Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Bota
Humbi Stambollin në zgjedhje, Erdogani dhe lëkundjet e fronit të sulltanit
30 Dhjetor 2019, 12:15Nga DOSJA
Kur erdhi në pushtet në vitin 2003, Erdogani konsiderohej si një politikan reformator, i cili donte ta fuste Turqinë në Evropë. Por kritikët e tij edhe asokohe paralajmëronin “për ujkun në kopenë e deleve”. Ai është futur në “trenin e demokracisë” vetëm për t’u larguar në momentin e duhur.
U dëshmua se kritikët kishin të drejtë: Erdogani u largua nga ky tren – menjëherë pas largimit nga pushteti të rivalëve sekularë nga ushtria dhe drejtësia. Më pas ndoqi një rrugë krejt tjetër – në drejtim të sulltanatit. Filloi rrugëtimin në të kaluarën osmane.
Erdogan kthen kohën mbrapsht
Në vitet në vijim nuk mund ta ndalte askush – në mënyrë sovrane ai largonte nga rruga të gjitha pengesat. Protestat në Parkun Gezi, një skandal korruptiv dhe një përpjekje puçi, Erdogan i mbijetoi pa mundime të mëdha. Në qershor të vitit 2018 ai e futi edhe sistemin presidencial në vend, i cili e forcoi pushtetin e tij. Kritikët flasin për “regjim të një njeriu”. Sot sulltani jeton në një pallat me 1000 dhoma në Ankara. Ëndrra e tij është që në vitin 2023, në 100 – vjetorin e themelimit të Turqisë moderne, të nisë një epokë të re turke. Por pak para arritjes së këtij qëllimi, froni i tij ka nisur të lëkundet. Viti 2019 solli ndryshime – ëndrra e tij mund të dështojë.
”Ai që humb Stambollin, e ka humbur Turqinë”
Erdogani nuk deshi ta dorëzonte pushtetin në asnjë mënyrë. Ai vuri nën presion komisionin zgjedhor dhe e detyroi t’i përsëritë zgjedhjet. Pa sukses. Një yll tjetër politik doli papritur në skenë – Ekrem Imamoglu.
Socialdemokrati nuk u shqetësua shumë nga përsëritja e zgjedhjeve, ndërsa ndaj urrejtjes së partisë AKP në pushtet iu përgjigj me dashamirësi. Imamoglu fitoi bindshëm edhe zgjedhjet e përsëritura ndaj kandidatit të Erdoganit, Binali Yildirim. Por as kjo nuk ishte goditja e fundit kundër Erdoganit: Imamoglu gëzon mbështetje të madhe. Mendohet se ai mund të fitojë madje edhe zgjedhjet e ardhshme presidenciale.
Presionet nga jashtë dhe brenda
Humbjet e Erdoganit janë pasojë e strategjisë së tij përçarëse, e cila tani po i hakmerret. Parti të ndryshme opozitare – islamistët, nacionalistët, socialdemokratët dhe liberalët e majtë – krijuan një front të përbashkët kundër Erdoganit, përkundër diferencave të mëdha politike.
Pushteti i Erdoganit po lëkundet edhe brenda partisë së tij. Gati një milion anëtarë janë larguar ndërkohë nga partia e tij AKP. Miqtë e vjetër, si për shembull ish-kryeministri Ahmet Davutoglu, ish-ministri i Financave Ali Babacan apo ish-presidenti Abdullah Gül, kanë themeluar një parti të re. Ata mund të marrin vota shumë të rëndësishme nga zgjedhësit e Erdoganit dhe të dobësojnë krahun e tij konservator.
Erdogani e ka mbajtur pushtetin 16 vjet. Gjatë kësaj periudhe është shndërruar në një lloj sulltani turk. Erdogani dukej si një monark i paprekshëm në fron. Por viti 2019 solli ndryshime të papritura, shumëçka është kthyer kundër sulltanit.
Në vitin 2023 Turqia feston 100 vjetorin e themelimit të shtetit modern – një ditë në të cilën kujtohet heqja e sulltanatit.
KOSOVË– Pas dy ftesave të rèfuzuara, presidenti i Kosovës Hashim Thaçi i ka dërguar një tjetër ftesë për takim kreut të Lëvizjes VetëVendosje, Albin...
SHBA- Një ngarje tragjike ka ndodhur të Dielën në mëngjes , nga të shtënat në kishën White Settlement, në Texas të SHBA-së, janë vrarë 3 veta, njëri prej tyre ...
KOSOVË- Djali i Isa Mustafa, Besnik Mustafa, ka marrë ditën e djeshme një mesazh kërcènues në rrjetin social Facebook, nga një person i panjohurPas denonci...
GJERMANI- Qeveria gjermane synonte në fakt që para dy vitesh të fillojë me mbështetjen e fuqishme të Evropës. Marrëveshja e koalicionit mes Unionit të Merkelit ...
KOSOVË- Mosheqja e vizave, mosanëtarësimi në INTERPOL e rezultati i dobët në PISA janë vetëm disa prej dështimeve, me të cilat u ballafaqua Kosova gjatë 20...
KOSOVË- Një polic në Kosovë ka shkruar një letër për të gjithë qytetarët, ku kërkon prejtyre ta lexojnë e të reflektojnë. Liridon Sadriu në letrën drejtuar...
SHBA- “The Economist” kanë përzgjedhur 10 fotot më të bukura përgjatë vitit 2019. Të gjitha fotot kanë bërë xhiron e mediave botërore dhe janë cilësuar prej red...
KOSOVË- Një ditë më Lidhja Demokratike e Kosovës, deklaroi se djali i Isa Mustafës ishte kërcènuar.Pas këtij lajmi ka reaguar edhe personi që akúzohet për ...
Kosovë- Ende vijojnë debatet në Kosovë për formimin e qeverisë së re. Së fundmi kryeministri Ramush Haradinaj ka deklaruar për mediet se nëse Albin Kurtit i duh...
KOSOVË- Lidhja Demokratike e Kosovës, ka bërë të ditur sot një kërcènim që ka marrë djali i kryetarit të kësaj partie. Sipas një reagimi nga LDK, bëhet me ...