Aktualitet

Grabitën me dhunë në mes të natës banesën në Finiq/Dalin fotot e tre “skifterave” që po terrorizonin banorët, si u arrestuan nga Policia (EMRAT)

  • “Më kapën për gryke dhe më tërhoqën zvarrë”/ 92-vjeçari në Finiq tregon momentet e grabitjes: Më pas 3 autorët më lidhën këmbët
  • Mësohet se janë arrestuar tre autorët: Jetmir Gerbi 31-vjeç, Kleo Hysi 32 vjeç, dhe  29 vjeçari Paris Qurku. Ata vodhën një armë gjahu dhe 20 mijë lekët të reja në banesën e Dhimitër Papës në Finiq. Ndërkohë, ata akuzohen edhe për një sërë vjedhjesh në këtë zonë.
    Featured image of article: Grabitën me dhunë në mes të natës banesën në Finiq/Dalin fotot e tre “skifterave” që po terrorizonin banorët, si u arrestuan nga Policia (EMRAT) Kleo Hysi, Jetmir Gerbi dhe Paris Qurku
    Përditësuar:

    SARANDË- Policia e Sarandës ka zbardhur vjedhjen që ndodhi disa ditë më parë në banesën e Dhimitër Papës në fshatin Melçan të Finiqit. Policia bën me dije se për këtë vjedhje ka arrestuar tre autorët, të cilët janë Jetmir Gerbi 31-vjeç, Kleo Hysi 32 vjeç, dhe  29 vjeçari Paris Qurku.

    Uniformat blu bëjnë me dije se të tre personat nëpërmjet dhunës kanë marrë në banesën e 92-vjeçarit, një armë gjahu dhe 20 mijë lekët të reja. Ndërkohë ata akuzohen edhe për një sërë vjedhjesh të tjera që kanë ndodhur në këtë zonë.

    NJOFTIMI I PLOTË

    Për më shumë bëhu pjesë e grupit më viral në Facebook, Dosja.al

    Shërbimet e Komisariatit të Policisë Sarandë nën drejtimin e Prokurorisë, në vijim të veprimeve hetimore për zbardhjen dhe dokumentimin me prova ligjore të autorësisë së ngjarjes së ndodhur në 29 Gusht në fshatin Melçan, bënë të mundur zbardhjen e plotë, identifikimin, kapjen dhe ndalimin e të dy bashkëuatorëve të dyshuar për këtë ngjarje, konkretisht: K. H., 32 vjeç dhe P. Q., 29 vjeç, me banim në Sarandë për veprën penale “Vjedhje me dhunë” e kryer në bashkëpunim.

    Nga tërësia e veprimeve rezulton se më datë 29.08.2020, këta shtetas në bashkëpunim me shtetasin J.G., 31 vjeç, banues në Kolonjë, Gjirokastër (arrestuar në flagrancë), gjatë orëve të natës kanë vjedhur me dhunë banesën e shtetasit Dh.P në fshatin Melçan, Finiq, ku nëpërmjet forcës dhe dhunës kanë arritur të marrin një armë gjahu, si dhe një sasi vlere monetare prej 20.000 lekë të reja. Nga hetimet e kryera, dyshohet se këta shtetas janë autorë të disa vjedhjeve të tjera, të ndodhura në këtë zonë për të cilat Policia nën drejtimin. e Prokurorisë po punon për zbardhjen dhe dokumentimin e plotë të tyre. Materialet iu referuan Prokurorisë për veprime të mëtejshme.

    J.V/Dosja.al 

    Shto Koment