Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
nga Vipsport.al
Në kohën e virusit, futbolli është përfshirë nga një debat tjetër, që në fakt ka qenë “virus” prej vitesh. Deklarimet e rrogave të futbollistëve dhe sasia e sigurimeve që u paguhen. Kryeministri Rama deklaroi se nuk do e fusin futbollin në listën e “ndihmës ekonomike” për këtë periudhë, duke e konsideruar si një sektor ku bëhet evazion dhe se fshihen të ardhurat reale.
Në fakt, nuk duhet të ishte periudha e coronavirusit që Kryeministri ta shfaqte këtë problem, pasi nëqoftëse ai e konsideron si të tillë, i ka të gjitha organizmat për ta luftuar. Madje, nëse Rama e beson, atëherë ka bërë një faj të dyfishtë, së pari, duke mbrojtur evazionin dhe së dyti, duke mbrojtur presidentin e FSHF-së, nga një skemë e madhe evazive, e cila gëlon prej vitesh.
Por, para se të hetohet apo gjykohet fajtori e fajtorët e këtij realiteti, duhen parë disa elementë, pse klubet janë të detyruara të mendojmë, apo edhe më keq, të bëjnë “evazion”.
KRYEMINISTRI RAMA DUHET TË DIJË SE:
1. Futbolli në Shqipëri është një aktivitet i falimentuar, ku të gjithë investitorët në këtë sport, luftojnë për të minimizuar humbjet çdo vit dhe kurrësesi për ta konsideruar ndërmarrjet e tyre si rentabël. Futbolli është i falimentuar, pasi shteti, në bashkëpunim me Federatën, kanë bërë investime selektive infrastrukturore, në stadiume të bukur për t’u parë, por që nuk janë mbushur kurrë (me përjashtim të derbit të kryeqytetit).
2. Futbolli në Shqipëri nuk është i besueshëm, duke nisur nga kategoritë inferiore dhe deri në elitë, pasi arbitrat e futbollit ka pasur mjaft raste që kanë vendosur të vetëm fatin e ndeshjeve të futbollit, në mënyrë skandaloze. Duke e bërë këtë në mes të qyteteve apo telekamerave, duke ditur që ndëshkimet e tyre për këto faje të rënda, janë thjeshtë administrative brenda sferës futbollistike (pa llogaritur rastet kur edhe promovohen në rast se gabojnë ndaj ekipit të “duhur”).
3. Futbolli në Shqipëri është i falimentuar, pasi Shteti, për asnjë rast nuk ka qenë mbështetës në nivelin e duhur për investitorët e këtij sporti. Pronarët e klubeve, në mjaft raste mund të konsiderohen “filantrop”, sesa biznesmen që merren me investimet në këtë sport. A e di kryeministri që në Shqipëri, Federata i jep fituesit të kampionatit 10 milionë lek të rinj si shpërblim, aq sa nuk u bëjnë rrogat për 1 muaj? A e di Kryeministri që E Drejta Televizive u jep klubeve për gjithë vitin, më pak lekë sesa marrin gjoba nga Federata për sjelljen e tifozëve. Dhe duke pasur këto të ardhura qesharake nga Federata dhe me një Shtet inekzistent në sport, a e di Kryeministri që pronarët e klubeve thjeshtë humbasin nga paratë e familjeve të tyre?!
4. A e di kryeministri që klubeve iu mbajtën të ardhurat që jepte UEFA si Fond Solidariteti nga Federata për më shumë se 10 vite dhe iu shpërndanë vetëm pasi u denoncua si skandal në media (Panorama Sport) dhe për këtë nuk mbajti askush përgjegjësi, pavarësisht se bëhej fjalë për Fonde për fëmijët?! A i di Kryeministri këto, para se të gjykojë pronarët e klubeve, që edhe në këtë rast kanë qenë viktima të sistemit?!
5. A e di Kryeministri që futbollistët e klubeve që janë në pronësi të Bashkive, e marrin rrogën si punëtorë të Enteve të tjera shtetërore, në mënyrë që t’u sigurojnë të paktën ndonjë të ardhur, për kontribut si lojtar i skuadrës së qytetit?! A nuk është kjo një “shpërdorim detyre” i bërë në kushtet luftës morale për të mbajtur futbollin gjallë, pasi në të kundërt ai është totalisht i falimentuar?!
6. A e di Kryeministri që ka klube që kanë me dhjetra Urdhëra Përmbarimi për Sekuestro, për shkak të borxheve dhe Federata Shqiptare e Futbollit i licencon si të rregullta për të vazhduar aktivitetin?! Por, Kryeministri duhet të dijë që kjo gjë, sjell detyrimin e këtyre klubeve për të bërë evazion, pasi me llogari bankare të Bllokuara dhe me Federatën që “mbyll sytë” dhe i lejon, atëherë detyrohen të paguajnë lojtarët në të zezë, me para nën dorë!
