Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
TIRANË- Trajneri i kombëtares shqiptare, Christian Panucci, ka dalë sot para gazetarëve në Tiranë, për të prezantuar dy ndeshjet e para kualifikuese për Euro 2020, kundër Turqisë e Andorrës, këtë muaj. Panuçi është dukur entuziast dhe me shumë besim te kombëtarja, ndoshta edhe për faktin se tashmë ka një grup thuajse të plotë dhe lojtarët po luajnë rregullisht në klubet përkatës. Panucci është i bindur se kundër Turqisë mund të merret rezultati pozitiv, edhe pse e pranon se kundërshtari është më i fortë. Ndërkaq, Panucci ka fjalë shumë të forta për Durmishajn, i cili na braktisi për Greqinë.
– Çfarë prisni ndryshe, duke qenë se keni premtuar ndryshime?
– Sjellja në fushë po, ajo duhet ndryshuar. Edhe taktikisht do të bëjmë pak ndryshime, kemi rikuperuar disa lojtarë dhe diçka do ta ndryshojmë. Mund të luajmë me 4-3-3 ose me 3-5-2, të shohim. Nuk do të luajmë thjesht në mbrojtje, por kam kuptuar që kam gabuar. Sa më shumë hapemi në fushë, aq më shumë probleme kemi.
– A jeni i kënaqur me skuadrën, pas kthimit të shumë lojtarëve?
– Jam i kënaqur me këta 23 lojtarë që kemi, mund të vijnë të tjerë. Kisha grumbulluar Cikalleshin, por ai u dëmtua, është edhe Ndoj i dëmtuar, Binaku ka probleme muskulore. Kthehet Abrashi, kthehet Ajeti, Grezda më në fund u kthye në fushë dje, edhe pse ndoshta nuk ka 90 minuta në këmbë. Kaçe po luan rregullisht, është kthye në kombëtare, ndërsa më parë nuk luante. Ka shumë futbollistë shqiptarë nëpër Europë që nuk luajnë rregullisht dhe ky grup luan mjaftueshëm. Kemi Qosen që vjen në kombëtare, e kam ndjekur gjatë gjithë dimrit, të tjerët janë të njëjtët.
– Çfarë duhet të bëjë Bare më shumë, për të luajtur në kombëtare?
– Ç’lidhje ka Bare, është gjë miku yt? Do shkoj ta shoh, se është edhe Marbella afër. Mund të jenë shumë të tjerë që mund të vijnë në kombëtare.
– Planet janë për ndeshjen e radhës, apo për gjithë eliminatoret?
– Duhet të shohim vetëm ndeshjen e radhës, sepse kam parë që këtu kalohet lehtë në eufori. Jam i bindur se mund të bëjmë diçka speciale, përndryshe iki. Thjesht duhet të jemi të qetë dhe të përulur, sepse më duket se 2016 nuk u ka bërë mirë disa njerëzve. Jam i bindur që mund të bëjmë shumë mirë ndaj Turqisë, mund të provojmë të fitojmë.
– Vrushaj e Durmishaj na braktisën. Po me Tahiraj e Seferi, a ka pasur kontakte?
– I kemi nën vëzhgim, janë në planet tona për të ardhmen. Vrushaj e Durmishaj kanë bërë zgjedhjen e tyre, kanë ikur te Greqia.
– Lenjani, pse mungon këtë radhë?
– Sepse janë Binaku dhe Aliji.
– Duket sikur kemi pak zgjedhje nga krahët…
– Jo, kemi shumë lojtarë nga krahët, kemi Grezdën, Uzunin, kemi mbrojtësit e krahut që janë të aftë të luajnë edhe më përpara.
– Si e shihni Turqinë, sa e njihni?
– Është një skuadër e fortë,superiore ndaj nesh. Sapo ka ndërruar trajner. Duhet të tregohemi më të fortë për ta mundur, por kam besim te djemtë e mi, mundohem të jem gjithnjë pozitiv dhe besoj se mund të fitojmë. Mungon Under te Turqia, është një lajm i mirë për ne, por duhet të shohim si do luajë Turqia, sepse trajneri i ri luan zakonisht 4-2-3-1. Megjithatë, mendoj më shumë për ekipin tim. I kam idetë e qartë çfarë duhet të bëjmë, duhet të luajmë lojën tonë, por natyrisht do ketë ndryshime në skemë nga Turqia tek Andorra.
– Berisha apo Strakosha, për portën?
– Kur bëj formacionin, zakonisht dy të parët nuk i gaboj kurrë. Berisha apo Strakosha, dhe pastaj Hysaj. Kam ende dyshime aty, të shohim.
– A ka lojtarë për kombëtaren Kategoria Superiore?
