Aktualitet

20 eurodeputetë kërkesë KE: Negociatat me Shqipërinë dhe Maqedoninë të nisin para fundit të vitit. Shtyrja rrezikon besimin te BE

  • Mosçelja e negociatave me Shqipërinë dhe Maqedoninë e veriut, rrezik për stabilitetin e Ballkanit
  • Duke paralajmëruar se bllokimi i bisedimeve rrezikon besueshmërinë e Bashkimit Europian në Ballkanin Perëndimor, eurodeputetët i bëjnë thirrje Bullgarisë dhe Maqedonisë së Veriut të gjejnë një kompromis mbi çështjet dypalëshe në pritje për të shmangur shtyrjen e procesit të pranimit. 
    Featured image of article: 20 eurodeputetë kërkesë KE: Negociatat me Shqipërinë dhe Maqedoninë të nisin para fundit të vitit. Shtyrja rrezikon besimin te BE Foto ilustruese

    BRUKSEL– Eurodeputetët i kanë bërë thirrje Këshillit të Europës që të miratojë kornizat negociuese për Maqedoninë e Veriut dhe Shqipërinë. Në deklaratën ‘pro’ Shqipërisë dhe Maqedonisë së Veriut, të nënshkruar nga më shumë se 20 eurodeputetë, përfaqësues të grupeve politike nxisin të gjitha palët e përfshira për të gjetur një zgjidhje që për dy vendet të nisin negociatat e pranimit para fundit të viti.

    Duke paralajmëruar se bllokimi i bisedimeve rrezikon besueshmërinë e Bashkimit Europian në Ballkanin Perëndimor, eurodeputetët i bëjnë thirrje Bullgarisë dhe Maqedonisë së Veriut të gjejnë një kompromis mbi çështjet dypalëshe në pritje për të shmangur shtyrjen e procesit të pranimit.

    Në letrën e dërguar shkruhet se Bullgaria duhet të miratojë hapjen e konferencës ndërqeveritare (IGC) me Maqedoninë e Veriut dhe se kjo e fundit duhet të bëjë çdo përpjekje të mundshme për të zgjidhur çështjet e pazgjidhura. Sipas tyre edhe Shqipëria meriton të shkojë përpara në rrugën e saj drejt pranimit në BE, pasi ka treguar përpjekjet e saj gjithëpërfshirëse për të reformuar, në veçanti në sektorin e drejtësisë. Ata shtojnë se përpjekja është e nevojshme nga Shqipëria në disa fusha, sidomos në përmbushjen e kushteve të vendosura nga Bundestagu.

    Pasi Komisioni miratoi “paketën e Zgjerimit” në tetor, pritej që Këshilli të shpallte së shpejti datat e konferencave të para ndërqeveritare me Shqipërinë dhe Maqedoninë e Veriut, duke shënuar fillimin zyrtar të negociatave të pranimit. Megjithatë, në nëntor, qeveria bullgare njoftoi se do të vinte veton e Maqedonisë së Veriut bisedimet e hapjes mbi pranimin në BE, duke kërkuar disa ndryshime në kornizën negociuese për Maqedoninë e Veriut. Këshilli Evropian ra dakord për hapjen e bisedimeve të pranimit me Shqipërinë dhe Maqedoninë e Veriut në Mars 2020.

    Për më shumë bëhu pjesë e grupit më viral në Facebook, Dosja.al

    Konferenca e radhës pritej që të mbahej brenda këtij viti por Maqedonia e Veriut ka hasur probleme me Bullgarinë përsa i përket njohjes së historisë së kësaj të fundit nga vendi ynë fqinjë. Ndërsa Shqipëria ka probleme lidhur me ndryshimet e bëra në Kodin Zgjedhor dhe mosplotësimin e vakancave të Gjykatës së Lartë dhe asaj Kushtetuese. Gjermani dhe Holanda janë shprehur se vendi ynë nuk është ende gati për të çelur negociatat, megjithatë shtojnë se shumë shpejt diçka e tillë do të ndodhë.

    Ndërkohë qeveria shqiptare është justifikuar me faktin e mosplotësimi i vakancave nuk është në dorën e tyre, por është prodhim i Vettingut, proces i shumëtrumpetruar edhe nga ndërkombëtarët. Sa i përket të huajve në Shqipëri, jo më larg se dje ambasadorët Yuri Kim dhe Luigi Soreca kërkuan mbledhjen e Këshillit të Emërimeve në Drejtësi për të bërë sërish funksionale Gjykatat më të larta në vend brenda vitit, ashtu siç u premtua edhe nga maxhoranca. 

    Marrë dhe përkthyer nga europarl.europa.eu

    (k.m/dosja.al)

    • 12:01

      "Shqipëria meriton të ecë përpara në BE”/ Reagimi i parë nga maxhoranca, Balla: Eurodeputët kërkojnë miratimin e kuadrit të negociatave

      Taulant Balla

      Kryetari i Grupit Parlamentar të Partisë Socialiste, Taulant Balla ka shpërndarjë kërkesën e eurodeputetëve, ku i kërkonin Këshillit miratimin e kuadrit të negociatave me Shqipërinë dhe Maqedoninë e Veriut. Balla thekson se eurodeputetët kanë vlerësuar përpjekjet për reforma dhe për këtë arsye kërkojnë miratimin e kuadrit të negociatave.

      Përshëndes thirrjen e eurodeputetëve nga grupet kryesore politike, anëtarë të Komitetit të Politikës së Jashtme në Parlamentin Europian, duke i kërkuar Këshillit miratimin e kuadrit të negociatave me Shqipërinë dhe Maqedoninë e Veriut në takimin e sotëm të Ministrave të Çështjeve Europiane. “Shqipëria e meriton të ecë përpara në rrugën e saj drejt anetarësimit në BE”, vlerësojnë eurodeputetët, duke nënvizuar përpjekjet e gjithëanëshme në reforma, në mënyrë të veçantë në fushën e drejtësisë, gjatë viteve të fundit, sikurse vlerësohet edhe në vlerësimin e Komisionit Europian,”-shkruan Balla.

    • 11:06

      ‘Ndaloni shtyrjen e datës së çeljes së negociatave’/ Ambasadori Soreca i mëshon kërkesës së eurodeputetëve: Nëse doni ta fusni vendin tuaj brenda BE…

      Ambasadori i Bashkimit Europian në Shqipëri, Luigi Soreca ka reaguar pas kërkesës që disa eurodeputetë i kanë bërë Këshillit të Europës. Me anë të një reagimi në Twitter, Soreca i mëshon deklaratës së tyre për të mos vonuar çeljen e negociatave me Shqipërinë dhe Maqedoninë e Veriut. Ndërsa në një postim tjetër, duke përmendur edhe ditën e Rinisë, diplomati ka shtuar se vetëm ata mund të çojnë para vendin.

      “Deklaratë e rëndësishme e përbashkët nga përfaqësuesit e grupeve politike në Këshillin e Europës mbi negociatat e pranimit me Shqipërinë dhe Maqedoninë e Veriut. Për t’u integruar në Bashkimin Europian të Shqipërisë të drejtës së Shqipërisë, ne kemi nevojë për ndihmën dhe zërin e rinisë, e ardhmja drejt  Bashkimit Evropian: nëse doni ta fusni vendin tuaj brenda BE, bëjeni të dëgjuar kontribuoni përmes angazhimit, angazhimit dhe pjesëmarrjes tuaj në shoqëri. Bëhu ndryshimi që dëshiron të shohësh!,”-shkruan Soreca

    Shto Koment