Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË- Ish-deputeti i Lëvizjes Socialiste për Integrim, Petrit Vasili, në një deklartatë për mediat ka reaguar për grabitjen spektakolare në Rinas. Petrit Vasili deklaroi se përgjegjësit duhet të shkarkoheshin dhe të arrestoheshin për atë që ndodhi. Ai shtoi se pas kësaj ngjarje imazhi i Shqipërisë është rrënuar shumë.
“E gjithë media botërore, jo vetëm ka reflektuar me shumë shqetësim ngjarjen e djeshme, por ka demonstruar qartë edhe njëherë se kjo është një ngjarje shumë e rëndë sepse është shumë herë e përsëritur dhe ku në vend të reflektimit shteti shqiptar, tashmë i mbaruar dhe i kapur nga Rilindja shkon keq e më keq”, shprehet Vasili.
Më tej në deklaratën e tij ish-deputeti shprehet se të gjithë kanë pritur që për këtë ngjarje të ketë shkarkime, pezullime apo arrestime të zyrtarëve, kjo gjë nuk ka ndodhur. “Por ju sot nuk keni asnjë zyrtar të shtetit, i cili të ngarkohet me përgjegjësi nga ligji, që të jetë përpara drejtësisë dhe të ndalohet”, tha ai.
DEKLARATA E PLOTË
Qytetarët shqiptarë janë të shokuar nga ngjarja që ndodhi në aeroportin e Rinasit, ku një grup kriminal demonstroi qartë me veprimet e tij që siguria në këtë aeroport është zero, roli i shtetit në garantimin e kësaj sigurie është sigurisht zero dhe reagimi i shtetit sërish zero. Reflektimi i shtetit pas ngjarjeve të përsëritura herë pas herë, njëra më e rëndë se tjetra në aeroportin e Rinasit, ka sjellë që të kishim një ngjarje akoma më të rëndë sesa të tjerat. Pra në vend të reflektimit shteti ka zgjedhur dorëzimin e plotë të tij dhe të interesave të tij krimit dhe kriminelëve.
Qytetarët janë ndjerë dje, por vazhdojnë të përjetojnë të njëjtën gjë edhe sot dhe në vazhdimësi, pra ndihen gjithmonë e më të rrezikuar. Ndihen më të rrezikuar dhe pikërisht ku? Në atë pjesë dhe atë pikë të vendit, në atë pikë të territorit që është aeroporti i vetëm ndërkombëtar i vendit, ku parametrat e tij të sigurisë duhet të ishin absolutisht maksimale dhe të pa diskutueshme. Është porta e hyrjes në Shqipëri. Është vendi ku mund të vijnë që të vizitojnë Shqipërinë personalitetet më të rëndësishme të botës. Njëherazi mundësi për transportimin e vlerave monetare të rëndësishme dhe shumë elementëve të tjerë. Dhe mbi të gjitha duhet të garantonte sigurinë absolute, qetësinë maksimale dhe provën që Shqipëria dhe shteti i saj është një vend serioz që di të garantojë maksimumin e sigurisë në ato institucione dhe në ato pika, ku kjo garanci duhet të jetë e pa diskutueshme.
Imazhi i Shqipërisë ka pësuar një goditje të pariparueshme. E gjithë media botërore, jo vetëm ka reflektuar me shumë shqetësim ngjarjen e djeshme, por ka demonstruar qartë edhe njëherë se kjo është një ngjarje shumë e rëndë sepse është shumë herë e përsëritur dhe ku në vend të reflektimit shteti shqiptar, tashmë i mbaruar dhe i kapur nga Rilindja shkon keq e më keq. Dhe në vend të reflektimit shkon te heqja e garancive dhe përgjegjësive, duke treguar qartazi që siguria e vendit është në dorë të Zotit, apo më mirë të themi në dorë të kriminelëve, po kurrsesi në dorë të shtetit, i cili ka detyrën e vetme tua bëjë jetën e lehtë dhe jo të vështirë atyre.
Vendimi i marrë nga kompania austriake “Austrian Airlines”, për të mos transportuar më ngarkesa me vlera monetare, është një vendim i paprecedentë. Sigurisht që një vendim i drejtë, por që ekspozon Shqipërinë si një vend me siguri zero.
