Aktualitet

Krimi trondit Elbasanin/ Atentat me armë ndaj 23-vjeçarit, plagoset Kei Piu, u qëllua nga një ‘Fuoristradë’ në lëvizje

Atentat me armë zjarri në Elbasan. Nga breshëria e plumbave ka mbetur i plagosur një 23 vjeçar, i identifikuar si Kei Piu. Ndaj të riut është hapur zjarr nga një makinë në lëvizje, teksa ai ndodhej brenda mjetit të tij tip "Range Rover". Autorët kanë qenë të pajisur me kallshnikovë se si synim kishin eliminimin e 23-vjeçarit. Policia ka shoqëruar disa persona për ngjarjen.
Featured image of article: Krimi trondit Elbasanin/ Atentat me armë ndaj 23-vjeçarit, plagoset Kei Piu, u qëllua nga një ‘Fuoristradë’ në lëvizje I plagosuri 23-vjeçari Kei Piu

ELBASAN– Një atentat me qëllim ekzekutimin e 23-vjeçarit Kei Piu ka ndodhur mbrëmjen e djeshme në mes të qytetit të Elbasanit. I riu është sulmuar teksa po lëvizte me mjetin e tij tip “Range Rover”, nga një makinë tip “Fouristadë” po ashtu në lëvizje, nga e cila është qëlluar me breshëri plumbash në drejtim të tij.  

Burime për Dosja.al  bëjnë me dije se ngjarja ka ndodhur në lagjen “Luigj Gurakuqi” për shkak të prishjes së pazareve të drogës. Pas atentatit i riu është gjetur i shtrirë në tokë, pranë një lokali nga partulla e Policisë. Kanë qënë ‘blutë’ e qytetit ata që i shpëtuan jetën të riut duke e dërguar menjëherë në spitalin e qytetit për të marrë ndihmën e parë mjekësore.

I plagosuri, 23-vjeçari Kei Piu

Si ndodhi atentati?

Mësohet se ka qenë një atentat i mirëfilltë ndaj 23-vjeçarit, i cili figuron me precedentë penalë dhe se synimi i autorëve ka qenë eliminimi i  tij. Plani i autorëve dështoi, pasi pas disa gjuajtjeve në drejtim të 23-vjeçarit, iu është bllokuar arma. Personat që kanë qëlluar kanë qenë me maska e kallashnikovë.

Edhe pse është qëlluar me breshëri plumbash, 23 vjeçari ka mundur që të shpëtojë pa marrë asnjë lëndim që mund t’i kushtonte jetën. Burime nga spitali bëjnë me dije se i riu ka marrë 3 plumba dhe një prej tyre e kishte kapur në këmbë. Aktualisht ai  ndodhet në spitalin rajonal, ku edhe po merr ndihmën mjekësore.

I plagosuri, 23-vjeçari Kei Piu

Pasi është mjekuar, me lejen e mjekëve Policia i ka marrë deponimin të riut, i cili ka deklaruar se nuk ka mundur ta identifikojë agresorin.

Për më shumë bëhu pjesë e grupit më viral në Facebook, Dosja.al

Nga ana e tyre, Policia dhe grupi hetimor, kanë nisur hetimet për ngjarjen e rëndë. Deri më tani Policia ka shoqëruar disa persona që mund të kenë lidhje me ngjarjen e rëndë. Ndërkohë ka kërkuar edhe ndihmën e qytetarëve që mund të kenë dijeni lidhur me personat e përfshirë në ngjarje, duke kërkuar ndihmën e tyre. Gjithashtu janë sekuestruar edhe kamerat e sigurisë në zonë për të bërë të mundur identifikimin e autorit. 

I plagosuri 23-vjeçari Kei Piu

Po kush është Kei Pui dhe pse u sulmuar papritur?

I riu nga Elbasani nuk është aq edhe i panjohur për Policinë e zonës. Përveçse biznesmen në një moshë shumë të re pasi ka në pronësi një palestër, 23-vjeçari njihet nga ‘blutë’ e qytetit por nuk është skeduar për ngjarje të rënda. Burime të Dosja.al bëjnë me dije se i riu njihet si person problematik në qytet dhe ka qenë i përfshirë në ngjarje që kanë patur të bëjnë me lëndë narkotike.

