Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
-E sheh atë plakun atje?
-Atë me shkop që mezi ecën?-pyeti gruaja.
-Po,për atë e kam fjalën.
-Ta ndihmojmë?
Nuk ishte nevoja se pas disa hapash ai u fut tek hyrja e një pallati dhe na u zhduk nga sytë. Por jo nga mendja ime. S’kam per ta harruar kurrë. Se kam një histori sa për të qeshur, aq për t’u revoltuar. Kush e di sa herë kam dashur t’i hyj në dru. Atëhere se tani nuk më shkon ndërmend. Është i moshuar dhe i pamundur.
Quhet Jetmir. Ishte nën/drejtor i shkollës sime 8-vjeçare në Korçë. Burrë simpatik, me sy bojëqielli, bjond dhe vishej pastër. Nëna thoshte, paska një grua nikoqire se i ndrit që larg jaka e këmishës. Ndësa emri i tij ishte gjë e rrallë në ato vite, por që e tregonte më të ri.
Një javë shtatori shkuam aksion për të vjelur mollë, në Dvoran ku shumë plantacione kishin bërë aq prodhim sa nuk ia delnin mbanë vetëm punëtorët. Ne shkonim me dëshirë se bënim kurën e mollëve. Hanim pa kufizim Belfiore,Renet,Gold,Starkinga e plot lloje që nuk ua kujtoj emrat. Prindërve u mburreshim se kullufitëm 10,15 kokrra atë ditë. Atyre goja lëng, por fati na ra ne,nxënësve të shkollave.
Një ditë po u thosha Cales dhe Raqi Dhjamit se molla starkinge ishte emër anglisht dhe shqip përkëthehej Ylli i Mbretit. Në shkollë atëherë bëhej rusisht dhe ky shpjegim i zuri gafil ata. Edhe u çuditën,edhe nuk besuan. Shkurt s’ma varën.
Pas tre ditësh mbaruam aksionin dhe hymë në shkollë. Qysh orën e parë më thirri Jetmiri në zyrën e tij e më kërkoi:
-Ma sqaro njëherë nga vjen fjala starkingë?
Gjithë qejf iu përgjigja, por ai ulëriti:
-Ato janë mollë të partisë, mor derdimen, jo të Anglisë. Janë mollë të Myftarit,ai i ka mbjellë.
Më iku çehrja . U bëra meit.
-Nesër të vish me babain në shkollë.
Sa i thashë nënës vuri kujen.
-Do na ngatërrosh me politikë,-më tha.
Babai e priti qetë. Lëshoi veç një fjalë:
-Gomari. Pastaj më tha të mos shqetësohem.
-Mos ia hap syrin,-i tha nëna.-Bërtiti në sy të Jetmirit dhe pllavitja ndonjë turinjve,
-Nëndrejtorit?-u tremba.
-Ty,mor ty,-e mbylli biseden ajo dhe hapi tv tek Shkupi të ndiqte Dinastinë.
Kurrë nuk e kisha parë babain aq ngushtë. Rrinte si i zënë në faj para Jetmirit. Ai nuk pushonte e shante veç shante. Se unë kisha përdhosur mollët,kisha mohuar punën e Myftarit,(mësova se ky ishte kryetar komiteti dhe kishte dhënë urdhër pér mbjelljen e mollëve),Anglia nuk kishte pse futej në Dvoran. Po dal armik mendova dhe m’u kujtua Dhori, që donte të arratisej e ia çuan vëllezërit e motrat në ca fshatra të Lushnjës.
Nisa të qaj dhe përqafoja babain. I thoja më fal,më fal. Nuk e persëris më. Asnjë fjalë anglisht nuk do shqiptoj,asnjë fjalë anglisht nuk do dëgjoj. E urrej Anglinë dhe gjithë shoqet e saj. Nga frika nuk pushoja. Isha 14 vjeç.
-Mirë,mund të ikni,-tha Jetmiri.
-Agimi e paska ndjerë gabimin.
Dolëm dhe dita më dukej si festë. Shpëtuam. I gëzohesha babait, rrugës, pemëve,bile dhe ajrit që thithja.
Mamaja u lumturua.
-Ikim tani tek Meri,tek tezja,-më tha. -I ka dërguar kunati nga Amerika një bluzë për ty.
Gati me vrap ecnim. Ishim të lehtë si pupël. Tezja ma nxori mbi tavolinë pulovrin. Prej lesh,ngjyrë jeshile,si sytë e mijë. Sa do e veshja shoh ca emra te etiketa.
-Anglisht?-pyeta tezen.
-Anglisht,po çfarë. Nga Amerika erdhi.
-Nuk e dua.
Ia lashë në dorë e dola. Nuk doja të më shfaqej prapë Jetmiri. I shpëtova burgimit të parë. Tani di si të sillem.
-Prej atij plaku që pe qëparë në shkollë nuk mësova asnjë fjalë anglisht. -i thashë gruas dhe historia më erdhi komike dhe tragjike sërish. Jetuam në kohën e kolerës, notuam në kolerë dhe patëm fat që nuk na zuri kolera…
Nga; Agim Xhafka
1 vit nga zgjedhjet e 25 prillit si e shikoni gjendjen e vendit:
TIRANË- Të paguash me rrogë nga taksat përdhunuesit!!! Nuk janë filmaHistori shqiptareTë përdhunon Abazi në shkollëTë përdhunon Izmiri në zyrat e policisëV...
TIRANË- Zgjedhjet parlamentare të vitit 2017 i dhanë mazhorancës 52% të vendeve në parlament. Ajo fitoi 74 mandate dhe gjatë vitit të parë mori mbështetjen...
TIRANË-Në vende si Norvegjia, Suedia, Anglia etj (ndër vendet e para në botë për mbrojtjen e të drejtave të njeriut dhe barazinë gjinore), ka ministri të d...
TIRANË- Kryeministri Rama u shpreh të enjten se:— “Kaskada e Drinit pa Skavicën është si tufa e deleve pa bariun.”— “Drini mjalt me i pru, s’mun’ e ngjyj ...
SUEDI-Nē disa shtete të botës ende vazhdon puna për prodhimin e një vaksine “anti-covid19”. Zbulime të reja vijnë nga shkëncëtarët në Suedi të cilet po punojnë ...
TIRANË- Ministri i Brendshëm, Sandër Lleshaj tha sot se policët që ishin tek Teatri pa numra, do të jenë të paidentifikuar, pasi siç tha ai, deputet...
Ishte fundi i Gushtit. Vapa përvëluese, shoqëruar me një duhmë ajri të nxehtë, ngrihej nga kalldrëmet e gurta të qytetit dhe futej brenda shtëpisë sime, sikur d...
TIRANË- Në datën 25 mars, në një kohë që Shqipëria po përballej ashpër me COVID-19, Kryeministri Edi Rama mendonte për një skenar të rëndë. Në atë kohë ish...
TIRANË- Javet e fundit prinderit e 15 vjecares te abuzuar seksualisht e kaluan duke fshire neper muret e lagjes emrin e saj. E gjithe lagjia ku emri katerg...