Të nderuar qytetarë, të gjithë ju e keni pritur që dikush të shkarkohej, dikush të pezullohej nga detyra, dikush të arrestohej në vend pse i ka munguar detyrës. Por ju sot nuk keni asnjë zyrtar të shtetit, i cili të ngarkohet me përgjegjësi nga ligji, që të jetë përpara drejtësisë dhe të ndalohet. Përkundrazi, shikoni qindra forca policie që ndalojnë qytetarë të thjeshtë, qoftë tek Unaza e Re, qoftë tek Bregu i Lumit. Në mënyrë të pa mëshirshme edhe rrihen. Tregohet një egërsi dhe një mizori shumë e madhe ndaj tyre. Ndërsa siç e shikoni, janë të pafuqishëm, të pazotë, të dorëzuar përpara 4 kriminelëve, të cilët bëjnë çfarë duan në aeroportin ndërkombëtar të vendit, në vendi e sigurisë më të lartë. Pra, ja u përsëris qytetarëve, asnjë shkarkim, asnjë pezullim, asnjë arrestim nga përgjegjësit e kësaj pune. Ka përgjegjësi Policia e Shtetit, ka përgjegjësi Aviacioni Civil i Republikës, ka përgjegjësi shërbimet informative të vendit, kanë përgjegjësi të gjithë aktorët, të cilët kanë garancinë e sigurisë dhe kërrkushi nuk përgjigjet. Dhe kush do përgjigjet? Qytetarët pyesin, unë pyes, kush do përgjigjet? Kush e ka këtë përgjegjësi? Por kjo qeveri, ditët e së cilës kanë mbaruar, ka vetëm një përgjigje: kështu ndodh në të gjithë botën. Departamenti Amerikan i Shtetit na paralajmëroi qartë dhe na tha që Shqipëria është bërë një bazë për aksionet e krimit të organizuar edhe për Amerikën, për Amerikën Latine, Lindjen e Mesme dhe Europën, mendoni më për Shqipërinë. Kjo ishte një provë tjetër që krimi i organizuar bën çtë dojë dhe përderisa rrezja e veprimit të tij shkon deri larg, në Amerikë dhe në Amerikën Latine, mendoni se sa e thjesht dhe sa e lehtë është të bëjë çtë dojë në një Shqipëri ku shteti është dorëzuar tërësisht para tij. Praktikisht kjo qeveri e ka dorëzuar shtetin te krimi, kështu që është e qartë që Kryepërgjegjësi i saj, i cili nuk ka folur deri më sot, sepse nuk ka se çfarë të flas, sepse nuk ka mundësi dhe guxim shtetëror dhe kushtetues që të marrë përgjegjësi të rreptë përpara përgjegjësve që duhet të ishin për sigurinë e vendit, për një ngjarje të përsëritur e të përsëritur, që përfundimisht i vuri damkën Shqipërisë përpara opinionit ndërkombëtar, për një shtet inegzistent dhe të dorëzuar. Dhe sigurisht qytetarët, kaq të pasigurt nuk e ndjejnë më Shqipërinë si shtëpinë e tyre, por si një Shqipëri të huaj ku ndodhen të pasigurt edhe duke qenë të hipur në avion, pasi ju e dini që pasagjerët e avionit janë ndalur për orë e orë të tëra për të bërë të gjitha verifikimet, gjoja shumë të sofistikuara, ndërkohë që kriminelët kishin marrë paratë, ishin zhdukur, dhe si përherë gjurmët e tyre humbasin. Pra përfundimisht e kam përsëritur dhe e përsëris, që çdo ditë që ky kryeministër dhe kjo qeveri qëndrojnë në ato karrige dhe marrin përgjegjësinë për ta lënë vendin në dorë të Zotit dhe në dorë të kriminelëve është sigurisht një ditë e zezë për shqiptarët. Po ja u përsëris dhe atyre që qeverisin, është një ditë akoma edhe më e zezë dhe më e rëndë për ta, pasi për të gjitha këto faje shumë të rënda, përpara vendit dhe përpara ndërgjegjes së çdo qytetari, dhe përgjigja do jetë shumë e rreptë dhe kurrkush nuk do t’i falë.
Një grabitje spektakolare ka ndodhur pasditen e djeshme në pistën e aeroportit të Rinasit, ku u vodhën 10 milionë euro. Një makinë pa targa mbi të cilën shkruhej “Hetimi Tatimor” vodhi shumën e parave që do të transportohej në më pak se 2 minuta. Pasi kryen grabitjen, 4 autorët u larguan me shpejtësi nga dera e pasme e aeroportit. Gjatë largimit dyshohet se ka pasur edhe një shkëmbim zjarri mes autorëve dhe policisë, ku ka mbetur i vrarë Admir Murataj, i cili njihet si ‘truri’ i grabitjeve. Gjatë grabitjes, Murataj mbante veshur një maskë.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Kryetari i Partisë Demokratike, Lulzim Basha ka dalë në një konferencë urgjente lidhur me grabitjen e djeshme në Rinas, dhe me protestën e 13 prill...
TIRANË- Kastriot Dervishi, ish-drejtor i Arkivit në Ministrinë e Brendshme, ka publikuar një foto në rrjetet sociale ku shkruan se Kuvendi i Shqipërisë ësh...
TIRANË- Ish-presidenti i Republikës, Bujar Nishani ka reaguar për ngjarjen e rëndë të ndodhur dje në Rinas, ku u grabitën 10 milionë euro. Në një reagim në...
TIRANË– Është zhvilluar ditën e sotme në Gjykatën e Tiranës, seanca e parë e padisë për shpifje e kryeministrit Edi Rama ndaj kreut të PD-së, Lulzim ...
Një ditë më parë një grabitje me pasojë vdekjen e një personi ka ndodhur në Aeroportin Ndërkombëtar të Rinasit.Pesë persona i janë afruar me një mjet ku shkruhe...
TIRANË- Deputetët e Partisë Socialiste kanë reaguar sot për grabitjen që ndodhi në Rinas. Kryetarja e Komisionit të Sigurisë, Ermonela Felaj është shprehur...
TIRANË- Kreu i Partisë Demokratike, Lulzim Basha, ka publikaur një video ku shihet se si hidhet gazi lotsjellës në banesat e banorëve të Bregut të Lumit. B...
TIRANË- Aleksandër Malia ish-ambasador grek në Shqipëri në vitet 1999-2000, autor i disa librave politik, përfshi edhe botimin me titull “Shqipëria dhe Gre...
TIRANË- Zv. Kryeminsitri i Shqipërisë Erion Braçe ka reaguar për grabitjen në Rinas, ku janë marrë 10 milionë euro. Në një postim në mediat sociale ...
Tiranë- Pasditen e djeshme në Rinas u grabitën 10 milionë euro. 4 persona të armatosur me një makinë mbi të cilën shkruhej “Hetimi Tatimor” vodhën 10 milionë eu...
