Aktualitet

Grabitja në Rinas/ Artan Hoxha hedh dyshime: Dua të shoh kush e vrau autorin, shokët apo policia?

Gazetari Artan Hoxha hodhi dyshime lidhur me faktin se kush ishin autorët e vrasjes së njërit prej gabitësve.
Featured image of article: Grabitja në Rinas/ Artan Hoxha hedh dyshime: Dua të shoh kush e vrau autorin, shokët apo policia? Gazetari Artan Hoxha

TIRANË- Gazetari Artan Hoxha  i ftuar në “Report Tv” ka folur lidhur me grabitjen e ndodhur në aeroportin e Rinas ku mbeti i vdekur njëri prej autorëve.

Në fjalën tij në studio, Hoxha hodhi dyshime lidhur me faktin se kush ishin autorët e vrasjes së njërit prej gabitësve.

 “Dua të shoh se kush e ka vrarë personin. Arma e policisë apo e ajo e shokëve të tij të grabitjes. Dua të shoh procesverbalin. Ekspertiza do të provojë kush e ka shkaktuar vdekjen e tij. Është vrarë nga shkëmbimi i zjarreve apo është eliminuar nga shokët e tij?”-tha gazetari Hoxha. 

Për më shumë bëhu pjesë e grupit më viral në Facebook, Dosja.al

Grabitje e armatosur ka ndodhur pasditen e sotme në pistën e aeroportit të Rinasit. 3 persona të armatosur me një makinë pa targa dhe që mbante mbishkrimin “Hetimi Tatimor” kanë vjedhur 10 milionë euro. Autorët janë përplasur me policinë. Policia ka vrarë njërin nga grabitësit. Deri më tani ka 40 të shoqëruar, dhe 4 urdhër arreste. Njëri prej grabitësve, dyshohet se është larguar me biçikletë drejt lagjes Bathore.

(k.m/dosja.al)

Shto Koment