Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Kur më pak se një javë na ndan nga dita e zgjedhjeve parlamentarë të 25 prillit, presidenti i Republikës, Ilir Meta ka shpërndarë një mesazh për të gjithë qytetarët dhe jo vetëm. Duke nisur me votuesit, tek Policia e Shtetit, institucionet e drejtësisë dhe në fund tek funksionarët publikë, Meta ka ndarë këshillat e tij për të siguruar një proces të lirë dhe demokratik.
Në një konferencë urgjente për shtyp, numri një i shtetit ka kërkuar nga qytetarët që të votojnë masivisht për të ardhmen e tyre, duke u bërë thirrje që të mos bien pre e presioneve për blerjen e votës. Ndërsa nga Policia e Shtetit ka kërkuar që të mos përdoret nga politika, duke dhënë si shembuj rastin e Dibrës e të Shijakut.
Ndërsa kërkoi reagimin e menjëhershëm nga institucione të drejtësisë, Meta premtoi se shumë shpejt do të publikonte me fakte sesi funksionon skema e “patronazhistëve”, duke shtuar se çështja mund të kthehet në shqetësim jo vetëm për zgjedhjet, por edhe lidhur me sigurinë e të dhënave të qytetarëve.
“Ftoj të gjithë të distancohen nga çdo fenomen negativ që dëmton integritetin. Të gjithë t’u drejtohen qendrave të votimit dhe të refuzojnë përpjekjet për shtrëmbërimin e vullnetit tuaj. Ç’do kush që ofrohet të blejë votën tuaj ka për qëllim jo vetëm që t’ju skllavëroj por edhe t’ju poshtërojë për gjithë jetën. Ndaj jam besimplotë që të gjithë do të bëni më të mirën për të gjithë ata që duken, por edhe ata që fshihen pas tyre. Sidomos ata që lëvizin natën. Vota është më shumë se e shenjtë. Më datë 25 prill duhet që të kthejmë parimet e republikës dhe të rivendosim demokracinë. Vetëm kështu do t’i japim fund krizës. Do të zhbllokojmë çeljen e negociatave. Përgatituni, keni një javë kohë!,”-u shpreh Meta,
APELI I PRESIDENTIT META:
Të nderuar qytetarë edhe një javë na ndan nga zgjedhjet e 25 prillit të gjithë bashkë duhet të ushtrojmë të drejtën themelore. Atdheu ynë, Shqipëria, por edhe bashkëkombasit tanë ndodhen në një moment të rëndësishëm të integrimit dhe konsolidimit të të ardhmes në BE. Kam këto kërkesa ndaj jush, pa asnjë dallim partiak: Kjo javë duhet të shoqërohet nga një klimë zgjedhore më e qetë dhe më ballafaquese në kuptimin konstruktiv. Ftoj të gjithë të distancohen nga çdo fenomen negativ që dëmton integritetin. Të gjithë t’u drejtohen qendrave të votimit dhe të refuzojnë përpjekjet për shtrëmbërimin e vullnetit tuaj. Ç’do kush që ofrohet të blejë votën tuaj ka për qëllim jo vetëm që t’ju skllavëroj por edhe t’ju poshtërojë për gjithë jetën. Ndaj jam besimplotë që të gjithë do të bëni më të mirën për të gjithë ata që duken, por edhe ata që fshihen pas tyre. Sidomos ata që lëvizin natën. Vota është më shumë se e shenjtë. Familja juaj ka nevojë për siguri dhe për t’u ndjerë të përfshirë çdo ditë. Prandaj çdo qytetar duhet që të votojë i lirë. E ardhmja jonë për 100 vitet që vijnë nuk mund të blihet me asnjë çmim. Asnjë pushtet nuk është më i shtrenjtë se vota e lirë dhe referendare. Të gjithë bashkë do të garantojmë që zgjedhjet të jenë të lira dhe demokratike. Një thirrje e kam për ata që janë indiferentë. Nuk mundet ta humbisni këtë mundësi. Nëse e keni të vështirë për të zgjedhur, mos harroni se vota është mjet ndëshkimi. Prandaj të gjithë drejt 25 prillit. Të gjithë të verifikojmë kartat dhe qendrat e votimit.
Një thirrje kam për Policinë e Shtetit. Distancohuni nga çdo përpjekje e politikës, qëndroni të pavarur dhe mos u keqpërdorni si në zgjedhjet e shëmtuara të Dibrës dhe Shijakut. Policia duhet që të tregojë integritet të plotë dhe të jetë e pavarur dhe të luftojë krimin dhe tentativat për të shtrembëruar krimin zgjedhor. Duhet të luftojë në këto momente edhe më fort krimin.
