Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pse asnjëri prej tyre nuk tentoi të ndërhyjë për të neutralizuar konfliktin? Një prej tyre shihet në video teksa ngre duart lart nga frika, duke harruar që njësoj si Ludiani edhe ai ka një armë shërbimi, për të mos shuar por për të ruajtur jetë.
TIRANE- Ludian Zaimi vetëm 25 vjeç ndodhet sot pas hekurave pasi vendosi që problemin personal që kishte me kolegun e tij ta zgjidhte duke përdorur armën e shërbimit. Çaush Saliasi, 55 vjeç, babaxhan thonë kush e njihte e kishte zakon të bënte shaka me kolegët e tij. Por Ludiani nuk e mendoi njësoj. Mungesa e qytetarisë për të kuptuar humorin mes kolegëve i ka rrënjët më thellë, ku policia nxiton të lajë duart duke ia veshur shkakun e vrasjes problemeve të shëndetit mendor nga të cilat mund të ketë vuajtur autori. Duke i qepur kostumin e personit me probleme të shëndetit, rasti i Ludian Zaimit ngelet rast i vetëm, ndërsa kushdo që ndalohet sot nga Policia e njeh forcën e kërbaçit dhe fabulën e famshme të "Ligjit në duartë e Maliqit".
Në pamjet që "Euronews Albania" publikoi sot duket se në fakt vrasja nuk ndodhi askund fshehur. Në dalje të zyrës, brenda Komisariatit nr 3, shihet sesi Zaimi qëlloi me armën e shërbimit kolegun e tij, i cili qendronte ulur bashkë me disa policë të tjerë. Në video shihet qartë se autori del jashtë, ndërkohë që pak para tij ka dalë edhe viktima, i cili shihet i ulur në shkallët e komisariatit. Caushi me gjasë ka përsëritur shakanë e tij ndërsa Ludiani e qëllon pandalur, duke vazhduar edhe pasi viktima tenton të shpëtojë duke hyrë në zyrë. Një vrasje e ftohtë, në sy të së paku 8 efektivëve (me aq sa mund të shihet në video), që u finalizua me 7 të shtëna falë edhe mosndërhyrjes së tyre.
Këta policë, që sot me gjasë vazhdojnë detyrën nuk dihet nëse kanë patur ose jo dijeni për mosmarrëveshjen që dy kolegët kishin me njëri-tjetrin. A e dëgjuan ata debatin? Pse asnjëri prej tyre nuk tentoi të ndërhyjë për të neutralizuar konfliktin? Një prej tyre shihet në video teksa ngre duart lart nga frika, duke harruar që njësoj si Ludiani edhe ai ka një armë shërbimi, për të mos shuar por për të ruajtur jetë.
Sot, kur ngjarja me gjasë pritet të shuhet dhe të përfshihet në debatin e përditshëm politik, ajo që qytetarëve do t'ju shërbente më shumë të dinin do të ishte kush është trupa policore e Republikës?
Përtej problemeve të shumta që secili prej tyre mund të ketë (rroga e ulët, uniforma, orët shtesë), në fund të ditës e gjitha është një marrëveshje mes një punëdhësi dhe një punëmarrësi që tashmë është katandisur në një pengmarrje, ku njëri nuk plotëson kushtet dhe tjetri nuk hiqet nga puna. Të vetmet raste kur efektivët e Policisë largohen nga puna janë ato kur shkeljet janë aq flagrante saqë mund të kenë përfunduar në media.
Po në rrugë kush udhëheq? Polici i mirë apo i keq?
Njësoj edhe me hetimin. Shto ujë, shto miell për të mos kuptuar sërish asgjë. është e disata ngjarje ku efektivët e Policisë përdorin armën e shërbimit për arsye që nuk lidhen me punën, ndërsa reagimi është më e shumta vetëm individual.
Pas arrestimit të Ludian Zaimit, ka përgjegjës të tjerë? Komandant grupi, turni, zinxhir komandues, a kishte?
A ka një hetim për mënyrën sesi Ludian Zaimi u rekrutua brenda radhëve të Policisë së Shtetit? Jo-ja do të ishte e tepërt nëse sot do të kishim një raport të detajuar për ecurinë e hetimit dhe jo dy komunikata për ti mbyllur gojën publikut, se autori që fillimisht u akuzua për plagosje, mezi përfundoi në "vrasje me paramendim".