– Shumë e vështirë, kampionati shqiptar i jep shumë pak kombëtares. Kampionati çon lojtarë jashtë dhe më pas më të mirët vijnë në kombëtare. Realiteti është i tillë, edhe pse i ndjekim të gjithë.
– Abrashi, sa i rëndësishëm është për ne?
– Është lojtar me peshë, me shumë eksperiencë. Na duhet shumë forca e tij, tërbimi, agresiviteti. Duhet ta kemi të qartë kush jemi ne.
– Durmishaj, mos ndoshta duhej të luante pak minuta sa për ta djegur, si Vrioni?
– Këtë radhë grumbullova vetëm 2 sulmues. Vrioni është shumë i rëndësishëm dhe ka të ardhme të shkëlqyer, thjesht i duhet të piqet. Durmishaj është lojtar i ngjashëm, të shohim sa do luajë për Greqinë. Vendimi i tij duhet respektuar, çdokush bën atë që do, por problemi është që në fillim thonë “po”, pastaj “jo”, pastaj dërgon ndonjë mesazh dhe përgjigjet menaxheri. Këta lojtarë që bëjnë kështu nuk do bëhen kurrë lojtarë të vërtetë. Një lojtar i vërtetë e thotë me bindje “po”, “jo”, nuk qurravitet. Këta janë lojtarë me “ko*e”, jo ata si Durmishaj që sapo i kërkon Greqia apo një kombëtare tjetër u prishet mendja. Këtu jam gati të vendos bast: Durmishaj nuk do bëhet kurrë lojtar i rëndësishëm. Këtu do jemi, do flasim pas dy vitesh. Shkova të takoj një lojtar, erdhën babai, menaxheri, xhaxhai, kryetari i bashkisë, m’u duk sikur ishte Messi. Nuk e di fare ku luan tani. “Nuk e di, duhet të mendohem, të flas me menaxherin, me babin”. Për çfarë, menaxheri e vendos jetën tënde? Isha me një drejtues të Federatës, i thashë “nuk vlen, hiqi vizë”. Menaxheri e trajtonte sikur të ishte Cristiano Ronaldo.
– Roma, a ka pasur diçka reale?
– Nëse kanë menduar për mua, nuk e di. Megjithatë, nuk kam marrë asnjë telefonatë, zero. Po të kisha marrë një telefonatë, një sekondë më vonë do telefonoja presidentin Armand Duka, për ta njoftuar, sepse respekti për mua është shumë i rëndësishëm. Mua më paguan FSHF dhe nuk mund të flas me asnjë ekip tjetër për sa kohë jam i Shqipërisë. Jam i lumtur këtu, nuk e di për ju.
Marrë nga Telesport
Tirana është boshatisur për ditët e pushimit. Cilën nga ritet e shenjta po ndiqni:
AZERBAJXHAN– Ish-kapiteni i Kombëtares shqiptare Ansi Agolli pas 9 viteve ka vendosur t’i japë lamtumirën ekipit të Qarabagut.Lajmin Agolli e ka dhënë në ...
TIRANË- Trajneri i kombëtares shqiptare, Christian Panucci, ka dalë sot para gazetarëve në Tiranë, për të prezantuar dy ndeshjet e para kualifikuese për Eu...
Mërgim Mavraj nuk mund të grumbullohej në dy ndeshjet e para eliminatore të kombëtares, pasi kapiteni i kuqezinjve vuan dënimin e kartonit të kuq të marrë në ta...
Nuk përtoi që të shprehet për mungesën e ftesës nga ana e Panuccit për ndeshjet e Shqipërisë në eliminatoret e Euro 2020-ës dhe menjëherë dha një tjetër përgjig...
Menaxheri i Leeds United, Marcelo Bielsa mund të falet për ndjenjën e nervozizmit përpara ndeshjes të kësaj pasditeje të Championship kundër Sheffield United.Sh...
Ndërkohë në Francë, autoritet kanë ndaluar një familje që tia vendosin emrin djalit të tyre sipas dy fituesve të Kupës së Botës.Mund të ketë ndonjë numër arsyes...
Swansea City ka surprizuar ‘Citizens’ duke shënuar dy gola të shpejtë në përballjen ndaj Manchester Cityt për FA Cup.Skuadra që pozicionohet në vendin e 15-të n...
Nuk ka derbi për Mauro Icardin. Tekniku i Interit, Luciano Spalletti ka shuar të gjithë dilemat për futbollistët që do të jenë gatshëm për “Derbin e Madoninës”,...
Skënderbeu ka marrë një fitore me shumë të madhe përballë Kukësit, duke i mposhtur verilindorët me rezultatin minimal, 1-0. Goli i vetëm u shënua nga Bruno Dita...
Në shumë aspektë të biznesit, paraje sjell suksesin dhe kontrollon gjithçka.Dhe kjo është mëse e vërtetë dhe aplikimi më i saktë gjendet në sferën e futb...
