Aktualitet

Komiteti Teknik i Ekspertëve lë në fuqi mbylljen në orën 20:00, maturantët kthehen në klasa, universitetet dhe zonat e kuqe mbeten online, asnjë fluturim me Britaninë e Madhe

VIDEO
Mblidhet Komiteti Teknik I Ekspertëve. Lë në fuqi mbylljen në orën 20:00, përveç personave që kanë leje dhe emergjenca shëndetësore. Maturantët kthehen në shkolla. Mësimi në zonat e kuqe vijon online. Janë ulur vizitat, numri i të infektuarve, numri i të intuburve dhe numri i thirrjeve në emergjencë.
Featured image of article: Komiteti Teknik i Ekspertëve lë në fuqi mbylljen në orën 20:00, maturantët kthehen në klasa, universitetet dhe zonat e kuqe mbeten online, asnjë fluturim me Britaninë e Madhe Mira Rakacolli

TIRANË– Komiteti Teknik i Ekspertëve u mblodh mesditën e sotme ku lajmëroi se do tëvijojë të mbetet në fuqi mbyllja e Shqipërisë në orën 20:00, pa caktuar një afat. Nën moderimin e kryetares Mira Rakacolli, u bë me dije se do të vijojnë të mbeten në fuqi të njëjtat kufizime aktive, përveç zhvillimit të mësimit për maturantët. Rakacolli tha se nisur nga fakti që ata kanë provime për të dhënë, do të duhet të kthehen në klasa për tu përgatitur më mirë, por duke mbajtur maskat dhe duke ruajtur distancën sociale.

Drejtoresha e Institutit të Shëndetit Publik, Albana Fico tha se numrat kanë rënë në dy javët e fundit, si në infektime, në shtrimet në spitale dhe të intubuarve, por që sërish mbetet një situatë delikate. Fico tha se deri dje janë kryer 21 mijë e 536 vaksina dhe numri ka arritur në total në 100 mijë. Që prej fillimit të fushatës janë janë kryer në total 119 mijë e 321 vaksinime.

Drejtori i Urgjencës Kombëtare, Skënder Brataj tha se janë ulur vizitat mjekësore në banesa për rastet Covid dhe telefonatat në numrin e emergjencës. Sipas Bratajt, në 24 orë janë pak a shumë 1 mijë e 700 thirrje. Brataj shtoi se Tirana është qyteti me rrezikshmërinë më të lartë, i ndjekur nga Fieri, Vlora dhe qytete të tjera me radhë.

Masat që mbeten në fuqi:

Vendi do të mbyllet gjatë fashës orarë 20:00-06:00. 

Qytetarët nuk lejohet që të levizin gjatë kësaj fashe orare.

Për më shumë bëhu pjesë e grupit më viral në Facebook, Dosja.al

Përjashtim bëjnë rastet e emergjencave shëndetësore dhe për arsye pune. Në rastin e fundit duhet të keni lejen e posaçme.

Gjatë kësaj faze orare nuk lejohet aktiviteti i bareve, restoranteve, klubeve, nga ora 20:00 e mbrëmjes – 06:00 të mëngjesit. Përjashtim bëjnë shërbimet delivery.

Shkollat e mesme në zonat e riskut të lartë vijojnë online përveç maturantëve.

Universitetet do të vijojnë me mësimin online.

Fluturimet me Britaninë e Madhe mbeten të pezulluara.

Deri më tani në vendin tonë janë shënuar 2227 viktima, 31 mijë e 879 të sëmurë aktive dhe 90 mijë e 617 të shëruar.

(f.m/dosja.al)

  • 14:50

    Komiteti Teknik i Ekspertëve, lihet në fuqi mbyllja në orën 20:00, maturantët kthehen në shkolla


    Komiteti teknik i ekspertëve të shëndetësisë ka zhvilluar një mbledhje këtë të mërkurë në lidhje me masat anti-Covid. Komiteti la në fuqi të njëjtat masa për mbylljen e vendit, por maturantët i lejoi të shkonin në shkolla. Në mënyrë që të përgatiten sa më mirë për provimet që do të duhet të japin në përfundim të vitit shkollor, maturantët janë lejuar që të kthehen në shkolla. Deri më tani në vendin tonë janë shënuar 2227 viktima, 31 mijë e 879 të sëmurë aktive dhe 90 mijë e 617 të shëruar. Ndërsa numri i të vaksinave, sipas ministres Ogerta Manastirliu ka shkuar në 119 mijë e 123 në total.

