitetin absolut shumicës së konfirmuar në 6 mars.
Ngjarjet që po ecnin ngadalë, u përshpejtuan në mënyrë marramendëse pas vendimit. Në stilin e tij unik, Berisha nuk priti, por, pas një mbledhjeje të shkurtër të Komisionit të Rithemelimit, shkoi në seli, ku takoi dy mbështeësit e fundit të Lulzim Bashës, Alibeajn dhe Bardhin, dy denoncuesit e vetëm të vendimit të Gjykatës, dy përfaqësuesit e vetëm të tezës së largimit të Berishës, si parakusht për bashkimin.
Megjithëse nuk ranë dakord për vendimine gjykatës dhe largimin e Berishës, në atë takim u ra dakord që, Grupi Parlamentar të njihej si organi vendimmarrës, derisa forumet e partisë të njihen nga të gjitha palët. Berisha, i rikthyer si patriarku i demokratëve, ishte shndërruar plotësisht. Në konferencën e shtypit, retorika e tij ishte e njëjtë me atë të para 9 shtatorit. Fjala “bashkim” zëvendësoi “Lulzim Bravën, Pengun, Boshin”.
Dukej se lufta kishte mbaruar derisa, pas largimit të Berishës, Alibeaj iu rikthye llogores. Me të njëjtën gjuhë armiqësore, duke mos e njohur vendimin e Gjykatës dhe duke kërkuar si parakusht largimin e Berishës nga PD, u duk sikur “bashkimi” nuk kishte as të tashme as të ardhme. Marshimi i sotëm pa Berishën, në një PD të populluar vetëm nga administrata, shënoi ditën e parë të paqes, pas dorëzimit pa kushte të pakicës.
Flamur Noka garantonte administratën se nuk do të pushohej askush nga puna, dha urdhër të hiqeshin dyert e blinduara dhe përsëriti mesazhin e bashkimit. Dukej sikur po merrte në dorëzim selinë. Lulzim Basha e kishte bërë këtë të mërkurën, kur hoqi gjithçka personale nga zyra e tij. Dje, mesa duket e kanë bërë edhe të tjerët, megjithëse pas parakalimit triumfal të Foltores, selia mbeti përsëri e shkretë, me punonjësit e administratës, që nuk e dinë pse janë aty, sa duhet të rrinë dhe çfarë duhet të bëjnë.
(Dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
Policia e kantonit të Zyrihut në Zvicër për herë të parë kërkon ndihmën e qytetarëve shqiptarë, duke vënë një shpërblim prej 10’000 frangash për çdo info...
FIER- Një 42-vjeçar ka rënë në prangat e Policisë pasi është kapur një flagrancë duke dhunuar bashkëshorten e tij. Në pranga nga rënë shtetasi me inicial...
TIRANË– Komisioni i Rithemelimit të Partisë Demokratike, ka shkuar sërish sot në selinë e PD-së për të parë nga afër bukerizimin e selisë blu. Pasi k...
TIRANË– Selia e Partisë Demokratike jo vetëm që nuk është më e blinduar, por tani kushdo që mund të shkojë kudo. Aktivisti demokrat, Mariglend Do&cce...
SHKODËR- Dosja.al ka kontaktuar me ish-kandidatin e Partisë Demokratike për kryebashkiak të Shkodrës, Xhemal Bushati. Në një telefonatë, ai është sqaruar s...
ITALI- Janë dhënë 20 masa sigurie nga Gjykata e Perugias në Itali ndaj një grupi shqiptarësh nën hetim për vepra të ndryshme penale të lidhura me furnizimin e v...
TIRANË- Ekstaradohet nga Italia 47-vjeçari i shpallur në kërkim për vrasjen e dy vëllezërve në Vlorë. 47-vjeçari Gerti Selimaj është arrestua...
SHKODËR- Kryetari i Bashkisë Shkodër, Bardh Spahia ka dënuar dy sulmet me eksploziv të ndodhur mëngjesin e sotëm, duke u shprehur se sulme të tilla rrisin ...
KUKËS- Liqeni i Fierzës, i cili është rregullatori hidrik i tre hidrocentraleve në kaskadën e Drinit, duket se ka arritur në pikën kritike.Pamjet që vijnë ...
GREQI- Detaje të reja janë zbuluar nga ngjarja që tronditi pasditen e djeshme vendin fiqnj ku një 37-vjeçare shqiptare ka hedhur nga ballkoni dy nipërit ...
