DiasporaRajoni

Publikohet dokumenti ‘non-paper’, Kosova dhe Serbia do njohin integritetin territorial dhe sovranitetin njëra-tjetrës

  • Publikohet dokumenti “non-paper” i Gjermanisë dhe Francës, flet për marrëveshje me autonomi të Kosovës Veriore
  • Kosova nuk do të duhej të vendoste barriera tregtare ndaj Serbisë, ndërsa Serbia të respektonte status-quon lidhur me praninë ndërkombëtare të Kosovës. Të dyja palët do të duhet të respektojnë moratoriumin në skenën ndërkombëtare.
    Featured image of article: Publikohet dokumenti ‘non-paper’, Kosova dhe Serbia do njohin integritetin territorial dhe sovranitetin njëra-tjetrës Foto Ilustruese

    KOSOVË– Ditën e djeshme është publikuar një dokument ‘non-paper’ i shkruar nga Gjermania dhe Franca në lidhje me njohjen reciproke Kosovë-Serbi.

    Dokumenti është publikuar nga media Koha Jonë thuhet se Bashkimi Evropian do të vazhdojë të lehtësojë procesin që do të çojë tek nënshkrimi i marrëveshjes ligjërisht obliguese mes të dyja palëve, me qëllim të zgjidhjes së të gjitha çështjeve të hapura në mënyrë që të përparohet në rrugëtimin evropian dhe të krijohen mundësi të reja për përmirësimin e jetës së njerëzve.

    Për më shumë bëhu pjesë e grupit më viral në Facebook, Dosja.al

    Kosova nuk do të duhej të vendoste barriera tregtare ndaj Serbisë, ndërsa Serbia të respektonte status-quon lidhur me praninë ndërkombëtare të Kosovës. Të dyja palët do të duhet të respektojnë moratoriumin në skenën ndërkombëtare.

    “Presidenti i Serbisë, Aleksandër Vuçiç, duke përfaqësuar Beogradin, dhe kryeministri Albin Kurti, duke përfaqësuar Prishtinën, do të udhëheqin diskutimet për finalizimin e marrëveshjes për normalizimin e raporteve mes palëve. Procesi do të duhej të përmbyllej para fundit të shkurtit të vitit 2022”,- thuhet në këtë dokument.

    • 14:09

      Publikimi i “non-paper”, vjen reagimi i Qeverisë së Kosovës, Kryeziu: Ambasadat e dhanë variantin e tyre, nuk kemi ç’të shtojmë më

      Qeveria e Kosovës

      Qeveria e Kosovës e cila udhëhiqet nga Albin Kurti, nuk ka dashur të komentoj rreth dokumentit të ashtuquajtur “non-paper”, ku flitet për marrëveshjen Kosovë-Serbi. Zëdhënësi i Qeverisë, Përparim Kryeziu ka thënë për Telegrafin se për këtë temë tashmë kanë reaguar ambasadat dhe nuk kanë çfarë shtojnë më shumë. “Edhe ambasada gjermane dhe ambasada franceze janë deklaruar për këtë dokument duke e demantuar dhe u distancuar nga ai. Nuk kemi çfarë t’i shtojmë më shumë deklarimeve të tyre”,- ka thënë Kryeziu. Publikimi i dokumentit të ashtuquajtur “non-paper”, ku flitet për marrëveshjen Kosovë-Serbi, dhe thuhet se do të ketë njohje të integritetit dhe sovranitetit territorial të të dyja vendeve, ka nxitur reagime. Në këtë dokument ku thuhej se është nismë gjermano-francez, thuhet se procesi i dialogut duhet të përmbyllet para fundit të shkurtit të vitit 2022. Lidhur me këtë fillimisht reagoi ambasadori i Gjermanisë në Kosovë, Jorn Rohde, i cili tha se ky dokument nuk është nismë gjermano-franceze. Edhe ambasada e Francës në Kosovë, reagoi duke thënë se Franca e Gjermania nuk janë burim i të ashtuquajturit “non-paper”.

    • 13:44

      Vuçiç për “non-paper”: Të gjithë e mohojnë, por ai dokument u përpilua nga një grua e zgjuar, njohja e pavarësisë është e papranueshme