    Masat që mbeten në fuqi:

    Vendi do të mbyllet gjatë fashës orarë 20:00-06:00. 

    Qytetarët nuk lejohet që të levizin gjatë kësaj fashe orare.

    Përjashtim bëjnë rastet e emergjencave shëndetësore dhe për arsye pune. Në rastin e fundit duhet të keni lejen e posaçme.

     Gjatë kësaj faze orare nuk lejohet aktiviteti i bareve, restoranteve, klubeve, nga ora 20:00 e mbrëmjes – 06:00 të mëngjesit. Përjashtim bëjnë shërbimet delivery.

    Shkollat e mesme në zonat e riskut të lartë vijojnë online përveç maturantëve.

    Universitetet do të vijojnë me mësimin online.

    Fluturimet me Britaninë e Madhe mbeten të pezulluara.

  • 14:50

    ‘Beteja ende nuk ka mbaruar’/ Brataj: Ka ulje të vizitave në shtëpi! Tirana kryeson në numrin e të infektuarve


    Mjeku i njohur Skënder Brataj bëri të ditur se janë ulur vizitat mjekësore në banesa për rastet Covid. Nga konferenca e Komitetit Teknik, Brataj u shpreh se Tirana është qyteti me rrezikshmërinë më të lartë, i ndjekur nga Fieri, Vlora dhe qytete të tjera me radhë. ‘Vazhdon monitorimi i siuatës. Jemi në 1 mijë e 700 thirrje në 24 orë. Ka një ulje të numrit të vizitave në banesë, jemi në 400. Nga 223 që ishim në fillim të marsit, tani jemi 100. Kryeson Tirana, Fieri, Vlora, Durrësi. 53.6% janë trajtuar në banesë. Ajo që theksuam është përhapja në bashki, sot jemi nga 10 deri në 20 vizita në zona të vogla. Do tu kërkonim qytetarëve që rë respektojnë masat pasi nuk ka mbaruar ende beteja.’

  • 14:46

    Albana Fico: Ka rënë numri i viktimave dhe i shtrimeve në spitale, bashkitë e prekura kanë shkuar në 40


    Drejtoresha e Institutit të Shëndetit Publik, Albana Fico deklaroi se ka rënë numri i të infektuarv në vend, numri i të shtruavre në spitale dhe numri i të intubuarve, por sërish mbetet një situatë delikate. Fico tha se deri dje janë kryer 21 mijë e 536 vaksina dhe numri ka arritur në total në 100 mijë. Që prej fillimit të fushatës janë janë kryer në total 119 mijë e 321 vaksinime.

    Pjesë nga biseda:

    Mira Rakacolli: Situata në vend paraqitet e stabilizuar me një tendencë të lehtë, por përsëri mbetet delilate. Fico ju lutem.

    Albana Fico: Është bërë një ritual vlerësimi i masave. Sot do të shqyrtojmë periudhën nga 17-30 mars. Incidence dy javore ka pësuar një zbritje. Mesatarja gjithashtu. Totali i rasteve aktive ka pësuar zbritje gjithashtu. Ne akoma nuk jemi të kënaqur sepse për të gjithë ata që ndjekin nga afër situatën, objektivi është të shkojmë shumë më poshtë. Numri i bashkive të prekura ka pësuar rritje, e cila ka shkuar në 40. Mesatarja e shtrimeve në spitale ka pësuar ulje. Numri i të intubuarve ka pësuar ulje. Një numër më i pakët është ai i vdekjeve. Kjo situatë në krahasim me atë çfarë ne vlersuam herës së kaluar, ka disa ndryshime që mund të jenë të vogla, por në tërësinë e vet, ne mendojmë se mbetet një situatë me numra të kontrolluar, por sërish delikate. Ne kemi një shkak për tu ndjerë më mirë, atë të nisjes së vaksinimit masiv. Deri dje janë kryer 21 mijë e 536 vaksina dhe numri ka arritur në total në 100 mijë. Që prej fillimit të fushatës janë janë kryer në total 119 mijë e 321 vaksinime.

Shto Koment