7. A e di Kryeministri që ka pasur biznesmenë të suksesshëm në fusha të tjera dhe kanë falimentuar, vetëm sepse kanë investuar më pasion në një futboll të falimentuar, që me kalimin e viteve numëron më shumë “viktima” të presidentëve që humbën pasurinë, se sa tifozë në shkallët e stadiumit.
8. A e di Kryeministri që ndryshimet në Ligjin e Sponsorizimeve që u sugjeruan nga komuniteti i Sportit, nuk vlen për të pasuruar pronarët e klubeve, por për të mbajtur gjallë këtë sport, që është më masivi në Shqipëri dhe mbart mbi supe ëndrrat e mijëra fëmijëve, që së paku, rriten duke ushtruar sport. A e di Kryeministri, që me një ligj që u jep më tepër pavarësi ekonomike pronarëve të klubeve të Futbollit, do ketë edhe më tepër demokraci në sport?!
9. A e di Kryeministri që ikonat e futbollit janë lënë në harresë nga shteti dhe për shkak të varfërisë ekonomike, emri dhe figura e tyre përdoret për deklarata kundër politikës apo politikanëve të caktuar, vetëm pse arrijnë të marrin ndonjë rrogë, sado modeste në Federatë (paratë e Federatës nuk janë private, por janë të të gjithë anëtarëve të saj).
10. Për të kërkuar të drejtat dhe për të denoncuar punëdhënësit e tyre, Kryeministri duhet të dijë që futbollistët nuk do kenë guximin për ta bërë. Së pari, sepse janë të detyruar të mbajnë familjet me ato para që marrin dhe së dyti, sepse Sindikata e krijuar që prezymohet se duhet të mbrojë të drejtat e tyre, është thjesht një “filial” i FSHF-së, që flet siç i intereson asaj, ndonëse duhet të ishin në “luftë”, me njera-tjetrën për të kërkuar drejtësinë e sportistëve
Kështu që, Kryeministri duhet të gjykojë para se të paragjykojë, pasi ky sport është drejtuar në “katrahurë”, për shkak se Shteti nuk i ka hedhur sytë, as për të ndihmuar dhe as për të dënuar ata që po e shkatërrojnë…
M.P. / Dosja.al
1 vit nga zgjedhjet e 25 prillit si e shikoni gjendjen e vendit:
KORE E JUGUT- Sulmuesi i Tottenham dhe i Koresë së Jugut, Son Heung-min do të detyrohet për një muaj t’iu nënshtrohet trajnimeve ushtarake në një bazë të marins...
Jerome Boateng është zhgënjyer nga gjoba e marrë nga Bayern, pas aksidentit që pësoi dje në autostradën Berlin-Mynih. “Është e trishtueshme. Do të pr...
BLEGJIKË– Federata Belge, përmes një njoftimi për shtyp, mori një vendim të fortë lidhur me kampionatin, pikërisht me Superligën belge. Sipas një njo...
GJERMANI-Mbrojtësi i Bayern Munich, Jerome Boateng ka thyer rregullat e izolimit për shkak të koronavirusit dhe ka dalë jashtë qytetit me makinën e tij, por udh...
Klubi letonez Riga FC ka gjetur një tjetër mënyrë si të argëtojë tifozēt në këto ditë karantinimi. Klubi i Riga vendosi të pyeste lojtarët për 5 filmat e prefer...
TIRANË- Një reagim mbi braktisjen e Ramës sa i përket futbollit shqiptar, ka ardhur edhe nga ylli i Teutës, Sherif Kallaku. Ky i fundit ka bërë edhe një pa...
TIRANË – Kryeministri i Shqipërisë, Edi Rama, e bëri të qartë se nga qeveria nuk do të ketë vëmendje sa i përket sportit në këto kohë të vështira. Në...
ANGLI- Turneu i Wimbledon, planifikuar të zhvillohej në Londër nga 29 qershori deri në 12 korrik, është anuluar. Kjo është hera e dytë që turneu më i rëndësishë...
Champions League dhe Europa League deri në fund të gushtit. Në takimin me video-konferencë që u realizua nëpërmjet drejtuesve të UEFA-s dhe 55 federatave të fu...
ITALI- Disa klube në Itali po kërkojnë anulimin e sezonit aktual, disa të tjerë kërkojnë mbylljen me çdo kusht të këtij sezoni dhe akordimin e titullit, ...
