Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Të dhënat e Agjencisë së Statistikave të Kosovës tregojnë se, gjatë muajit shkurt, çmimi i pemëve dhe perimeve është shtrenjtuar për 5.5 për qind, krahasuar me periudhën e njëjtë të vitit të kaluar.
KOSOVË - Perimet gjatë këtyre ditëve kanë arritur çmime rekorde në Kosovë. Aktualisht çmimi për një kilogramë spec arrin në mbi 5 euro. Rritja e çmimeve, u vërejt edhe tek produktet tjera të perimeve. Sallata e gjelbër ka kushtuar 4 euro e 20 cent, domatet 3 euro e 50 centë e patatet mbi 1 euro.
Specat po dalin të jenë luks më vete. Çmimi i tyre gjatë kohëve të fundit ka qenë tronditës për qytetarët e Kosovës. Madje disa ditë është bërë edhe temë diskutimi në çdo vend.
Ndërsa, diferenca e çmimeve mes asaj se në çfarë vlere importohet dhe në sa shitet në treg del të jetë e madhe. Anëtarja e Kryesisë së LDK-së në Ferizaj, Janina Ymeri, ka nxjerrë një krahasim të dhënash: Importohet deri në 1.5 euro, kilogrami i specave në treg shitet deri në 5 euro.
“Kosova aktualisht nuk ka prodhim vendor për specat. Por sipas të dhënave publike nga Dogana e Kosovës, çmimi mesatar i importit për speca të freskët është vetëm 1.24 € për kilogram, Janar dhe Shkurt 2025. Edhe për specat që vijnë nga Turqia – vendi prej nga importohet më së shumti – kur përfshihen të gjitha taksat (doganore + TVSH), çmimi total i importit është rreth 1.55 €/kg. Edhe nëse marrim transportin – ky çmim nuk e arsyeton çmimin që po na ofrohet sot në treg: deri në 4.99 € për kilogram”, ka shkruar ndër të tjera Ymeri.
Edhe ministri i Bujqësisë, Faton Peci, është pyetur lidhur me shtrenjtimin enorm të kilogramit të specave në Kosovë. Peci ka thënë se kjo ndodh si shkak i importit të produktit bujqësor, e që sipas tij ka kosto.
“Është raporti i kërkesës dhe ofertës. Kërkesa në Kosovë është e madhe gjatë periudhës së dimrit për speca. Unë tre muajt e fundit intenzivisht po angazhohem edhe sot gjithë ditën jam marrë me qit temë. Ne kemi rrit shumë prodhimin dhe eksportin. Ta zëmë, vetëm për domate, kur kam ardhë ministër Kosova i ka eksportu 135 tonë, më 2024-ën 2,100 tonë të eksportuara. Ne kemi një zbrastësi gjatë periudhës së prodhimit dhe kostot e importit po i rrisin çmimet. Çka na duhet neve si vend? Më 2025-ën duhet të jetë për bindjen time, ka me qenë pika kryesore: Orientimi në krijimin e serave me hidroponi, sistem të ngrohjes. Kostot janë shumë të larta, por sidoqoftë duhet me hi në prodhim të serave… Është një periudhë prej dy vjet që duhet mu zgjidhë“, ka thënë Peci mbrëmë në Atv.
Kurse, profesori i Bujqësisë në Universitetin e Prishtinës, Imer Rusinovci, thotë se rritja e çmimeve vjen për mungesën e prodhimit vendor gjatë dimrit.
“Për shkak të kushteve të vështira të motit dhe infrastrukturës jo të përshtatshme, fermerët kosovarë e kanë të vështirë të kultivojnë perime jashtë sezonit të rregullt. Mungesa, pastaj, plotësohet nga importet, por mallrat e importuara vijnë me çmime më të larta, për shkak të tarifave doganore, kostove të transportit dhe kërkesës në rritje. Një kilogram speca kushton pesë euro. Kjo situatë duhet të jetë alarm për institucionet. Duhet të gjendet zgjidhje që edhe gjatë kësaj periudhe të ketë prodhime vendore, në mënyrë që të ulet varësia nga importi dhe të ketë stabilizim të çmimeve”.
Kurse, njohësi i politikave dhe ekonomisë Shenoll Muharremi, ka bërë një postim në rrjetin Facebook, duke treguar se çmimi i specave ka shkuar ne mbi 6 euro.
