Politike

Interpelanca urgjente për ‘Rinasin’, Murrizi: Grabitja ka pasur kallauz nga brenda, FNSH-të rastësisht në aeroport

Deputeti i përjashtuar nga PD, Myslim Murrizi u shpreh se sinjalizuesit e grabitësve ishin punonjës të aeroportit të Rinasit. 

TIRANË– Deputeti i përjashtuar nga PD, Myslim Murrizi në fjalën e tij në Kuvend ka kërkuar nga ministri i Brendshëm, Sandër Lleshaj një shifër të saktë të parave të vjedhura nga grabitja në Rinas.

Më tej në fjalën e tij, Murrizi u shpreh se sinjalizuesit e grabitësve ishin punonjës të aeroportit të Rinasit. 

Është detyrë e juaja që në çdo cep të Shqipërisë që ka ngjarje, ju mbani përgjegjësi si Ministër i Brendshëm. Nuk dua të hyj në imagjinatën e askujt që thoshin se mund të merrej peng Meta, t’i shpallej luftë Kinës etj etj. E di mirë, pashë korrenspondecën e shefit të Komisariatit me TIA-n. Kishte marrë përgjigjie ironike dhe fyese nga TIA. Shqiptarët nuk dinë sa para janë grabitur realisht. Me thasë ma raportoi shefi i Komisariatit. U vodhën 7 thasë. Të kujt banke ishin? Më thanë tre banka të ndryshme. Por licensat e këtyre kompanive private i kontrolloni ju. Çështje kjo arrogancë e TIA-s? Pse nuk e kontrollojmë dot aeroportin? Unë besoj se grabitja ka pasur kallauz nga brenda. Kush është kjo forcë që nuk ia hap derën FNSH-së. FNSH-ja ka shkuar për të marrë disa persona të depërtuar. Ishin rastësisht aty. Unë nuk iu ngarkoj me përgjegjësi penale apo ligjore. Dua të di ku janë paratë, brenda apo jashtë Shqipërisë? Sa jeni të sigurtë që nuk ka grekë, malazezë apo nga Kosova? ,”-tha Murrizi në Kuvend.

Për më shumë bëhu pjesë e grupit më viral në Facebook, Dosja.al

Grabitja spektakolare ndodhi më 9 Prill në pistën e aeroportit të Rinasit, ku u vodhën 10 milionë euro. Një makinë pa targa mbi të cilën shkruhej “Hetimi Tatimor” vodhi shumën e parave që do të transportohej në më pak se 2 minuta. Pasi kryen grabitjen, 4 autorët u larguan me shpejtësi nga dera e pasme e aeroportit. Gjatë largimit dyshohet se ka pasur edhe një shkëmbim zjarri mes autorëve dhe policisë, ku ka mbetur i vrarë Admir Murataj, i cili njihet si ‘truri’ i grabitjeve. Gjatë grabitjes, Murataj mbante veshur një maskë.

(k.m./dosja.al)

Shto Koment