Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Presidenti i Komisionit Europian António Costa tha se problemet e Europës burojnë po aq nga “dora e rëndë” e rregullatorëve kombëtarë sa edhe nga mbirregullimi në Bruksel.
Europës i duhet një ndryshim rrënjësor, në të cilin kryeqytetet e BE-së të lënë mënjanë interesat kombëtare dhe më në fund të përballen me inercinë rregullatore që e ka lënë kontinentin pas SHBA-së dhe Kinës, ka deklaruar presidenti i Këshillit Europian.
Presidenti i Komisionit Europian António Costa tha se problemet e Europës burojnë po aq nga “dora e rëndë” e rregullatorëve kombëtarë sa edhe nga mbirregullimi në Bruksel.
“Duhet të japim një shtysë të re politike. Duhet të bëjmë në vitin 2026 për konkurrueshmërinë atë që bëmë vitin e kaluar për mbrojtjen”, tha ish-kryeministri portugez, duke iu referuar marrëveshjeve për rritjen e shpenzimeve për mbrojtjen dhe për bashkimin e prokurimeve.
Duke kërkuar një gatishmëri politike për kompromis që të përputhet me retorikën e përhapur pro-rritjes ekonomike, Costa argumentoi në favor të reformave ndërsektoriale në të gjithë tregun e përbashkët për të ulur burokracinë.
Një shembull do të ishte vendosja e parimit që kompanitë të dorëzojnë të dhëna tek një autoritet në Europë vetëm një herë, dhe jo në çdo shtet anëtar ku operojnë, shtoi ai.
Ai dëshiron që liderët të japin udhëzime të qarta për të ndalur “kapjen pas detajeve” nga kryeqytetet kombëtare, e cila ka bllokuar përpjekjet për të ndërtuar një union të tregjeve të kapitalit në BE apo një rrjet energjetik vërtet të integruar.
Sa i përket zbatimit të rregullave ekzistuese, ai u bëri thirrje liderëve “të japin një mesazh shumë të fortë politik qeverive të tyre” për të ndalur të ashtuquajturin “gold-plating”, ku rregullat e rënduara të BE-së “shumëfishohen nga 27 burokracitë kombëtare”.
Costa tha se një nga qëllimet e takimit të së enjtes, i mbajtur në një kështjellë belge të shekullit të 16-të, do të jetë arritja e një kompromisi për shtytjen franceze drejt një politike “Blej në Europë”, e cila do të kërkonte që disa mallra kyçe të prodhohen në Europë, një ide e papranueshme për vendet me orientim më të theksuar të tregut të lirë.
Costa theksoi se BE-ja duhet të mbetet një “treg i hapur” dhe të refuzojë proteksionizmin, por pranoi se do të nevojiten masa për të mbrojtur industri strategjike si kimikatet, çeliku dhe alumini.
Costa, i cili kryeson dhe përcakton agjendën e samiteve të liderëve të BE-së, tha se synon të sigurojë marrëveshje politike për një sërë masash, përfshirë heqjen e barrierave në tregun e përbashkët të BE-së dhe krijimin e një “tregu të vërtetë të përbashkët” në energji, telekomunikacion dhe tregjet e kapitalit.
Ai do të nxisë gjithashtu bllokun të lidhë më shumë marrëveshje tregtare, të përdorë masa hakmarrëse dhe të rishikojë rregullat e konkurrencës “për t’u mundësuar kompanive tona të rriten në shkallë” brenda kontinentit, në mënyrë që të konkurrojnë globalisht.
“Nuk mund të jemi naivë. Nëse disa aktorë globalë po na sfidojnë me konkurrencë të pandershme, duhet të reagojmë”, shtoi ai. “Nëse të tjerët po e përdorin tregtinë si kërcënim, si instrument presioni, ne duhet të përdorim mjetet tona.”
Një nga pjesët kyçe të përpjekjes për të ringjallur rritjen ekonomike në Europë ishte përshpejtimi i përpjekjeve për të reduktuar rregullimin e rënduar, pjesë e madhe e të cilit ka lindur nga legjislacioni i bllokut.
Shumë biznese kanë mbështetur përpjekjet e BE-së për thjeshtim, megjithëse janë të kujdesshme se ndryshimet e vazhdueshme në legjislacion po rrezikojnë sinjalet për investime.
“Nuk kemi nevojë të ndotim më tej shoqërinë tonë me mbirregullim për të arritur qëllimet tona për uljen e emetimeve”, tha Costa.
Ai u shpreh me kujdes lidhur me mundësinë që shtetet anëtare me qëndrime të ngjashme të ecin përpara me legjislacion për të anashkaluar veton e vendeve si Hungaria, një opsion i përmendur si nga Presidentja e Komisionit Europian, Ursula von der Leyen, ashtu edhe nga Kryeministri suedez, Ulf Kristersson.
“Për momentin, nuk shoh ndonjë arsye të veçantë për të kaluar tek ‘bashkëpunimi i përforcuar’, sepse sipas kuptimit tim aktual, të gjithë liderët, të 27-të, kanë një ndjenjë të qartë urgjence për t’i zgjidhur këto probleme”, tha Costa. / FT
Foto ilustruse Në mbledhjen e parë, Qeveria e Kosovës ka proceduar në Kuvend projektligjin për buxhetin e vitit 2026. Kryeministri...
Foto ilustruse Raporti i mjaftueshmërisë së kapitalit të sektorit bankar u rrit përsëri gjatë vitit 2025 dhe arriti nive...
Foto ilustruse Sondazhet tregojnë se shumica e europianëve ende presin që çmimet e ushqimeve të rriten këtë vit, pavar...
Foto ilustruse Agjencia e Punësimit e Kosovës ka njoftuar se nga ky vit është rritur subvencioni mujor për punësimin e të...
Foto ilustruse Deri në 2014 përveç detyrimeve të papaguara në tatime dhe dogana do të falen edhe detyrimet e papaguara vend...
Foto ilustruse Kompanitë kryesuese të tregut të sigurimeve humbën lehtë terren gjatë vitit të kaluar. Sipas të dh&e...
Foto ilustruese Yield-et e bonove 12-mujore ngelën në nivele të ulëta edhe në ankandin e parë të muajit shkurt. Sipas t&...
Foto ilustruese Pak ditë më parë u hapën aplikimet për përfitimin e vlerës së kompensimit për arsimin e fë...
Foto ilustruse Operatori i Blerjeve të Përqendruara (OBP) ka përfunduar ndërtimin dhe funksionalizimin e Arkivës Digjitale, nj&eum...
Foto ilustruse Raporti i kredive me probleme ra për të nëntin vit radhazi në 2025. Sipas të dhënave të Bankës s&eum...