E shkuara e tij është pista kryesore e hetimit, ku Policia do të ‘rrëmojë’ për të gjetur autorët e atentatit. Piu mësohet se ai është nipi i Konstadin Piut, apo i njohur ndryshe me nofkën ‘Koçi’, është arrestuar në mars të vitit 2012 për trafik kokaine gjatë operacionit ‘Tabakanes’. Xhaxhai i tij ka rënë në burg më shtator të vitit 2011 pasi është kapur me një tjetër person me 350 gr heroinë.

(k.m;E.K’, j.v/dosja.al)

  • 11:24

    Si i ndodhi atentati ndaj 23-vjeçarit në Elbasan/ I shpëtoi vdekjes “për një qime”, autorëve iu bllokua arma

    Detaje të reja të reja kanë dalë nga atentati me armë zjarri në Elbasan, ku ngeli i plagosur 23-vjeçari Kei Piu. Burime për Dosja.al bëjnë me dije se dyshohet se ngjarja ndodhi për shkak të prishjes së pazareve të drogës.

    Mësohet se ka qenë një atentat i mirëfilltë ndaj 23-vjeçarit, i cili figuron me precedentë penalë dhe se synimi i autorëve ka qenë eliminimi i  tij. Plani i autorëve dështoi pasi atyre iu bllokua arma në momentin që po gjuanin në drejtim të 23-vjeçarit. Personat që kanë qëlluar kanë qenë me maska e kallashnikov.

  • 11:06

    Xhaxhai i Kei Piut prej 9 vitesh në burg për heroinë, ‘Koçi’ u kap me shokun për disa gramë

    Kei Piu

    Informacione të reja janë mësuar nga e shkuara e 23-vjeçarit Kei Piu. Mësohet se ai është nipi i Konstadin Piut, apo i njohur ndryshe me nofkën ‘Koçi’, është arrestuar në mars të vitit 2012 për trafik kokaine gjatë operacionit ‘Tabakanes’. Xhaxhai i tij ka rënë në burg më shtator të vitit 2011 pasi është kapur me një tjetër person me 350 gr heroinë.

  • 9:56

    ‘Misteri’ i autorit mund të zgjidhet, merren kamerat e sigurisë në zonë, fshihen detajet

    Foto ilustruese

    Vijon puna për kapjen e autorit të plagosjes së 23-vjeçarit Kei Piu. Mësohet se policia është fokusuar fillimisht te kamerat e sigurisë, që ndodhen në zonën ku ka ndodhur ngjarja, për të identifikuar autorin.

  • 9:41

    Pse gënjeu në Polici Kei Piu? Para atentatit, debatoi me autorin, më pas mori ‘dhuratë’ 3 plumba

    Detaje të reja kanë dalë nga atentati i mbetur në tentativë ndaj 23-vjeçarit Kei Piu, pronar i palestrës ‘Arena Fittnes’. Mësohet se ndryshe nga se Kei Piu deponoi në Polici, se nuk e kishte identifikuar autorin, 23-vjeçari e ka ditur shumë mirë nga i kanë ardhur plumbat. I riu ka debatuar fillimisht me autorin e plagosjes dhe më pas ka marrë tre plumba prej tij. Po përse gënjeu Kei Piu? Kë dëshironte që të mbronte?

  • 9:21

    23 vjeç, por me biznes e me makinë ‘Range’/ Kei Piu ‘njihet mirë’ me Policinë e Elbasanit, i skeduar për ‘mall’

    Kei Piu

    23-vjeçari Kei Piu, ndaj të cilit u organizua një atentat mbrëmjen e djeshme në mes të qytetit, nuk është edhe aq i panjohur në qytet. Përveçse biznesmen në një moshë shumë të re, 23-vjeçari njihet nga ‘blutë’ e qytetit por nuk është skeduar për ngjarje të rënda. Burime të Dosja.al bëjnë me dije se i riu njihet si person problematik në qytet dhe ka qënë i përfshirë në ngjarje që kanë patur të bëjnë me lëndë narkotike.

  • 8:56

    Atentat alla 'mafia italiane', kush është 23-vjeçari nga Elbasani, pronar i një palestre në mes të qytetit

    Detaje të reja janë zbuluar për 23-vjeçarin Kei Piu, ndaj të cilit iu bë atentat mbëmjen e djeshme në qendër të qytetit. Mësohet se ai është pronari i një palestre të quajtur “Arena Fitness” po ashtu në Elbasan.

