Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Interesi i rritur për turizmin vendas ndër shqiptarë ka shënuar një transformim të dukshëm, veçanërisht pas periudhës së pandemisë Covid-19. Kjo rritje e interesit mund të lidhet me punën shumë te mirë të agjencive vendase në kohën e izolimit të vendit, të cilat zgjeruan gamën e paketave dhe destinacioneve të tyre të reja turistike me cmime të përballueshme nga të gjithë.
Shqipëria është shfaqur si një destinacion i preferuar në Europë i krahasuar me destinacionet më në zë sot në Botë, duke përdorur për këtë arsye pozicionin e saj gjeografik të favorshëm në Mesdhe dhe në Europë, vijën e saj të gjatë bregdetare, hidrografinë e pasur, trashëgiminë e saj të vlerësuar nderkombetarisht; atë natyrore dhe kulturore, fuqinë punonjëse në moshë relativisht të re, cmimet konkurruese dhe gastronominë shumë të pëlqyer mesdhetare. Kjo e bën Shqipërinë një zgjedhje të preferuar për turistët që kërkojnë përvoja të ndryshme dhe Aventura sepse ofron një reliev shumë të pasur krahasuar me destinacionet tradicionalisht të eksploruara tashmë.
Interesi i rritur për turizmin vendas ndër shqiptarë ka shënuar një transformim të dukshëm, veçanërisht pas periudhës së pandemisë Covid-19. Kjo rritje e interesit mund të lidhet me punën shumë te mirë të agjencive vendase në kohën e izolimit të vendit, të cilat zgjeruan gamën e paketave dhe destinacioneve të tyre të reja turistike me cmime të përballueshme nga të gjithë. Nga ana tjetër ishin zhvillimet në industrinë e turizmit vendas të cilat u shoqëruan me një përmirësim të shërbimit, edhe pse jo në nivelin dhe cilësinë që duhej të ishin, në rritje të numrit të strukturave akomoduese, përmirësim të infrastukturës, marrja e eksperiencës nga shqiptarët që vinin nga vendet me turizëm të zhvilluar dhe cilësor.
Industria e Turizmit në Shqipëri ka bërë hapa të konsiderueshëm gjatë viteve të fundit, duke tërhequr gjithnjë e më shumë si turistët vendas ashtu edhe të huaj përmes ofertës së saj të pasur në trashëgiminë e saj natyrore dhe kulturore.
Nëse fillimisht, turistët vinin nga vendet në afërsi me Shqipërinë, tashmë shtrirja do të ishte shumë më e gjerë, duke përfshirë turistë të ardhur nga vendet skandinave, Kanadaja, Amerika Latine, Australia, Kina dhe vendet arabe.
Megjithatë, sfidat që dalin çdo vit përpara këtij sektori kanë qënë të shumta duke sjellë shpeshherë vështirësi dhe pakënaqësi tek pronarët e bizneseve.
Në këtë artikull do të trajtoj dy nga problemet më të mëdha me të cilat po përballet sot Turizmi dhe në vecanti me atë që është konsideruar si "Thembra e Akilit" të këtij sektori.
Shqetësimi i ekspertëve të turizmit gjatë viteve të kaluara kanë qënë çmimet e ulëta. Në median ndërkombëtare Shqipëria u konsiderua si një perlë ekzotike, ende e pazbuluar, me një peisazh mahnitës, klimë të ngrohtë përgjatë vitit, trashëgimi të pasur dhe histori interesante për ta njohur, shoqëruar të gjitha këto me cmime shumë të ulëta.
Kjo ishte edhe arsyeja që shumë analistë dhe ekspertë në këtë sektor u frikësuan nga fakti se imazhi i Shqipërisë si një vend që ofronte këto mrekulli me cmime të ulëta do të tërhiqte vetëm pjesën e turistëve të cilët vinin me buxhet minimal, gjë që nuk do ta përmirësonte aspak imazhin e vendit dhe as nuk do të kishte rritje të dukshme në zhvillimin ekonomik nga të ardhurat e ulëta që do të vinin.
