Aktualitet

‘Abuzuesit’ e Durrësit, Gjykata liron 10 nga 18 të arrestuarit. ‘Kafazi i qelqtë’ s’i nxë të gjithë, njërin e lëshon zemra (VD)

  • Ndodh edhe kjo! ‘Kafazi i qelqtë’ s’i nxë të gjithë të pandehurit (VIDEO)
  • Policin e pandehur ‘e lëshon zemra’, përfundon me urgjencë në spital
  • Gjykata lë të 10 nga 18 policët e arrestuar
  • Jashtë ambienteve të Gjykatës janë mbledhur dhjetëra familjarë të personave të arrestuar në mbështetje të të afërmëve të tyre.

    DURRËS– Gjykata e Durrësit ka vendosur sot masën e sigurisë për 18 personat e arrestuar tre ditë më parë në Durrës,  të cilët akuzohen për shpërdorim detyre dhe korrupsion. Prokuror i çështjes ishte Afrim Shehu, ndërsa gjyqtar Paulin Cera.

    Të gjithë të arrestuarit ishin të pranishëm në seancë, përveç efektivit të Policisë  Gani Damës, masa për të cilin është dhënë në mungesë pasi ndodhet në kërkim. Ndërsa specialisti i armatimit Astrit Nure, i cili është lënë në detyrim paraqitje dhe në gjyq përfaqësohet me avokatin.

    Për shkak të numrit të madh të personave të arrestuar, seanca gjyqësore zgjati për disa orë, ndërsa të gjithë të pandehurit ishin të përfaqësuar nga avokatët e tyre mbrojtës. Po për shkak të numrit të madh të të arrestuarve, kafazi i qelqtë ishte shumë i vogël për t’i nxënë të gjithë dhe për këtë arsye një pjesë e tyre qëndron jashtë tij. 

    Ndërkohë jashtë ambienteve të Gjykatës u mbledhur dhjetëra familjarë të personave të arrestuar në mbështetje të të afërmëve të tyre. Gjatë seancës ka ndodhur dhe diçka e pazakontë. Polici i pandehur, Agim Osmani pati probleme me zemrën gjatë seancës dhe është dërguar me urgjencë në spitalin e Durrësit.

    ARREST NË BURG

    Për më shumë bëhu pjesë e grupit më viral në Facebook, Dosja.al

    Ermal Petova (OPGj Manzë. Polici që la të lirë një të akuzuar për përdhunim), Agim Osmani ( Ndihmës specialist policia Durrës, polici që u largua nga salla a gjyqit pas problemeve me zemrën), Haxhi Sherra (Ndihmës specialist Komisariati Shijak), Petrit Neziri (Ndihmës specialist policia Manzë), Dëshir Dakoli (Me detyrë ndihmës specialist/SPZ, në Komisariatin e Policisë Durrës), Ndriçim Shika (Ndihmës specialist policia Shijak), Gjergji Gerco ( Sekretar njësisë administrative Sukth) dhe Adem Lika (Ndërtues)

    U LIRUAN

    Sami Xhafa (Shefi i stacionit të policisë Manzë), Nikollë Marku (OPGj Manzë), Besnik Domi (Shef rendi në Shijak), Astrit Nuri (Specialist i armatimit në në policinë e Durrësit), Julian Kacadej (Specialist IMT-ja Shijak), Marius Shahini (Kryeinspektor IMT-ja Shijak), Dritan Koçi (Posesdues dhe zhvillues i ndërtimi pa leje), Paulin Meta (Posesdues dhe zhvillues i ndërtimi pa leje), Gjon Zefi  (Posesdues dhe zhvillues i ndërtimi pa leje) dhe Qerim Doka (Posesdues dhe zhvillues i ndërtimi pa leje).

    Operacioni për arrestimin e tyre u zhvillua disa ditë më parë. Pas një hetimi tri mujor nga ana e SHCBA dhe Prokurorisë së Durrësit, bilanci ishte 10 policë të prangosur, 2 inspektorë të IMT-së, dhe 5 biznesmenë janë arrestuar, ndërsa Dama u shpall në kërkim.

    Të arrestuarit në bashkëpunim me njëri-tjetrin dhe duke abuzuar me kompetencat e ushtrimit të detyrës, dyshohet se kishin krijuar një mekanizëm korruptiv me qëllim përfitimin edhe në vlera monetare, i cili ka mundësuar dhe sjellë si pasojë ndërtime të shumta të paligjshme ku përfshihen  objekte banimi, magazina, objekte biznesi etj, duke shmangur kështu zbatimin e legjislacionit në fushën urbanistike dhe sigurimit teknik të tyre.

    Hetimet kanë nisur me një procedim penal të datës 30 qershor 2019, kur prokuroria ka nisur verifikimet për shpërdorim detyre për Agim Osmanin dhe Gani Damën, ndihmësspecialistin në Policinë e Durrësit dhe një polic patrulle.

    (K.M. A.B. E.K. Dosja.al)

    Shto Koment