    Kei Piu
  • 8:53

    Iu bë atentat mes Elbasanit, çfarë dëshmoi para policisë 23-vjeçari Kei Piu

    I plagosuri,23-vjeçari Kei Piu

    Detaje të reja kanë dalë nga atentati me armë zjarri që ndodhi në lagjen “Luigj Gurakuqi” në Elbasan, ku u plagos Kei Piu, 23-vjeç. Burimet bëjnë me dije se Kei Piu teksa po drejtonte makinën e tij tip “Range Rover”, është plagosur në këmbë dhe ndodhet jashtë rrezikut për jetën. Pas atentatit, ai është marrë nga Patrulla e Policisë dhe është çuar në spital. Para policëve ai ka dëshmuar se nuk e ka parë personin që e ka qëlluar.

  • 8:23

    Kush është i riu që iu bë atentat në Elbasan, u qëllua teksa drejtonte makinën tip “Range Rover” (EMRI+FOTO)

    Detaje të reja kanë dalë nga atentati me armë zjarri që ndodhi në orët e para të mëngjesit të sotëm në lagjen “Luigj Gurakuqi” në Elbasan. Burime për Dosja.al bëjnë me dije se i riu që ngeli i plagosur është 23-vjeçari Kei Piu, i cili është  qëlluar me armë zjarri teksa ishte duke drejtuar mjetin e tij , tip “Range Rover”. Burimet bëjnë me dije se teksa 23-vjeçari me mjetin e tij kishte  ndalur në afërsi të një lokali, në qendër të Elbasanit, është qëlluar me armë zjarri nga një person.

    Aktualisht ndodhet në reanimacionin e spitalit të Elbasanit, pasi është plagosur në këmbë.  Policia ka njoftuar se për këtë ngjarje janë shoqëruar në Polici disa persona.

  • 8:16

    Zona e rrethuar me shirita sigurie, nuk duket asnjë ‘këmbë’ njeriu, dalin PAMJET

    I plagosuri, 23-vjeçari Kei Piu

    Një person ka mbetur i plagosur pas një përplasjeje me armë zjarri të ndodhur në qendër të qytetit. I plagosuri është identifikuar si K.P., 23 vjeç.

    Pas shkëmbimit të zjarrit mes një mjeti tip “Fuoristrade” dhe një mjeti tjetër, teksa të dy ishin në lëvizje vijnë pamjet e para nga vendngjarja.

    Siç duket edhe nga video, Policia ndodhet në vendin ku edhe ka ndodhur përplasja dhe ka rrethuar zonën me shirit sigurie.
  • 8:13

    Përplasja me armë zjarri në Elbasan/ Policia jep detajet: U qëllua në drejtim të 23-vjeçarit

    I plagosuri, 23-vjeçari Kei Piu

    Policia e Elbasanit ka dhënë informacion për përplasjen me armë  zjarri në lagjen “Kongresi”. Sipas Policisë ngjarja ka ndodhur në orën 01:15, në lagjen “Luigj Gurakuqi” ku  është qëlluar me armë zjarri në drejtim të shtetasit K. P., 23 vjeç. Ky i fundit ndodhet jashtë rrezikut për jetën.

    Njoftimi i Policisë:

    Rreth orës 01:15, në lagjen “Luigj Gurakuqi”, Elbasan, është qëlluar me armë zjarri në drejtim të shtetasit K. P., 23 vjeç, banues në Elbasan, i cili si pasojë është plagosur dhe ndodhet jashtë rrezikut për jetën.

    Grupi hetimor vijon punën për zbardhjen dhe sqarimin e rrethanave të ngjarjes, identifikimin dhe kapjen e autorëve.

    Njëkohësisht vijon administrimi i çdo prove sado të vogël që çon në zbardhjen e ngjarjes. Shërbimet e Policisë kanë shoqëruar disa persona për sqarimin e rrethanave të ngjarjes. Vijon krehja e zonës dhe nga veprimet e para hetimore ka rezultuar se nuk ka pasur shkëmbim me armë zjarri mes palëve.

Shto Koment