      Aleksander Vucic

      Presidenti i Serbisë, Aleksandër Vuçiç, tha sot se “non-paper” lidhur me marrëveshjen që duhet të arrihet ndërmjet Kosovës dhe Serbisë botuar nga mediat në Prishtinë u ideua nga dikush shumë më i zgjuar dhe më dinak se ai. Ai shtoi se ideuesi i këtij dokumenti është dikush që ka njohuri me marrëdhëniet në Ballkan dhe se “interesat e lidhur” si të Serbisë ashtu edhe të shqiptarëve përfshiheshin në letër. “Unë e lexova atë në një e gjysmë të natës së kaluar kur u ktheva nga Brukseli. “Non-paper” u krijua nga dikush që është shumë më i zgjuar, shumë më i zgjuar se unë, shumë më dinak. Shoh që të gjithë e mohojnë, por kjo “non-paper” e fundit më dha më shumë shqetësime sesa e para”, – tha Vuçiç. Ai tha se njohja e Kosovës nga Serbia, e cila përmendej në këtë letër, është “e tmerrshme”. “Një gjë kryesore është në atë letër, është njohja e një Kosove të pavarur, e cila është e tmerrshme. Këtu janë 90% të gjërave që janë më pak të rëndësishme për ju, por gjëja më e rëndësishme shkon te ne”, – tha Vuçiç. “Njohja e pavarësisë është e papranueshme”,– theksoi Vuçiç. Siç tha ai, rreth 50 njerëz në botë po merren me çështjen e Kosovës dhe dyshojnë në një person. “Ajo është një grua fantastike e zgjuar, sepse mendoj se askush tjetër nuk mund ta përpilonte dhe ta bënte atë”,– tha Vuçiç, duke shtuar se motivet politike ende nuk janë diskutuar. Vuçiç tha se s’mund të ngutet që ta cilësojë si të papranueshëm gjithë materialin në atë dokument. “Askush nuk na e ka treguar akoma, por ne do ta shohim. Unë nuk dua të paragjykoj. Unë nuk mund t’i duroj reagimet që pasojnë në pesë sekonda dhe të them menjëherë se e gjitha është e papranueshme”, -theksoi Vuçiç, duke shtuar se gjithçka do të shikohet ngadalë dhe do të analizohet, ndërsa shtoi se do të shihet nëse dyshimet e tij për atë person janë të justifikuara. Ai tha se ekspertë nga e gjithë bota “do të vraponin për të thënë “jo” dhe “po”. Disa përkufizime për procesin që do të çonte në marrëveshje mes Kosovës dhe Serbisë, janë përmbledhur në një “non-paper” që është publikuar dje. Letra thuhej se ishte nismë gjermano-franceze, gjë të cilën e mohoi ambasadori gjerman në Kosovë, Jorn Rohde.

    • 13:35

      Dokumenti jozyrtar për marrëveshjen Kosovë-Serbi, reagon ambasadori sllovak në Bosnje: Po dëmton imazhin kolektiv të BE-së

      Martin Kaco

      Ambasadori i Sllovakisë në Bosnje e Hercegovinë, Martin Kaço e ka komentuar reagimin e ambasadorit gjerman në Kosovë, Jorn Rohde, lidhur me një “non-paper” që është publikuar, e që flet për pikat e që duhet t’i përmbajë marrëveshja përfundimtare që do të arrihet ndërmjet Kosovës dhe Serbisë, raporton Gazeta Express. Kaço tha se “non-papers” po vazhdojnë t’i shkaktojnë dëme imazhit të Bashkimit Evropian. “(Gënjeshtër & e vërtetë) Lufta e Non-Papers vazhdon… duke shkaktuar dëme të konsiderueshme në imazhin kolektiv të BE-së, dhe kështu levave. Cui bono?”,- shkroi ai. Disa përkufizime për procesin që do të çonte në marrëveshje mes Kosovës dhe Serbisë, janë përmbledhur në një “non-paper” që është publikuar dje. Letra thuhej se ishte nismë gjermano-franceze, gjë të cilën e mohoi ambasadori gjerman në Kosovë, Jorn Rohde. “E ashtuquajtura “non paper” francezo-gjermane e publikuar nga Koha Ditore është lajm i rremë. Mund të ketë dokument, por sigurisht që nuk është francezo-gjerman. Ne e përkrahim plotësisht dialogun e udhëhequr nga BE-ja dhe Miroslav Lajcak, sic e theksoi përsëri ministri i Jashtëm i Gjermanisë, Maas, të enjten e kaluar në Prishtinë”,- shkroi Rohde në Twitter. Kjo letër, që është dërguar në adresë të Gazetës Express, ndër tjerash përmend njohjen e Kosovës nga Serbia dhe se të dy shtetet duhet të pajtohen që të themelohet një “distrikt autonom i Kosovës Veriore”, me kompetenca vetëqeverisëse.

