Aktualitet

Helmohen 26 nxënës në Shkodër, drejtoresha: S’di gjë. Përgjegjësja e DSHP-së: Mos pini ujë, mund të vijë prej tij

Dosja.al ka mësuar se adoleshentët kanë shfaqur shenja si marrje mendsh apo të vjella pasi kanë konsumuar ushqim në një fast-food pranë shkollës së tyre.

SHKODËR– Njëzet e gjashtë nxënës të shkollës “Adem Haxhia” kanë përfunduar të helmuar në spitalin e Shkodrës me marrje mendsh dhe të vjella pasi dyshohet se kanë konsumuar ushqim në një fast food pranë shkollës së tyre. 

Mësohet se nxënësit janë të moshës 15-16 vjeç dhe se janë helmuar gjatë orarit të pushimit në shkollën në Postridë, ku edhe vazhdojnë mësimin.

Ata janë trajtuar për 24 orë në spitalin e Shkodrës dhe vetëm 7 prej tyre ndodhen ende të shtruar. 19 të tjerët janë në shtëpitë përkatëse në gjendje të mirë shëndetësore. 

ISHP-ja dhe policia kanë nisur hetime dhe fillimisht kanë marrë në pyetje punonjësit e fast food-it pranë shkollës. Nga ana tjetër, drejtoresha e kësaj shkolle Edlira Alija u shpreh se nuk ka pasur asnjë njoftim për helmimin e nxënësve të saj.

Kurse jashtë shkollës, përgjegjësja e DSHP-së, Dhurata Hysa është shprehur se duhen pritur konkluzionet e analizave për të dalë në një përfudnim. Gjithsesi Hysa shtoi se helmimi mund të ketë ardhur edhe nga uji dhe këshilloi qytetarët që për momentin të mos e pijnë ujin.

Gjatë deklaratës për mediat, përgjegjësja e DSHP-së u përplas me një prind, i cili u shpreh se nuk ka shanse që nxënësit të jenë helmuar nga uji, por nga ushqimi në fast-food.

Për më shumë bëhu pjesë e grupit më viral në Facebook, Dosja.al

Njoftimi nga Policia Shkodër

Ditën e djeshme, në orën 20:50 është marrë njoftim se në Spitalin Rajonal Shkodër janë paraqitur për mjekim 12 fëmijë të moshës 10-12 vjeç, me shenja intoksikimi, të cilët janë jashtë rrezikut për jetën.

Sipas familjarëve të tyre fëmijët kanë konsumuar ushqim në një fast food, përpara shkollës në qendër të fshatit Postrribë, Shkodër.

Janë shoqëruar pronarët e fast food-it për deklarime, si dhe po bëhen verifikimet nga Drejtoria AKU.

Vijojnë veprimet hetimore, nën drejtimin e Prokurorisë së Rrethit Gjyqësor Shkodër.

(f.m/dosja.al)

  • 14:06

    Helmimi i nxënësve në Shkodër, 7 prej tyre ende të shtruar në spital

    Spitali i Shkodrës ka reaguar pas helmimit të nxënësve në shkollën në Postridë në Shkodër.

    Në një reagim zyrtar për mediat, spitali tregon se 7 nga 16 nxënës janë ende të shruar dhe po marrin ndohmë mjekësore.

    Përsa u përket 19 të tjerëve, ata kanë lënë spitalin dhe ndodhen në gjendje të mirë shëndetësore jashtë rrezikut për jetën.

    Reagimi i spitalit

    Spitali Rajonal Shkodër bën me dije se lidhur me ngjarjen e ndodhur mbrëmjen e së enjtes, ku janë paraqitur në Urgjencë 26 nxënës nga shkolla e mesme e bashkuar Postribë me simptoma të tilla si të vjella, temperaturë, marrje mendsh. Të gjithë nxënësit kanë marrë trajtimin e menjëhershëm mjekësor në Spitalin Rajonal të Shkodrës.

    Në total janë paraqitur 26 raste nga ku 16 raste janë trajtuar në repartin infektiv dhe 10 raste janë trajtuar në repartin e pediatrisë.

    Aktualisht 7 persona po marrin akoma shërbim në spital, 5 persona tek reparti i infektivit dhe 2 në pediatri, pjesa tjetër kanë lënë spitalin.

    Pacientët janë nën monitorimin e vazhdueshëm të mjekëve, duke ndjekur mjekimet e rekomanduara.

Shto Koment