Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
ANGLI – “Euro2020” mes shumë risive, këtë viti për herë të parë ka implementuar edhe sistemin VAR. Një sistem, sa i kontestuar aq edhe i pranuar nga bota e futbollit. Por për drejtorin teknik të IFAB-it, shoqatës që vendos rregullat e futbollit, David Elleray, një nga ideatorët dhe themeluesit e VAR-it, sot futbolli është më i bukur falë tij.
“Mendoj se vlera e VAR-it është shumë e madhe. E para i afron njerëzit te futbolli, që do të thotë se ndeshja nuk vendoset nga një gabim i arbitrit, apo asistentëve të tij. Të gjithë bëjmë gabime, por ato të gjyqtarëve janë shumë më serioze. Gjithashtu ky sistem ka një impakt shumë të madh te sjellja e lojtarëve në fushë. Që nga momenti i implementimit të VAR-it ka më pak ndërhyrje të gabuara, të dhunshme, sepse lojtarët tashmë e dinë që do të rishihet ai moment, nuk ma më protesta te gjyqtarët, sepse çdo vendim verifikohet edhe me VAR, pra me fjalë të tjera, atmosfera e futbollit është më e mirë. Eshtë shumë e rëndësishme që titujt apo trofet, të mos vendosen nga gabimet arbitrale”.
Megjithatë nga 36 ndeshje të zhvilluara deri më tani, në 12 prej tyre ka ndërhyrë sistemi VAR, duke ndikuar në një farë mënyre edhe në ritmin e lojës.
Në të gjithë botën ndërhyrja e sistemit VAR në lojë ndërhyn çdo tri ndeshje dhe ndërprerja e lojës është rreth 2 minuta. Do të kemi 4.5 orë futboll dhe do të humbasim 2 minuta. Ndërkohë për 4.5 orë futboll ne humbim 6-8 minuta për goditje standarte, apo 7-8 minuta për zëvendësime apo dëmtime. Pra koha e humbur është thuajse asgjë, nëse e shpenzojmë për të korrigjuar një penallti të dhënë gabim, apo një gol në pozicion jashtë loje.
Dakord, por futbolli po automatizohet, një vendim kthehet edhe për një cm.
Sigurisht që gabimet njerëzore ekzistojnë gjithmonë, por duhet të dimë që në futboll ka disa vendime faktike. Një gol në futboll mund të quhet i vlefshëm, nëse e kalon vijën fatale qoftë edhe një cm. Dhe ky është një fakt. Portieri penalizohet, nëse është një cm. jashtë vijës kur goditet një penallti, për këtë arsye edhe një gol mund të anulohet kur është një cm. lojtar pozicion jashtë loje. Sigurisht që ti do të më thuash, se ka edhe toleranca, pasi nuk je pozicion jashtë loje deri në 3 cm, por ama je pozicion jashtë loje kur je 4 cm, pra bëhet fjalë sërish për një cm. Futbolli duhet t’i pranojë këto, nëse lojtari që shënon me një cm. pozicion jashtë loje mërzitet, por skuadra që është ndëshkuar nga ky gol gëzohet.
Një jetë e tërë arbitër në Premeir League dhe sigurisht, si një nga njerëzit më të rëndësishëm të drejtësisë sportive në Angli, si e sheh këtë kombëtare në Europian?
Anglia është një skuadër me djem të rinj, djem që bënë një paraqitje shumë të mirë edhe në Kupën e Botës, ku arritëm deri në gjysmëfinale dhe mund të them që kjo është një skuadër që po përmirësohet. Por mbi të ka shumë presion. E gjithë vëmendja është tek Anglia edhe për faktin se ky vend do të presë edhe gjysmëfinalet dhe finalen e madhe. Të gjithë ne në Angli presim që Anglia të fitojë, nga njerëzit e thjeshtë, media dhe kushdo dhe për këtë arsye, ata lojtarë gjykohen me këtë standart, që është një standart shumë i lartë. Anglia ka shumë lojtarë të mirë dhe përveç kësaj drejtohen nga një prej trajnerëve që mund të jetë ndër më të mirët në botë, si Gareth Southgate.
Çfarë mungon atëherë?