Të gjithë funksionarët e lartë publik duhet që të tërhiqen nga çdo lloj intimidimi dhe përpjekje për të marrë votën forcërisht. Shqiptaria jonë nuk e duron dot më këtë. Ndaj iu bëj thirrje që të tërhiqen dhe të refuzojnë urdhërat politik. Sepse ligji dhe populli do të jenë të pamëshirshëm me ju. Mos nxisni asnjë konflikt dhe mos provokni asnjë reagim qytetar.
Organet e drejtësisë të reagojnë në kohë rekord në mënyrë që t’i bindë se po veprojnë. Prisja që dikush të ishte në burg tani sesi të dhënat e çdo shqiptari janë shpërndarë duke ekspozuar këdo. Nuk janë patronazhistë por fuksat që ka njohur populli gjatë regjimit të kaluar. Po kështu memet që shpërndahen forcërisht për ta marrë këtë histori me të qeshur, janë të papërgjegjshme. Dhe shumë shpejt do të keni prova serioze pse patronazhistët janë fuksa dhe ky është sistem i Gestapos për të dhunuar të gjithë ata që kanë mendim kritik dhe ndryshe. Dhe sesi monitorohen në rrjete sociale në çdo postim që bëhet. Është me prova. Patronazhisti mbasi verifikon simpatinë politike, verifikon personin dhe në rrjetet sociale. Kur poston një kundërshtar të qeverisë. Atëherë hetohet; çfarë problemi ka? Ka problem me patentën, tatimet etj. Dhe i bëhet e ditur që problemi mund t’i zgjidhet vetëm duke u përcaktuar në një drejtim tjetër politik. Është skemë skandaloze. Përveç efekteve aktuale me të dhënat e qytetarve jam i shqetësuar për çështjen e sigurisë dhe të drejtat e qytetarit.
Më datë 25 prill duhet që të kthejmë parimet e republikës dhe të rivendosim demokracinë. Vetëm kështu do t’i japim fund krizës. Do të zhbllokojmë çeljen e negociatave. Përgatituni, keni një javë kohë!
Ndërkohë vetëm pak orë më parë, kreu i shtetit reagoi lidhur me një poster të vendosur në Gjirokastër, ku shihen në foto ai, ish-kryeministri Sali Berisha, Monika Kryemadhi dhe Lulzim Basha. Meta paralajmëroi socialistët që të mos e detyrojnë që të bëhet pjesë e fushatës pasi do mbeten pa grup parlamentar.
(k.m/dosja.al)
Rama është propozuar për president nga disa deputetë socialiste, mendoni se:
FIER– Kryetarja e Lëvizjes Socialiste për Integrim, Monika Kryemadhi po zhvillon një takim elektoral në qytetin e Fierit, ku ka mbajtur një fjalim para mb...
Kandidatja e PS-së për deputete në zgjedhjet e 25 prillit, Mimi Kodheli, e ftuar në emisionin “Kjo javë” në “News 24” ka komentuar deklaratën e Ramës, që ndër t...
FIER– Kryetarja e Lëvizjes Socialiste për Integrim, Monika Kryemadhi ka ndarë momente nga pritja që i është bërë në Fier. Kryemadhi ka nxjerrë kokën në dritare,...
TIRANË– Ish-kryeministri Sali Berisha ka shpërndarë pamje nga rrugëtimi i kryedemokratit Lulzim Basha. Siç duket edhe nga pamjet e mëposhtme, ...
TIRANË- Partia Demokratike e Shqipërisë dhe Bashkimi i Sindikatave të Pavarura Shqiptare kanë firmosur sot marrëveshjen për zgjidhjen e disa problemeve ky&...
KRUJË– Ditën e sotme kryetari i Partisë Demokratike, Lulzim Basha po zhvillon turin 1 ditor nga jugu në veri.Stacioni i rradhë ishte qyteti i Krujës, ku në...
TIRANË– Fushata elektorale ka nisur që prej datës 1 prill! Që nga ajo ditë, të gjitha partitë politike që marrin pjesë në garë, ndezën motorët dhe mobilizu...
TIRANË– Zgjedhjet parlamentare të 25 prillit janë vetëm pak ditë larg…Për të garantuar mbarëvajtjen e procesit zgjedhor në Shqipëri pritet të j...
GJIROKASTËR– Pas ‘punës’ si meterolog, kryeministri Edi Rama ka nisur të analizojë edhe numrologjinë e numrave. Gjatë një takimi elektoral në qytetin e Gji...
TROPOJË– E diela do ta gjejë qytetin e Tropojës të mbushur nga simpatizantët e partive politike. Dy kandidatët për kryeministër, Edi Rama dhe Lulzim ...