Problemet e pagave të ulëta, dhe mungesa e gjetjes së burimeve njërëzore të kualifikuara të cilët do të sillnin rritjen dhe përmirësimin e cilësisë së shërbimit në këtë sektor do të ishte një tjetër sfidë për shkak të emigrimit të të rinjve.
Gjithashtu, problemet me mungesën e investimeve në sektorët e tjerë të ekonomisë, përdorimi i teknologjisë të vjetër në disa sektorë dhe mbështetja e madhe e ekonomisë në turizëm tregojnë një varësi të thellë nga ky sektor. Kjo mund të sjellë rreziqe të mëtejshme për stabilitetin ekonomik të vendit nëse nuk ka diversifikim dhe modernizim të investimeve në sektorë të tjerë.
Trajnimi dhe kualifikimi i burimeve njerëzore, përmirësimi i shërbimeve dhe mbajtja e stafit me motivim dhe paga të larta janë faktorë kyç për të rritur cilësinë dhe konkurrueshmërinë e industrisë së turizmit.
Rritja e menjëhershme e çmimeve në akomodim dhe ushqim mund të ketë pasoja të rënda për industrinë e turizmit, duke përfshirë humbjen e turistëve vendas dhe të huaj. Informacioni i shpërndarë në median ndërkombëtare mbi rritjen e çmimeve në Shqipëri dhe perceptimi i vendit si një destinacion me kosto të lartë mund të shkaktojë largimin e interesit të vizitorëve, veçanërisht të atyre që kërkojnë mundësi të arsyeshme financiare për pushimet e tyre.
Turistët vendas, si edhe ata nga Kosova pas heqjes së vizave, mund të kthehen në alternativa më të lira për pushime, si Greqia dhe Turqia. Kjo situatë mund të shkaktojë humbje të rëndësishme të të ardhurave për industrinë e turizmit në Shqipëri.
Është e rëndësishme që operatorët turistikë dhe bizneset qe ushtrojnë veprimtarinë në këtë industri, të menaxhojnë me kujdes rritjen e çmimeve, duke pasur parasysh qëndrueshmërinë dhe konkurrencën me destinacionet e tjera turistike në rajon.
Rritja e menjëhershme dhe e dukshme e çmimeve nuk është e kufizuar vetëm tek hotelet, por shtrihet në të gjitha aspektet e tjera të turizmit, përfshirë ushqimet, transportin dhe çadrat. Ndërsa kjo rritje e çmimeve mund të mos ketë ndikim të madh tek shtresa e popullsisë që përbën 10-20% dhe që ka mundësi të paguajë, ndikimi në tregun e përgjithshëm të turizmit është i dukshëm.
Këtë vit, një trend i rëndësishëm i vërejtur nga prenotimet në agjencitë turistike është rritja e ndjeshme e numrit të shqiptarëve që zgjedhin pushimet jashtë vendit. Vendet e preferuara përfshijnë Greqinë, Turqinë, Kroacinë dhe Malin e Zi, të cilat ofrojnë paketa më interesante. Ky ndryshim sugjeron se rritja e çmimeve vendore po i shtyn turistët të kërkojnë opsione më të lira dhe më tërheqëse jashtë vendit.
Për shembull, në Vlorë, një dhomë plazhi që vitin e kaluar në muajin korrik kushtonte 45 euro/nata, këtë vit është rritur ndjeshëm deri në 60-70 euro. Ndërsa, dhomat që kushtonin 80 eur/nata kanë kaluar në cmimin 100 eur/nata. Këtu flasim vetëm për akomodimin. Rritje e ndjeshme është vënë re në çdo shërbim tjetër. Nuk po zbresim më në jug sepse rritjet e cmimeve aty kanë qënë shumë të ndjeshme.
E njëjta situatë ka qënë këtë vit edhe në Pogradec, i cili tradicionalisht është mbajtur për cmime të lira. Kjo rritje reflektohet gjithashtu në çmimet e ushqimeve dhe shërbimeve të tjera.
