Politike

PE ‘luftë’ me opozitën/ Fleckenstein: Zonja e Parë, s’duhet të pengojë integrimin. Kryemadhi: Asnjë hap pas!

Delegacioni i ardhur në Shqipëri për të parë progresin e Shqipërisë, ka mbajtur një konferencë për shtyp, që u fokusua më shumë tek kriza politike në vend. Eurodeputeti Knut Fleckenstein tha se e ka humbur durimin me deputetët e opozitës pas sjelljes së tyre, dhe u shpreh se ndihet i zhgënjyer nga Kryemadhi. Përgjigjet kryetarja e LSI: Asnjë hap pas për shqiptarët!
Featured image of article: PE ‘luftë’ me opozitën/ Fleckenstein: Zonja e Parë, s’duhet të pengojë integrimin. Kryemadhi: Asnjë hap pas! Monika Kryemadhi, kryetare e LSI dhe Knut Fleckenstein, raportues për Shqipërinë
Përditësuar:

TIRANE- Ditën e sotme, Knut Fleckenstein u shpreh në konferencën e sotme para gazetarëve, pas takimit që pati me kryeparlamentarin Gramoz Ruçi se ka humbur durimin me kryetaren e LSI-së, Monika Kryemadhin dhe me deputetët e opozitës.  Ai është shprehur se zonja e parë e vendit nuk duhet të pengojë negociatat.

Po humbas durimin nga qëndrimi i deputetëve të opozitës, protestat të ruajnë qetësinë, pamjet e protestave vonojnë integrimin. I bëj thirrje Këshillit Europian të vlerësojë arritjet e Shqipërisë. Zonja e parë e vendit nuk duhet të pengojë negociatat, kam vëzhguar zgjedhjet e 2017 dhe ishin korrekt, në 5 mars informojmë PE për arritjet tuaja.

Knut Fleckenstein, raportuesi për Shqipërinë në PE

Në një reagim të dytë, Fleckenstein tha se ishte i zhgënjyer nga kryetarja e LSI, që sipas tij, mori përsipër protestën por jo dhunën gjatë protestës. (Lexo ketu)

Pak orë më vonë i është përgjigjur kryetarja e LSI, që thotë se nuk tërhiqet nga deklaratat e saj.(Lexo ketu)

Ndërsa kreu i Kuvendit, Gramoz Ruçi  ka deklaruar se objektivat për integrimin janë drejt përmbushjes dhe se në qershor do të jenë gati organet e reja të Vetting-ut.

Objektivat për integrimin drejt përmbushjes. Reforma në drejtësi po ecën me shumë sukses. Vettingu, jetik për drejtësinë dhe Shqipërinë. Në qershor, organet e reja të sistemit të drejtësisë në funksion të plotë. Reforma ka mbështetjen e 99% të shqiptarëve. Reforma elektorale, paketa e depozituar në Kuvend”, mësohet të jetë shprehur Ruçi.

Për më shumë bëhu pjesë e grupit më viral në Facebook, Dosja.al

Për çështjen e djegies së mandateve, kreu i Kuvendit tha në takim se parlamenti është legjitim.  “Zgjedhjet e 2017 janë të certifikuara nga 100% e numëruesve  të opozitës, Zgjedhjet kanë probleme, por ato zgjidhen në Kuvend.  Opozita gëzon të drejta që unë si opozitar nuk i ëndërroja. Basha ka fol dy orë më shumë se Kryeministri. Opozita ka folur tre orë më shumë se maxhoranca, por ka refuzuar të përdorë kontrollin parlamentar”, tha kryeparlamentari.

Nga ana tjetër, kyesuesi i delegacionit të PE-së, Tunne Kelam dekalori:  “PE mbetet mbështetës i madh i anëtarësimit të Shqipërisë. Përpjekjet për të vonuar çeljen e negociatave nuk kanë mbështetjen tonë. Reforma në drejtësi, thelbësore për qeverisjen dhe besimin e qytetarëve”. 

Ai e ka  vlerësuar negative, ndarjen politike dhe mungesën e bashkëpunimit, duke thënë se “është përgjegjësia e të gjithëve të bashkëpunojnë për interesin kombëtar” “Arrini konsensus dhe na dërgoni një sinjal pozitiv për negociatat”, theksoi Kelam.

Cristian Preda u shpreh në takim se opozita ka ende mundësi të kthehet në Kuvend pasi pas 10 ditësh do të jetë vonë. Ditën e djeshme  delegacioni i PE-së zhvilloi një sërë takimesh duke filluar nga liderët e opozitës deri tek kryeministri Rama por nuk u tha asnjë fjalë për krizën politike në vend. (lexo këtu)

(J.V/F.G/Dosja.al)

Shto Koment