Ish-sigurimsat/ Denoncimi i PD, Alibeaj: 9-ish oficerë u ngritën në detyrë gjatë drejtimit të SHISH nga Bendo (EMRAT)

27 Janar 2019, 20:36 Nga DOSJA

TIRANE- Partia Demokratike ka denoncuar sot se Shërbimi Informativ Shtetëror gjatë kohës që ka marrë drejtimin Helidon Bendo ka emëruar mbi 9 ish-oficerë të Sigurimit të Shtetit në poste të larta drejtuese.

Deputeti i PD, Enkelejd Alibeaj, ka publikuar sot një listë me emrat e oficerëve dhe bashkëpunëtorëve të Sigurimit që sipas PD, kanë amrrë poste drejtuese në kundërshtim me ligjin për promovimin në detyrë të personave që dalin në dokumentacion si bashkëpunëtorë të Sigurimit të Shtetit, gjatë kohës së regjimit komunist.

Alibeaj tha se për Rafail Milon dhe Qerim Dedjen, Autoriteti i Dosjeve ka zbuluar dokumenta që pengojnë ngritjen e tyre në detyrë.

Emrat e denoncuar nga PD-ja janë; Rafail Milo, Qerim Dedja, Mevlud Matraku, Vladimir Elezi, Gëzim Bime, Ilir Tafa, Sokrat Mite, Agim Karralli dhe Rinald Serhani.

Denoncimi i bërë sot nga PD, vjen një ditë pasi Gent Strazimiri akuzoi prokurorin Bujar Sheshi se ishte bashkëpunëtor i Sigurimit dhe është bërë pjesë e KLP. (Lexo ketu)

Pjesë nga deklarata e Enkelejd Alibeajt:

Partia Demokratike disponon të dhëna se nën drejtimin e njeriut të Edi Ramës në shërbimin sekret, Helidon Bendo, të paktën 9 ish oficerë dhe operativë të Sigurimit të Shtetit janë emëruar në poste shumë të larta drejtuese në kundërshtimin me ligjin e promovimit në detyrë të personave që figurojnë në dokumentacionin e Sigurimit të Shtetit.

Lista jep të qartë emrat dhe detyrat e larta ku janë emëruar pas marrjes së shërbimit sekret nën kontrollin e Edi Ramës.

1- Rafail Milo: ish oficer i Sigurimit të Shtetit. Nga inspektor, ai emërohet Drejtor i Departamentit të Administratës në SHISH. Ka në varësi Drejtorinë Juridike dhe atë Ekonomike.

2- Qerim Dedja: ish oficer i Sigurimit të Shtetit, nga inspektor emërohet drejtor i Drejtorisë së Sigurisë

3- Mevlud Matraku: ish oficer i Sigurimit të Shtetit, punëtor operativ, kryesisht në Sarandë. Nga inspektor, është emëruar Drejtor i Performancës. Bën vlerësimin e të gjitha drejtorive të linjës informative operative.

4- Vladimir Elezi: ish punëtor operativ i Sigurimit të Shtetit është emëruar Drejtor në SHISH në Elbasan.

5- Gëzim Bime: ish oficer i Sigurimit të Shtetit nga inspektor, emërohet Drejtor kundër Krimit Ekonomik dhe Korrupsionit (drejtori e rëndësishme në punën operative)

6- Ilir Tafa: ish oficer i Sigurimit të Shtetit, emërohet Drejtor i Drejtorisë SHISH, në Durrës. Vëllai i tij është Afrim Tafa, ish Drejtor Policie, i cili është në listat e punonjësve të policisë, i implikuar në trafikun e drogës.

7- Sokrat Mite: ish oficer i Sigurimit të Shtetit, nga inspektor, emërohet zëvendësdrejtor i Departamentit të Kundërzbulimit.

8- Agim Karralli: ish oficer i Sigurimit të Shtetit, nga inspektor, emërohet Drejtor i Drejtorisë SHISH Tiranë.

9- Rinald Serhani: ish oficer i Sigurimit të Shtetit, emërohet Drejtor në SHISH.

Për dy emrat e parë, Autoriteti i Dosjeve ka zbuluar dokumentacion të mjafteshëm që i bën ata të papërshtatshëm për promovimin në detyrë, ndërsa për 7 të të tjerët, ka prova të qarta në dojet e tyre personale në SHiSH se kanë qenë oficerë të shërbimit sekret të diktaturës.

Sot kam një pyetje për çdo qytetar shqiptar: A besoni se rendi, drejtësia, siguria mund të garantohen nga njerëz që dikur na kanë torturuar dhe na kanë masakruar, na kanë mbajtur të izoluar si në kafaz? Partia Demokratike është e bindur se përgjigja e shumicës së shqiptare pergjigjen me një Jo të fortë! Sigurimi i Shtetit nuk mund të na japë as drejtësi, as rend dhe as siguri! Shërbimi më i mirë që sot mund t’i bëjmë vendit është të largojmë pa humbur kohë arkitektin e qeverisjes me Sigurimin e Shtetit!

Vendimi i gjykatës së Apelit për të pranuar kërkesën e Alibeajt është:

View Results

politike politike akuzat e pd bujar sheshi helidon bendo ish-sigurimsat akuzat e pd bujar sheshi helidon bendo ish-sigurimsat

Në përputhje me standarded JTI

Politike 26 Janar 2019, 21:33

Trupa e KLP/ PD: Bujar Sheshi, bashkëpunëtor i Sigurimit. Prokurori: Sajesë e ulët!

TIRANE- Partia Demokratike ka akuzuar sot prokurorin Bujar Sheshi, anëtar i Këshillit të Lartë të Prokurorisë se ka qenë bashkëpunëtor i Sigurimit të Shtetit, g...

Politike 24 Janar 2019, 20:26

100 vite pa Ismail Qemalin, politika homazhe për ‘Atin e Kombit’

100 vite pa Ismail Qemalin. Dita e sotme shënon 100 vite pa babain e Kombit, dhe një nga veprimtarët më të rëndësishëm të çështjes kombëtare. Themeluesi ...

MË SHUMË