Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
BULLGARI – Në Bullgari, një kandidat nacionalist i krahut të djathtë për zgjedhjet presidenciale që mbahen këtë muaj (nëntor, 2021) është arrestuar dhe akuzuar për një sulm në një qendër të komunitetit LGBT (homoseksual, lesbike, biseksual dhe transgjinor) në Sofje.
Boyan Rasate u ndalua nga policia dhe ai po përballet me akuzat për huliganizëm dhe përfshirje në dhunë, tha në një deklaratë më 3 nëntor Zyra e Prokurorit në Sofje. Ndjekjes penale iu hap rruga pasi disa ditë më parë atij iu hoq imuniteti ligjor si kandidat presidencial. Për të dyja veprat penale parashihet dënim me burgim. Bullgaria është vend anëtar i Bashkimit Evropian. Prokurorët thanë se 50-vjeçari, Rasate, nuk e ka pranuar fajësinë.
Si ndodhi ngjarja?
Më 30 tetor, një grup prej rreth 10 personash sulmuan dhe vandalizuan Rainbow Hub, një qendër për organizimin e ngjarjeve të lidhura me komunitetin LGBT në qendër të Sofjes. Fondacioni Bilitis që merret me drejtimin e kësaj qendre akuzoi Rasate se drejtoi sulmin. Qendra është e vendosur në një bllok apartamentesh në kryeqytetin bullgar, dhe më 30 tetor kishte organizuar një ceremoni, kur grupi hyri brenda dhe filluan të shkatërronte çdo gjë që i dilte përpara. Mobilje të shkatërruara, disa prej tyre të lyera me ngjyrë të zezë, shihen të shpërndara në këtë qendër, pas incidentit. Rasate akuzohet gjithashtu se ka goditur me grusht njërën prej grave brenda qendrës në momentin e sulmit, si dhe ka mbajtur një thikë.
“Në mënyrë që t’i ndaloj ata të hyjnë fillova të bërtas: Jo! Ai (Rasate) më goditi dhe vazhdoi të hynte brenda. Të tjerët e ndiqnin”, tha për Shërbimin Bullgar të Radios Evropa e Lirë, aktivistja e kësaj qendreje, Gloriya Filipova.
Një grup prej disa personash ishin mbledhur në qendrën Rainbow Hub në orën 17:00 më 30 tetor për atë që Fondacioni Bilitis e përshkroi më vonë si një “mbledhje trans-komunitare”. Rreth gjysmë ore pasi filloi takimi, ra zilja e derës, tregon Filipova.
“Një vajzë shkoi ta hapte. Edhe unë shkova te dera për të parë se kush ishte. Ndërsa po afrohesha, një grup burrash tashmë po hynin brenda”, tha ajo.
Shumë shpejt ajo e kuptoi se Rasate po e drejtonte bandën. Ata filluan menjëherë të thyenin mobiljet, të rrokullisnin tavolina dhe karrige, të ngjyrosnin nëpër mure, si dhe të thyenin një kompjuter që përdorej për të transmetuar online ceremoninë. Gjatë kaosit disa anëtarë të komunitetit LGBT, që ishin brenda qendrës, arritën të dilnin jashtë.
“Por, shumica prej nesh ishim shtangur dhe prisnim që të përfundonte”, rrëfen Filipova.
Pasi përfunduan vandalizimin e qendrës, sulmuesit filluan të largohen, por jo edhe kandidati për president i Bullgarisë.
“Ai u ndal para meje. Kjo më frikësoi sepse ai më kishte goditur një herë dhe nuk e dija nëse do të më godiste përsëri. I thashë, pasi e bëtë këtë mund të largoheni? Ai tha: “Jo, kam akoma një punë dhe nxori një thikë”, tha Filipova.
Komuniteti ndërkombëtar e dënon sulmin
Sulmi në Rainbow Hub është dënuar jo vetëm në të gjithë spektrin politik bullgar, por edhe nga disa ambasada në Sofje, duke përfshirë atë të Shteteve të Bashkuara, Mbretërisë së Bashkuar dhe Francës. Më 1 nëntor, ambasadorët vizituan Rainbow Hub. Ata thanë se vizita bëhet “për të shprehur solidaritetin me miqtë dhe partnerët tanë pas këtij sulmi të pakuptimtë”. Organizata Joqeveritare ILGA-Europe, e cila mbron interesat e komunitetit LGBT, e dënoi sulmin dhe u kërkoi autoriteteve bullgare “të dënojnë publikisht sulmet, të hetojnë dhe të sanksionojnë sulmuesit”. Ky sulm ka hedhur dritë mbi mungesën e tolerancës ndaj komunitetit LGBT në Bullgari.
