Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Në artikull thuhet se i gjithë ky zemërim ka shpërthyer në Shqipëri kundër shtetit mafioz dhe skandaleve në qeverinë e Ramës, ku ndër to përmendet edhe zv.kryeministrja Belinda Balluku.
TIRANË- Mediat ndërkombëtare vijojnë t'i bëjnë jehonë protestë kombëtare të Partisë Demokratrike. Gazeta e Madhe holandeze, DE TELEGRAAF ka raportuar tubimin e opozitës dhe kaosin që ndodhi në fund të protestës. Në artikull thuhet se i gjithë ky zemërim ka shpërthyer në Shqipëri kundër shtetit mafioz dhe skandaleve në qeverinë e Ramës.
Në artikull janë raportuar gjithashtu edhe incidentet e ndodhura gjatë protestës, ku u hodh molotov drejt kryeministrisë, u arrestuan katër protestues dhe shtatë të tjerë u vunë nën hetim, si dhe dy oficerë policie u plagosën. DE TELEGRAAF thekson se protesta e udhëhequr nga ish-kryeministri Sali Berisha, lideri i fortë i opozitës, po e mban Ramën prej muajsh nën presion maksimal. