Rajoni

Vdesin 4 pacientë me Covid-19 në Kosovë, mediat: I vranë qëllimisht, u ndaluan oksigjenin! Ministria: Kanë nisur hetimet, mos dilni në konkluzione

VIDEO
  • Katër të vdekur nga mungesa e respiratorëve/ Flet e bija e 70- vjeçarit: Baba jem ka vdekur prej oksigjenit
  • Ngjarja e rëndë u raportua nga mediat vendase, teksa shkruanin se katër pacientët e infektuar kanë ndërruar jetë si pasojë e mos funksionimit të respiratorëve. Gjithashtu mësohet se është kërkuar të bëhet edhe obduksioni i trupave të të vdekurve.
    Featured image of article: Vdesin 4 pacientë me Covid-19 në Kosovë, mediat: I vranë qëllimisht, u ndaluan oksigjenin! Ministria: Kanë nisur hetimet, mos dilni në konkluzione Foto ilustruese

    KOSOVË– Katër pacientë të infektuar me Covid-19 kanë ndërr jetë jetë gjatë 24 orëve të fundit në Kosovë. Ngjarja e rëndë u raportua nga mediat vendase, teksa shkruanin se katër pacientët e infektuar kanë ndërruar jetë si pasojë e mos funksionimit të respiratorëve. Gjithashtu mësohet se është kërkuar të bëhet edhe obduksioni i trupave të të vdekurve.

    “Të gjitha viktimat kishin edhe sëmundje shoqëruese dhe janë mbi moshën 60 vjeçare.”– ka thënë një zyrtar i QKUK-së, pa dhënë më tepër detaje në lidhje me vdekjen e tyre.

    Ndërkohë, të njëjtat media hodhën dyshime se vdekja e këtyte pacientëve është e dyshimtë.

    Për më shumë bëhu pjesë e grupit më viral në Facebook, Dosja.al

    Madje, sipas burimeveIndeksonline brenda hetuesisë është bërë me dije se mes orës 12:30-1:00 dyshohet që dikush me qëllim e ka ndalur oksigjenin. Ky interval kohor përkon edhe me kohën e vdekjes së katër personave.

    Pas bujës së madhe të lajmeve, erdhi edhe reagimi zyrtar i ministrisë së Shëndetësisë. Përmes një njoftimi, ministria bëri me dije se kanë nisur hetimet në lidhje me vdekjen e këtyre katër personave dhe se po hetohet nëse janë vrarë qëllimisht, apo jo.

    Prej fillimit të shpërthimit të virusit e deri më tani, në Kosovë janë prekur me koronavirus 3.356 persona, janë shëruar 1.874. Në gjithë botën janë prekur mbi 11 milionë me virusin me koronë, janë shëruar 5.9 milionë ndërsa kanë vdekur mbi 520 mijë pacientë.

    (a.c/f.m/dosja.al)

    • 17:25

      U ndalën oksigjenin? Nisin hetimet ndaj Qendrës infektive në Kosovë: Dyshohet se katër pacientët e vdekur dhe me Covid-19, u vranë qëllimisht

      Foto ilustruese

      Klinika Infektive e QKUK-së është rrethuar nga Policia e Kosovës dhe po hetohet për vdekje të qëllimshme. Mediat vendase shkruajnë se kjo masë është ndërmarrë pas lajmeve se katër pacientë të infektuar me Covid-19 kanë ndërruar jetë në 24 orët e fundit, pasi dikush në mesnatë u ka ndalur qëllimisht oksigjenin, ose nga  mos funksionimi i respiratorëve. Përmes një deklarate për mediat, Ministria e Shëndetësisë në Kosovë shprehetse po kryhet një hetim për të zbardhur vdekjen e pacientët, ndërkohë që bën thirrje se duhet për mbajtje ndaj lajmeve me konkluzione të parakohshme. Deklarata e plotë: Për shkak të shtimit të numrit të vdekjeve brenda një afati të shkurtër kohor, janë ngritur dyshime lidhur me natyrën e vdekjes së këtyre pacientëve. Ajo çka SHSKUK mund të konfirmojë deri në këto momente është se të gjithë ketë pacientë kanë qenë të konfirmuar përmes metodës standarde të aplikushme të dignostikimit me Covid-19 dhe kanë qenë në gjendje kritike duke u trajtuar në Klinikën Infektive-QKUK. Me qëllim që të zbardhet çdo dyshim rreth natyrës së vdekjes së tyre, MSh dhe SHSKUK u bëjnë thirrje publikut dhe të gjithëve që të përmbahen nga konkludimet e parakoshme dhe t’u japin kohën e duhur institucioneve përgjegjëse për ta bërë analizën e shkaqeve të vdekjeve dhe të nxjerrin përfundimet meritore. SHSKUK konfirmon se fluksi i pacientëve me pasqyrë të rëndë klinike nga Covid-19 është rritur ndjeshëm javët e fundit, ndërsa QKUK ka rritur kapacitetet e saja të Mjekimit Intensiv, me qëllim të trajtimit të të gjithë pacientëve të spitalizuar, pavarësisht ngarkesave të mëdha.”

    Shto Koment