Në krahasim, vendet fqinje po ofrojnë paketa konkurruese që shpesh përfshijnë më shumë shërbime dhe përvoja me çmime të ngjashme ose më të ulëta, duke i bërë ato më tërheqëse për turistët shqiptarë.
Rritja e menjëhershme e çmimeve ka të ngjarë të dekurajojë turistët me të ardhura mesatare dhe të ulëta, gjë që mund të çojë në një rënie të turizmit vendor. Kjo mund të ketë ndikim negativ në bizneset lokale që mbështeten në një fluks të qëndrueshëm turistësh.
Me një rritje të numrit të shqiptarëve që zgjedhin udhëtimet jashtë vendit, ekziston rreziku i rrjedhjes ekonomike, ku paratë që mund të ishin shpenzuar brenda vendit, shpenzohen jashtë tij. Ky trend mund të dobësojë industrinë vendore të turizmit dhe të ndikojë në qëndrueshmërinë e saj.
Rritja e menjëhershme dhe e dukshme e çmimeve në të gjitha aspektet e turizmit në Shqipëri po ndikon në preferencat e udhëtimit, duke shtyrë shumë shqiptarë të zgjedhin opsione jashtë vendit. Vitet e fundit, shumë shqiptarë ishin kthyer drejt pushimeve në vend dhe shumë emigrantë që ktheheshin për të takuar familjet e tyre preferonin bregdetin shqiptar apo destinacionet e tyre të preferuara brenda vendit. Megjithatë, ky vit tregon një ndryshim në këtë trend, i cili mund të vazhdojë nëse institucionet përkatëse nuk ndërhyjnë.
Për të adresuar këtë çështje, është e nevojshme të zgjerohet kohëzgjatja e sezonit turistik nga 3-4 muaj në 9-10 muaj, gjë që është theksuar shumë herë nga ekspertët e turizmit, në mënyrë që bizneset të justifikojnë mbajtjen e tyre dhe të punonjësve në pozicione pune të qëndrueshme. Masat strategjike të ndërmarra nga Institucionet përgjegjëse në bashkëpunim me qeverinë për një kontroll aty ky vihet re abuzimi me cmimet, do të jetë fillimi i procesit për zgjidhjen e kësaj situate dhe mund të ndihmojnë në ruajtjen dhe rritjen e industrisë vendore të turizmit, duke e bërë atë më tërheqëse dhe konkurruese.
Dritan Dajti ELBASAN- Seanca e radhës në Gjykatë për vrasësin e 4 efektivëve të policisë, Dritan Dajti ës...
pamje nga sekuestrimi KRUJË- Arrestohet në flagrancë një 32-vjeçar në Krujë. Mësohet se 32-vjeçari O...
foto ilustruese TIRANË- Përkeqësohet gjendja shëndetësore e 42-vjeçarit të gjetur mëngjesin e sotëm t&e...
foto ilustruese ZVICËR- Arrestohet një 39-vjeçar shqiptar në hyrje të Zvicrës. Mësohet se 39-vjeçari ë...
foto ilustruese SHKODËR- Procedohen tre të mitur në Shkodër. Mësohet se të miturit të moshave 17, 16 dhe 14 vje&cce...
Xhovana dhe Nuredin ELBASAN- Janë zbuluar detaje të reja lidhur me ngjarjen e rëndë të ndodhur ditën e djeshme në E...
Foto ilustruese POGRADEC- Një aksident është regjistruar mëngjesin e sotëm në aksin rrugor Korçë-Pogradec. Më...
foto ilustruese TIRANË- Arrestohet një 23-vjeçar në Tiranë. Mësohet se 23-vjeçari A.B ka ushtruar dhunë nd...
foto ilustruese TIRANË- Arrestohen pesë persona në Tiranë. Mësohet se është arrestuar 26-vjeçari S.O pasi i ...
Foto ilustruese GREQI- Një 23-vjeçar shqiptar ka humbur jetën në Greqi. Mësohet se ngjarja e rëndë ka ndodhur dje...