“Specat 6.49 euro?. Qysh bre? Me këtë çmim e blej një ari tokë:) Kurrgjo, i kqyrim me sy, kalojmë tutje. Le të prishen më këto çmime. Kur s’ka kush me i ble, ulet çmimi automatikisht”, ka shkruar ai
Edhe afaristi Burim Piraj ka bërë një reagim për çmimin e specave, duke thënë se kjo ndodh pasi nuk po punohet toka.
“5 euro 1 kg speca! Po të gjithë po hamë e pak po punojnë! Lirë janë!”.
E kryetari i Shoqatës “Konsumatori”, Selatin Kaçaniku, e quan si një inflacion global, duke thënë se arsyeja kryesore e inflacionit është se Kosova nuk ka monedhën e saj.
“Ne nuk kemi monedhën tonë, me të cilën do ta balanconim inflacionin. Jemi shtet i ri ende pa përvoje, ende nuk i kemi konsoliduar të gjitha që i duhen një shteti. Ata që i kemi zgjedhur ne për të udhëhequr shtetin duhet të dinë se jo të dy duart duhet të manë në xhepat tanë, ata një dorë duhet ta kenë të lirë që të bëjmë një buxhet të vet qëndrueshëm në mënyrë që mos të vije vetëm nga konsumatori. Kjo ngritja e buxhetit nuk e përcjellë ngritjen e inflacionit, është më i ulët se inflacioni, ne nuk jemi të zot si qytetarët konsumatorë taksapagues t’ia bëjmë askujt me gisht, qeverisë e asnjë legjislature qeveritare se ne duam kështu”.
Të dhënat e Agjencisë së Statistikave të Kosovës tregojnë se, gjatë muajit shkurt, çmimi i pemëve dhe perimeve është shtrenjtuar për 5.5 për qind, krahasuar me periudhën e njëjtë të vitit të kaluar.
Pesë vjet më parë, specat kushtonin rreth 1.5 euro për kilogram – sot deri në 5 euro. Trangujt apo domatet kushtonin rreth 1 euro për kilogram – sot çmimi tyre i kalon 2 euro. Sipas ASK-së, të gjitha produktet bujqësore vitin e kaluar ishin për 46.8% më të shtrenjta krahasuar me vitin 2020.
Kosova mbështetet shumë në importet nga Shqipëria, Turqia, Greqia, Holanda dhe Izraeli. Sipas të dhënave nga Dogana e Kosovës, vendi shpenzoi mbi 1.8 milion euro për importim të specave, domateve dhe trangujve në dy muajt e parë të këtij viti.
Vetëm për speca u shpenzuan 1.2 milion euro, ndërsa gjatë gjithë vitit të kaluar mbi 14 milionë euro. Mesatarisht në vit, Kosova importon mallra në vlerë prej 5 miliardë eurosh – duke filluar nga produktet bazë deri tek ato ndërtimore, ndërsa eksporton nën vlerën e 1 miliard eurove./Monitor
Foto ilustruese TIRANË- Viti 2025 do të thyejë rekordin historik për të gjithë periudhën e tranzicionit dhe së paku...
foto ilustruese TIRANË- Pasuritë e paluajtshme kryesuan investimet e huaja në ekonominë shqiptare për të tretin vit radhazi. ...
Foto ilustruese TIRANA- Shqipëria mori parafinancimin e parashikuar në kuadër të Mekanizmit për Reforma dhe Rritje të BE-s&eu...
Foto ilustruese TIRANË- Investimet e huaja direkte u rritën përsëri për vitin 2024 dhe arritën një rekord të ri his...
Foto ilustruese TIRANË- Çdo vit që kalon Shqipëria po shënon një rekord të ri sa i përket turizmit. Të dh&eu...
foto ilustruese TIRANË- Vlera e borxhit të kompanive publike dhe private të garantuara nga shteti shqiptar pësoi rënie vitin e kal...
Foto ilustruese TIRANË- Boxhet e prapambetura mes kompanive të energjisë ndaj njëra-tjetrës kanë një vlerë të ...
Foto ilustruese TIRANA- Inflacioni bazë pësoi rënie për të dytin muaj radhazi në shkurt. Sipas të dhënave nga Banka...
Foto ilustruese TIRANA- Agjencia e Vlerësimit Standard & Poor’s (S&P) njoftoi se ka rritur vlerësimin afatgjatë të kredit...
Foto ilustruese TIRANA- Risitë e këtij viti në plotësimin e Deklaratës Vjetore të të Ardhurave Personale, siç nji...