Skuadra jonë i ka të gjitha, një grup shumë të mirë lojtarësh, me kualitet, por futbolli lidhet ngushtë me presionin. Kjo është një nga arsye pse disa skuadra po paraqiten shumë mirë dhe disa të tjera nuk po e bëjnë këtë gjë. Ka disa skuadra që i fillojnë jo dhe aq mirë turnetë, por e mbyllin duke u përmirësuar. Shpresoj shumë që të jetë ky rast edhe për Anglinë.
A do të kthehet më në fund në shtëpi ky trofe?
Mendoj që trofeu më në fund duhet të kthehet në shtëpi, në Angli. Megjithatë në tërësi ky kampionat europian ka treguar një nivel shumë të lartë organzimi nga UEFA. Një frymë sportive shumë e mirë dhe një sjellje të gjyqtarëve dhe ndaj gjyqtarëve shumë të mirë. Ngjarja e tmerrshme që i ndodhi Danimarkës, tregoi edhe një herë anën pozitive të futbollit. Deri më tani janë ndëshkuar vetëm dy lojtarë me karton të kuq, një shifër shumë e ulët, që ne duhet ta festojmë. I gjithë fokusi tani është te lojtarët, jo te gjyqtarët, jo tek anët negative dhe kjo është diçka shumë e mirë për sportin.
Besoj, që për të gjithë sportdashësit ose jo, Hungaria me stadiumin e mbushur plot me tifozët na ka dhënë një leksion.
Futbolli pa tifozët nuk është asgjë. Tifozët tregojnë pasion, tregojnë emocion. Ajo që na tregoi Hungaria në këtë Europian, me stadiumin e mbushur, është dëshira që bota ka për t’iu rikthyer normalitetit sa më shpejtë të jetë e mundur dhe në mënyrë sa më të sigurtë.
Parashikimi për ndeshjen e ardhshme të Anglisë, e pret Gjermania?
Parashikimi im për ndeshjen e ardhshme të Anglisë është, që unë do të jem shumë nervoz për 1.5 orë deri në vërshëllimën përfundimtare.
B.T (Dosja.al)
Iftar dhe politikë, a u prek Muaji i Ramazanit nga politikanët?
EUROPË– Futbollistët e Portugalisë po përgatiten me humor të lartë për ndeshjen më të rëndësishme atë kundër Belgjikës. Cristiano Ronaldo si kapiten ...
FRANCE – Kjo është e vërtetë, madje edhe zyrtare. Por kontratën me Paris SG-në nuk e ka rinonuar Kylian, por vëllai i tij i vogël, Ethan Mbappe. Vëllai i yllit ...
EUROPË-EURO 2020 po mban miliona njerëz të “ngulur” përballë TV-së, ndërkohë që një pjesë kanë mundësinë t’i ndjekin ndeshjet edhe në stadiume.Ngjarjet që ...
ANGLI – Trajneri i ri i Romës, i ashtuquajturi “Special One”, portugezi Jose Mourinho ka komentuar kombëtaren e Italisë, një intervistë për ‘The Sun’, ku ...
ANGLI – Kapiteni i austriakëve, David Alaba, i cili u transferua nga Bayern Munchen për te Real Madrid si lojtar i lirë, ka folur për “Sky Sport Italia” në prag...
MAQEDONIA VERIUT – Federata e Futbollit e ka gjetur pasuesin e trajnerit Igor Anglovski, në krye të pankinës së Maqedonisë së Veriut. Drejtuesit e saj kan...
ANGLI – Në çdo kompeticion madhor, siç është Kampionati Europian, studiohen edhe të dy anë të lojës së futbollit, spekti sportiv dhe të dhënat tek...
EUROPË-Ndeshja e fundit e Grupit F të kampionatit Europian midis Gjermanisë dhe Hungarisë zhvilluar më datë 23 qershor, zhvilluar në “Allianza Arena” në Mu...
EUROPË-Covid-19 frikëson Euro 2020. 86 tifozë nga Finlanda që shkuan në Shën Petersburg për ndeshjen e Euro 2020 kundër Belgjikës kanë rezultuar me koronav...
ITALI-Marco Verrati ka folur në prag të ndeshjes që Italia do të luajë nesër ndaj Austrisë. Futbollisti i PSG shprehet se është gati të japë kontributin e tij, ...
