Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Të dhënat e Autoritetit të Mbikëqyrjes Financiare (AMF) tregojnë se në 6-mujorin 2024, individët investuan 18.3 miliardë lekë në tregun primar të bonove dhe obligacioneve, me rënie prej 17.9% krahasuar me gjysmën e parë të vitit të kaluar.
Investimet e individëve në ankandet e bonove dhe obligacioneve kanë vijuar rënien në gjysmën e parë të këtij viti.
Të dhënat e Autoritetit të Mbikëqyrjes Financiare (AMF) tregojnë se në 6-mujorin 2024, individët investuan 18.3 miliardë lekë në tregun primar të bonove dhe obligacioneve, me rënie prej 17.9% krahasuar me gjysmën e parë të vitit të kaluar.
Rënie u shënua edhe në numrin e transaksioneve, që zbriti në 6347, me rënie vjetore prej 22.8%. Sipas llojit të instrumenteve financiare, rënia është shtrirë njëkohësisht si në bono, ashtu edhe në obligacione.
Shifrat e AMF-së tregojnë se vlera e blerjeve të bonove në tregun primar zbriti në 14.68 miliardë lekë, me rënie vjetore prej 12.3%. Ndërkohë, investimi në obligacione arriti në 3.62 miliardë lekë, 34.8% më pak krahasuar me 6-mujorin e parë 2023.
Të dhënat e mësipërme u referohen transaksioneve të kryera nëpërmjet ndërmjetësve financiarë të licencuar nga AMF, kryesisht bankave tregtare.
Megjithatë, investimi në bono thesari mund të kryhet edhe nëpërmjet sporteleve të posaçme të Bankës së Shqipërisë.
Rënia e investimit të individëve në bono dhe obligacione vlerësohet të ketë ardhur kryesisht si rezultat i rënies së mëtejshme të yield-eve.
Gjatë gjysmës së parë të këtij viti, yield-et e bonove të thesarit kanë qenë në nivele shumë pranë normës bazë të interesit, madje instrumentet 3-mujore dhe 6-mujore kanë zbritur edhe poshtë normës bazë.
Një situatë e tillë e ka ulur interesin e individëve për të investuar në tregun primar.
Megjithatë, ajo që vërehet këtë vit është rritja e investimeve nga individët në tregun dytësor. Sipas statistikave të AMF-së, individët blenë afërsisht 3.1 miliardë lekë tituj nga portofolat e bankave.
Zhvendosja e interesit të individëve nga tregu primar në atë sekondar duket se shpjegohet me kthimet më të mira që ofrojnë instrumentet e emetuara nga qeveria në vitet e mëparshme, veçanërisht gjatë vitit 2022.
Rënia e yield-eve i ka bërë këto instrumente më tërheqëse dhe ka shtuar investimet e individëve në to.
Kjo tregon një njohje më të mirë të mekanizmave dhe alternativave që ofron tregu financiar, megjithëse numri i investitorëve që ka kryer investime në tregun dytësor është relativisht i vogël, me 909 transaksione gjithsej.
Në përgjithësi, yield-et e instrumenteve të borxhit të qeverisë kanë qëndruar të ulëta gjatë vitit 2023 dhe gjysmës së parë të këtij viti.
Një rritje e lehtë dhe e përkohshme u vërejt në yield-et e obligacioneve vetëm në muajt e fundit të vitit 2023, por duke qëndruar larg niveleve të arritura në vitin 2022.
Në gjysmën e parë të këtij viti, yield-et kanë lëvizur përsëri në rënie.
Obligacionet private vazhdojnë rritjen
Vlera e obligacioneve të shoqërive tregtare arriti një rekord të ri vitin e kaluar.
Sipas të dhënave të Autoritetit të Mbikëqyrjes Financiare (AMF), portofoli i obligacioneve me ofertë private, i llogaritur si vlera e emetuar dhe ende e pashlyer, arriti në 20.5 miliardë lekë, ose rreth 197 milionë euro.
Vetëm për vitin e kaluar, vlera e portofolit të obligacioneve është rritur me 6.4 miliardë lekë ose 45.3%. Statistikat e AMF-së nuk e ndajnë vlerën e portofolit të obligacioneve sipas kategorisë së investitorit, megjithatë besohet se në pjesën më të madhe, ky portofol u takon investitorëve individë.
Përveç obligacioneve me ofertë private, vitin e kaluar u realizua edhe oferta e parë publike e titujve nga një kompani private. Institucioni financiar jobankë NOA emetoi me sukses një borxh prej 500 milionë lekësh, nëpërmjet ofertës publike të obligacioneve.
Duke shtuar edhe obligacionin e parë me ofertë publike, vlera totale e titujve të borxhit të korporatave ka arritur në rreth 21 miliardë lekë.
