Aktualitet

Gazetarja Klodiana Lala tregon detajet si ndodhi grabitja në Rinas (Video)

Gazetarja Klodiana Lala, ka dhënë disa detaje se si është kryer grabitja në Rinas. Lala shprehet se në momentin e grabitjes, në bordin e avionit kanë qenë 160 pasagjerë.Ajo shprehet se ka dyshime se grabitësit kanë bashkëpunuar me rojet e aeroportit.
Featured image of article: Gazetarja Klodiana Lala tregon detajet si ndodhi grabitja në Rinas (Video)

TIRANË- Gazetarja Klodiana Lala ka dhënë detaje për grabitjen e ndodhur sot në Aeroportin e Rinasit. Gazetarja Lala, për “News 24” tha se paratë janë marrë nga barku i avionit.

“Grabitja ka ndodhur brenda Aeroportit të Rinasit. Në kohën që disa kompani të sigurimit të transportit kanë dorëzuar paratë, grabitësit kanë hyrë në avionin me pasagjerë dhe kanë marrë paratë. Paratë u morën nga barku i avionit. Në avion kanë qenë 160 pasagjerë, të cilët do të shkonin në Vjenë. Grabitësit kanë përdorur një furgon ku shkruhej ‘Hetimi tatimor’. Grabitësit të maskuar dhe me kallashnikovë kanë marrë paratë. Grabitësit kanë marrë paratë, pasi kanë drejtuar armët te punonjësit e sigurisë, e këta të fundit janë ulur në tokë. Furgoni ishte pa targa. Policia ka hyrë më vonë na avion. Policia ka pyetur pasagjerët nëse kishin pamje filmike. Gjatë daljes, grabitësit kanë shkëmbyer zjarr me policinë. Njëri prej grabitësve ka mbetur i vdekur. Trupi i pajetë i njërit prej grabitësve u gjet te Ura e Brarit, ndërsa një mjet i dytë u gjet i djegur pranë Kamzës. FNSH dhe të gjitha forcat janë në gatishmëri, madje edhe helikopterë. Janë duke u marrë shenjat e gishtave të personit që u gjet i vdekur, për të verifikuar nëse ka apo jo precedent penal dhe janë duke marrë informacion për lidhjet e tij shoqërore e familjare. Ka dyshime se autorët kanë bashkëpunuar me rojet në Rinas. Vetëm kështu mund të zbulohen grabitësit, e grabitjes më të madhe të ndodhur ndonjëherë në vend”, tha gazetarja Lala .

Për më shumë bëhu pjesë e grupit më viral në Facebook, Dosja.al

Marrë nga BalkanWeb

Shto Koment