Më herët, Fondacioni Bilitis kishte njoftuar se ka paraqitur në Ministrinë e Drejtësisë në Bullgari një peticion me më shumë se 8 mijë nënshkrime përmes së cilit kërkohej që të përfshihen në Kodin Penal krimet e urrejtjes bazuar në orientimin seksual dhe identitetin gjinor. Më 27 tetor, Gjykata Kushtetuese bullgare vendosi se fjala “gjini” zbatohet vetëm në “kuptimin biologjik”, duke zhgënjyer ata që besojnë se fjala duhet të ketë një përkufizim më të gjerë. I lindur si Bojan Stankov, Rasate është themeluesi i Bashkimit Kombëtar Bullgar (BNS), por nuk e drejton më. Ai njihet për retorikën e tij kundër komunitetit LGBT dhe migrantëve. Pasi Komisioni Qendror i Zgjedhjeve ia hoqi mundësinë e kandidimit në zgjedhje, Rasate tha se nuk është e rëndësishme nëse ai ka imunitet ose jo për të kandiduar por, sipas tij, e rëndësishme është që Bullgaria nuk është shtet ku sundon ligji.
“Unë besoj se Bullgaria nuk është një shtet ligjor dhe ajo që kemi këtu në vend të gjyqësorit është drejtësia në rrugë. Pavarësisht nëse funksionon në këtë apo atë drejtim, gjithsesi është drejtësi e rrugës. Por, ka diçka më të rëndësishme që dua të them për imunitetin tim. Nuk është aq e rëndësishme nëse kam apo nuk kam imunitet. Gjëja më e rëndësishme është imuniteti që gëzojnë ende njerëzit që po përhapin propagandë të pedofilisë mes adoleshentëve“, tha ai.
Në një postim në Twitter, Komisionarja e Këshillit të Evropës për të Drejtat e Njeriut, Dunja Mijatoviq, u kërkoi autoriteteve bullgare që të kryejnë një hetim të shpejtë për sulmin kundër Rainbow Hub, duke e quajtur atë “një shembull tjetër shqetësues të kërcënimeve në rritje kundër OJQ-ve që punojnë për të drejta për komunitetin LGBTI”. Organizata ndërkombëtare për të Drejtat e Njeriut, Amnesty International, tha përmes një deklarate se autoritetet bullgare tani duhet të ndryshojnë ligjin dhe të përfshijnë dhunën homofobike si krim të urrejtjes. Me Kodin Penal të Bullgarisë krimet e urrejtjes trajtohen si akte huliganizmi.
“Nuk ka dyshim se sulmi në Qendrën Komunitare Rainbow Hub ishte i motivuar nga urrejtja dhe ky incident i tmerrshëm ka nxjerrë në sipërfaqe mangësitë e sistemit të drejtësisë në Bullgari”, tha grupi i të drejtave të njeriut me qendër në Londër.
Cila mendoni se është alternativa më e mirë:
SHBA – Sekretari amerikan i Shtetit Antony Blinken emëroi të premten dy zyrtarë të rinj për të koordinuar reagimin e Uashingtonit ndaj të ashtuquajturave ...
SHBA- Një juri e madhe ka ngritur akuza ndaj analistit rus që kontribuoi duke ofruar materiale për të ashtuquajturën “Dosja Steele”, ku aludohej pë...
FRANCË – Pallati Elysee e quajti dekoratën ndaj Merkelit një shenjë të miqësisë solide franko-gjermane. Në fakt ai është një vlerësim i veçant...
KOSOVË- Superyjet botërorë me origjinë kosovare Dua Lipa dhe Rita Ora e kanë treguar përherë mbështetjen e tyre për shtetin e Kosovës dhe kanë ndërmarrë sh...
SHBA- Kongresi amerikan ka miratuar paketën e investimeve në vlerë të 1 trilion dollarëve, çka shënon fitore të madhe të brendshme për presidentin amerik...
GLASGOW – Sytë e gjithë botës janë kthyer drejt COP26, ku liderët botërorë po të mblidhen së bashku për të diskutuar përgjigjen globale ndaj krizës klimat...
SHBA – Festivali muzikor Atroworld ka nisur që nga ditën e premten dhe organizohej nga reperi dhe producenti Travis Scott. Ky ishte viti i tretë i festiva...
SHBA– Ditën e sotme në media u përhap lajmi se CEO i Pfizer, Albert Bourla u arrestua nga FBI në shtëpinë e tij, nën akuza të shumta për mashtirm. Bourla ...
SHKUP – Dorëheqja e Zoran Zaevit nga posti i kryeministrit në Maqedoninë e Veriut pas humbjes së zgjedhjeve lokale ka vënë në lëvizje partitë politike në ...
GREQI– Dhjetra emigrantë tentojnë të hyjnë çdo ditë në vendin tonë për të shkuar drejt Europës, por kthehen sërish mbrapsht nga efektivët e FRONTEX...