A ka marrë AMP në shqyrtim rastin e Klodian Rashës dhe a u nxorrën mësime nga ai rast? Rasti i Klodian Rashës për këdo që e di përfundoi me përgjegjësinë personale të efektivit, i cili u arrestua, ndërsa kolegu, eprori i tij që do të duhet të kishte sinjalizuar se kishte një polic të paaftë vazhduan detyrën.
E njëjta gjë edhe me qindra raste standarte shkeljesh të efektivëve. Shumë formë dhe pa përmbajtje.
Sot edhe pse ngjarjet janë të pafundme, nuk ka një vendosmëri së pari politike dhe së dyti drejtuese për të përcaktuar një testim të pavarur psikologjik për trupën policore. Këta njerëz që na ndalojnë në rrugë me pushtetin e uniformës dhe kanë në zotërim një armë, ende nuk kanë një raport psikologjik se a e meritojnë besimin publik që iu është dhënë.
Pa harruar korrupsionin, bashkëpunimin me krimin, dekonspirimin e qindra operacioneve policore, ne sot jemi në monitorimin e një trupe policore që tregon se së pari i përgjigjet politikës e së dyti publikut.
Sot duhet riparë ligji për mbajtjen e armës së zjarrit në reparte specifike, pasi shohim se mjeti që do të duhet të përdorej në raste ekstreme ka përfunduar në një mjet lacash që mburren derisa përfundojnë si Rasha apo Zaimi.
Më 21 shkurt 2017, 2 javë para se Edi Rama ta largonte Saimir Tahirin si ministër tha se shqiptarët besojnë së pari trupën policore, e së dyti Zotin. Rama iu referua anketimeve ndërkombëtare për të parashtruar se institucioni më i besuar asokohe ishte Policia.
Me të njëjtin interesim presim edhe sot rezultate nga anketime të tjera, për të parë se kujt i besojnë më shumë shqiptarët, policisë apo Zotit? Policë që do të duhet të ishin gardianët e publikes, asaj që ndajmë të gjithë me njëri-tjetrin brenda këtij vendi të vogël, por në fakt kanë përfunduar në fraksione që mund të ndajnë shumë "gjëra" por asnjëherë parimet për të cilat janë vendosur në krye të detyrës.
(f.g/.dosja.al)
Peter Thiel SHBA- Dekada më parë, interesat e para të Amerikës financuan një strukturë republikane që besonte në ko...
Namik Dokle dhe Sali Berisha Mendimi i parë që me lindi duke lexuar këtë libër, ishte keqardhja që nuk është shkru...
Frederik Ndoci FREDERIK NDOCI, DONALD TRUMP DHE ILUMINATIFrederik Ndocin e gjeta në një kafe. Po fliste me gruan në skype.Ja, më tha, k...
Foto ilustruese Elvia u tërhoq zvarrë dhe u plandos përdhe. Një djalosh i panjohur që po fliste ne telefon dhe që tha " m&eum...
Kuvendi i Shqipërisë Kushtetuta e Shqipërisë, në formën që u miratua në fillim në vitin 1998, parashikonte nj&...
Foto ilustruese Është e vështirë të besohet, por e pamundur të mohohet se rendi ndërkombëtar që mbajti pjes&eu...
Ti je rritur me fjalë të tipit: “Hallall ia boftë Zoti atij!”, “Ai osht njish or ti”; “Osht i zoti nuk matesh dot...
Nga Fjola Graçi-Dosja.alTIRANE– Fundprilli i gjeti besimtarët myslimanë në Shqipëri sërish në sheshin Skënderbej, si hapësirën më të madhe publike ...
Nga Ben BlushiAMERIKANI QË KËRKON TË VDESË NË SHKODËR Këtë burrë e takova në Shkodër përpara disa muajsh. Diku përballë muzeut Mar...
Letër e hapurIsh drejtueses së Prokurorisë së Tiranës, znj. Elisabeta ImerajE nderuar prokurore,Teksa ju dëgjoja në intervistën Tuaj, pas vendimmarries së KPA-ë...
