Prodhimet vendase bëhen jo-konkurruese, rritet me 8.5% importi i ushqimeve me 2023

28 Dhjetor 2023, 07:50 Nga DOSJA

Deficitet në prodhim dhe rritja e kostove po i bën gjithnjë e më shumë prodhimet vendase jo konkurruese.

Të dhënat e INSTAT nga tregtia e jashtme tregojnë se në 11 mujorin e 2023 importet e ushqimeve në sasi pësuan rritje vjetore me 8.5% teksa eksportet e ushqimeve në sasi mbeten në vendnumëro me rritje vetëm 0.7%.

Gjatë 11 -mujorit importet e ushqimeve ishin 2.8 herë më të larta se eksportet, teksa në të njëjtën periudhe të vitit 2022 ky raport ishte 2.6%.

Tkurrja e prodhimit në njërën anë dhe rritja e kërkesës nga prurjet e mëdha turistike po rigjenerojnë kanalet e importit, të cilat me gjasë mund të ndikojnë në dobësimin e mëtejshëm të prodhimit.

Në disa kategori, sidomos në bulmet importet shpesh po vijnë me çmime konkurruese me prodhimet vendase. Kjo konkurrencë ndihmohet edhe nga një mendësi e konsumatorëve shqiptare që besojnë më shumë të produktet e huaja se tek ato të vendit.

Përgjatë dekadës së kaluar eksportet e prodhimeve shqiptare në sasi janë rritur me shumë se importet. Kjo ecuri është ndihmuar nga zgjerimi i investimeve në kanalet eksportit, grumbullim, magazinim dhe transport.

Si pasojë e këtyre zhvillimeve hendeku në tregtinë e jashtme të ushqimeve u reduktua ndjeshëm. Në vitin 2012 importet e ushqimeve ishin 6 herë më të larta se eksportet, ndërsa në vitin e kaluar 2.6 dhe këtë vit 2.8.

Turizmi po shikohet si nxitës për prodhimin vendas, por mungojnë politikat që ndërmjetësojnë bashkëveprimin e sektorëve. Të dhënat të INSTAT tregojnë se prodhimi në bujqësi ka rënë në një trend rënës të qëndrueshëm në dy vitet e fundit i paprecedentë për periudhën e tranzicionit.

Sakaq zonat rurale të Shqipërisë kanë potencial të madh për turizëm të qëndrueshëm, por ky potenciali ende nuk është shfrytëzuar plotësisht dhe as i lidhur me sektorë të tjerë të ekonomisë lokale, si p.sh bujqësia dhe përpunimi i produkteve tradicionale dhe tipike për të mbështetur agroturizmin.

Turistët i kanë vënë në presion restorantet për receta të bazuara në produkte lokale, por nga ana tjetër bujqësia po vuan nga mbështetja e ulët buxhetore, bllokimi i fondeve nga BE, reduktimi i fuqisë punëtore, kostot e larta të punës dhe inputeve dhe mungesa e këshillimit dhe orientimit. /MONITOR

Në përputhje me standarded JTI

Ekonomi 28 Dhjetor 2023, 07:10

Banka e Shqipërisë dyfishoi blerjet në tregun valutor për 9-mujorin, në 200 milionë euro

Banka e Shqipërisë ka blerë afërsisht 200 milionë euro në tregun e brendshëm valutor gjatë nëntë muajve t&eu...

Ekonomi 28 Dhjetor 2023, 07:29 a.l

Të ardhurat nga emigrantët për 11 muaj, dërguan në Kosovë mbi 1 miliard euro

Foto ilustruese TIRANË- Gjatë muajit nëntor emigrantët kanë dërguar në Kosovë 101.3 milionë euro remitanca. Ku...

Ekonomi 27 Dhjetor 2023, 07:56 a.l

Aksionerët “sekretë”, Holanda kryeson investimet e huaja për të pestin vit radhazi, rritet Italia

Foto ilustruese TIRANË- Holanda po kryeson investimet e huaja direkte në Shqipëri për të pestin vit radhazi. Sipas të dhë...

Ekonomi 26 Dhjetor 2023, 08:00 A.B

Prodhuesit e bukës dhe ëmbëlsirave tërhiqen nga marrja e punonjësve nga India; Shoqata: S’ka garanci, do vijojmë me rritjen e pagave

Mungesa e punëtorëve një nga problematikat më të mprehta për shumë sektorë të ekonomisë ka prekur ndjesh&eum...

Ekonomi 26 Dhjetor 2023, 07:59 A.B

Lindjet në rënie, por shpenzimet për bonusin, rritje 25% më shumë se plani në 11-mujor

Në shtator të këtij viti, Kuvendi i Shqipërisë miratoi një ligj sipas të cilit bebet që lindin jashtë vendit nuk ...

Ekonomi 26 Dhjetor 2023, 07:57 A.B

Turizmi rriti me 40.3% vlerën e shtuar të industrive të lidhura me të

Rritja e sektorit të turizmit ka transmetuar në mënyrë drejtpërdrejtë efektin tek industrinë e lidhura me të. Institu...

Ekonomi 26 Dhjetor 2023, 07:56

Indeksi i Cilësisë së Jetës Dixhitale, faturat e internetit në Shqipëri më të shtrenjtat në rajon, çalon edhe me cilësinë

Një person kalon mesatarisht thuajse 7 orë në ditë, duke parë një ekran, qoftë për punë, argëtim apo komunik...

Ekonomi 25 Dhjetor 2023, 07:55 A.B

Në festat e fundvitit, konsumi për bulmet dhe ëmbëlsira bie nga emigracioni i popullatës; Çmimi i bakllavasë mbetet i kripur

Në prag të festës së Krishtlindjeve dhe të Vitit të Ri konsumi për disa produkte ushqimore dhe ëmbëlsirat ës...

Ekonomi 22 Dhjetor 2023, 15:54 I.A

Zbardhet lista me profesionet e lira nga shërbimet IT, avokatë, mjekë, arsimtarë, agjencitë e udhëtimit dhe punësimit nga 1 janari do të paguajnë taksim deri në 23%

Foto Ilustruese Nga 1 janari 2024 të gjithë personat fizikë tregtar apo të vetëpunësuarit e profesioneve të lira nuk do ...

Ekonomi 22 Dhjetor 2023, 07:34 A.B

Uji për strategjikët në Jug, pas ujësjellësit 7 milionë euro, prokurohet mbikëqyrja

Një muaj pas mbylljes të procedurës, “Furnizimi me ujë të zonave bregdetare Zonat e Investimit Strategjik Draleos Drimadhes dhe...

MË SHUMË