Pothuajse 66% e obligacioneve me ofertë private janë të emetuara në valutë të huaj, në rritje të mëtejshme nga niveli prej 60% që instrumentet në valutë regjistruan në fund të vitit 2022.
Të detajuara sipas monedhave, 34.5% e obligacioneve private janë të emetuara në Lek, 62.3% e obligacioneve janë në Euro dhe 3.2% në Dollarë Amerikan.
Dominimi i Euros edhe në strukturën e obligacioneve me ofertë private lidhet me sasinë e madhe të kursimeve në monedhën europiane të mbajtura nga publiku shqiptar, por edhe norma interesi më të favorshme për emetuesit.
Në vitet e fundit, depozitat bankare në Euro kanë shënuar rritje të shpejtë, duke zgjeruar tepricën e likuiditetit në monedhën europiane.
Emetuesit e obligacioneve kanë joshur depozituesit për t’i investuar një pjesë të këtyre kursimeve në obligacionet e tyre, duke ofruar norma më tërheqëse interesi se depozitat.
Për këtë arsye, investitorët i kanë parë si një mënyrë e mirë për të diversifikuar investimet e tyre dhe për të siguruar kthime më të kënaqshme.
Emetues të këtyre instrumenteve janë në pjesën dërrmuese bankat dhe institucionet financiare.
Në përgjithësi, obligacionet e shoqërive tregtare ofrojnë kthim më të lartë krahasuar me depozitat dhe letrat e borxhit të qeverisë, por ato shoqërohen me rrezik më të lartë për investitorin. Në pjesën më të madhe, obligacionet e institucioneve financiare janë të emetuara në formën e borxhit të varur (të nënrenditur).
Kjo do të thotë se mbajtësit e tyre janë kreditorët e fundit në radhë për t’u shlyer, në rast të falimentimit të emetuesit (huamarrësit).
Normat e kthimit të këtyre instrumenteve janë të ndryshme, në varësi të monedhës dhe afatit të maturimit. Për shembull, obligacioni i vetëm i emetuar me ofertë publike, ai i institucionit financiar NOA në monedhën Lek, ka një kupon fiks prej 8%, me afat maturimi 5-vjeçar.
Ndërkohë, obligacioni pesëvjeçar në Lek i institucionit financiar Kredo Finance, i nënshkruar i gjithi nga Banka Amerikane e Investimeve, ka një kupon ndjeshëm më të lartë, 13%.
Obligacionet e bankave tregtare në përgjithësi kanë një kthim më të ulët. Obligacionet në formën e borxhit të varur të Credins Bank në emetimin e fundit kishin një normë kthimi 6.5% për obligacionet me maturim 7-vjeçar në Lek dhe 4.5% për obligacionet 7-vjeçare në Euro.
Në dhjetor të vitit të kaluar, Banka Kombëtare Tregtare realizoi emetimin e parë të obligacioneve në formën e detyrimeve të pranuara të MREL, në monedhën Euro, me afat maturimi katër vjet dhe kupon fiks prej 4%./Monitor.al
TIRANË- Deri në vitin 2022, të dhënat e disponuara sugjeronin se pasuritë e paluajtshme mund të ishin alternativa e investimit m...
Foto ilustruese TIRANA- Buxheti 2024 u ndryshua për herë të dytë me një akt normativ i cili rrit me rreth 27,2 miliardë lek&e...
Foto ilustruese TIRANA- Sektori bankar rriti më tej investimet në letrat me vlerë të qeverisë shqiptare vitin e kaluar. Të dh...
Foto ilustruese TIRANA- Shoqëritë e ujësjellës kanalizimeve në vend arritën të gjeneronin 10.3 miliardë lekë t...
Foto Ilustruese TIRANË- Normat e interesit të depozitave bankare janë rritur në gjysmën e parë të këtij viti. Sipas...
NAREA TIRANË- Shoqata Shqiptare e Pasurive të Paluajtshme (NAREA) do të kërkojë që pagesat për ndërmjetësit n&...
Energji TIRANË- Katër banka tregtare shqiptare do t’i japin kompanisë Ayen AS Energji kredinë më të madhe sindikale n&e...
Te moshuarit TIRANË- Përqindja e familjeve në Shqipëri me të moshuar (65+) i kalon ato me fëmijë të vegjël (0-...
Detergjente TIRANË- Për periudhën janar-korrik 2024 importet e grupit “Sapuni, preparatet parëse, lubrifikues, qirinjtë&rdqu...
TIRANË- Tregu i pensioneve private vullnetare kaloi kufirin e 41 mijë anëtarëve në tremujorin e dytë të këtij viti. Si...