    • 13:07

      Ish-shefi i Eulex: Fakti që ambasadori gjerman tha se ka një letër më duket se pranon ekzistencën e saj

      Ish-shefi i gjykatësve të misionit evropian në Kosovë, EULEX, Malcolm Simmons, i ka reaguar ambasadorit të Gjermanisë në Kosovë, Jorn Rohde, i cili mohoi se ekziston një “non-paper” i Gjermanisë dhe Francës lidhur me pikat e marrëveshjes përfundimtare që duhet të arrihet ndërmjet Kosovës dhe Serbisë.Atij i duket se ambasadori gjerman megjithatë e pranoi se ekziston një “non-paper”, pasi tha se mund të ketë ndonjë letër, burim i së cilës nuk është Gjermania apo Franca.‘’Koment interesant: “Mund të ketë një letër…” A është ky një pranim Ambasador se ekziston, me të vërtetë, një “non-paper”?”,- shkroi Simmons në Twitter.Interesting comment: “There might be a paper…” Is this an admission Ambassador @GermanAmbKOS that there is, indeed, a ‘non-paper’? https://t.co/eWvHX0Q24t— Judge Malcolm Simmons (@SimmonsJudge) April 27, 2021Rezultatet finale të zgjedhjeve në kohë reale dhe të përditësuara nga burimi zyrtar KQZ këtë vit do të mund ti ndiqni në Dosja.al. Kliko për të parë platformën. Ambasadori i Gjermanisë në Kosovë, Jorn Rohde, ka thënë “non-paper” i publikuar mediat është “fake news”. ”E ashtuquajtura “non paper” francezo-gjermane e publikuar nga Koha Ditore është lajm i rremë. Mund të ketë dokument, por sigurisht që nuk është francezo-gjerman. Ne e përkrahim plotësisht dialogun e udhëhequr nga BE-ja dhe Miroslav Lajcak, sic e theksoi përsëri ministri i Jashtëm i Gjermanisë, Maas, të enjten e kaluar në Prishtinë”,- shkroi Rohde në Twitter.

    • 11:54

      Franca distancohet nga publikimi i “non-paper” mbi Kosovën: Nuk jemi burimi i saj

      Ambasada franceze ne Kosove

      Ambasada e Francës në Kosovë ka mohuar se Franca është e përfshirë në të ashtuquajturin “non-paper” franko-gjerman të publikuar nga gazeta “Koha Ditore”. Përmes një reagimi në Twitter, ambasada franceze ka deklaruar se Franca dhe Gjermania nuk janë burimi i atij “non-paper” dhe se dy shtetet mbështesin ndërmjetësimin e dialogut nga Bashkimi Evropian. “Franca dhe Gjermania nuk janë burimi i të ashtuquajturin non-paper franko-gjerman të botuar sot në Koha Ditore. Ne mbështesim plotësisht ndërmjetësimin e Bashkimit Evropian, dhe mirëpresim përpjekjet e bëra në këtë drejtim nga Përfaqësuesi Special i ngarkuar për dialogun Beograd-Prishtinë, Miroslav Lajçak”,– thuhet në reagim. Ndërkaq, Ambasadori i Gjermanisë në Kosovë, Jorn Rohde, ka thënë “Non-paper” i publikuar nga “Koha Ditore” është “fake news” Përmes një postimi në llogarinë e tij në Twitter, Rohde ka thënë se mund të ketë dokument, por se nuk është francezo-gjerman, derisa ka shtuar se e përkrahin dialogun e udhëhequr nga BE-ja dhe Miroslav Lajcak.

    • 10:09

      Ambasadori gjerman: Dokumenti i publikuar rreth njohjes Kosovë-Serbi, nuk është i vërtetë

      Jorn Rohde

      Ambasadori gjerman në Kosovë, Jorn Rohde ka reaguar pas publikimit të një dokumenti “non-paper” dje në media. Rohde ka thënë se ky “non-paper” është fake news, dhe se i njëjti dokument nuk është gjermano-francez. Përmes një postimi në llogarinë e tij në Twitter, Rohde ka thënë se e përkrahin dialogun e udhëhequr nga BE-ja dhe Miroslav Lajçak. “E ashtuquajtura “non paper” gjermano-franceze e publikuar nga Koha Ditore është lajm i rremë. Mund të ketë dokument, por sigurisht që nuk është gjermano-franceze. Ne e përkrahim plotësisht dialogun e udhëhequr nga BE-ja dhe Miroslav Lajçak, siç e theksoi përsëri ministri i Jashtëm i Gjermanisë, Maas, të enjten e kaluar në Prishtinë”,– ka shkruar ambasadori Rohde. Në këtë “non-paper” thuhet se Bashkimi Evropian do të vazhdojë të lehtësojë procesin që do të çojë tek nënshkrimi i marrëveshjes ligjërisht obliguese mes të dyja palëve, me qëllim të zgjidhjes së të gjitha çështjeve të hapura në mënyrë që të përparohet në rrugëtimin evropian dhe të krijohen mundësi të reja për përmirësimin e jetës së njerëzve. Po ashtu në këtë “non-paper” thuhet se procesi i dialogut duhet të përmbyllet para fundit të shkurtit të vitit 2022, dhe se të dyja palët si Kosova ashtu edhe Serbia, pranojnë sovranitetin e dy shteteve brenda territorit të caktuar të tyre. 

    Shto Koment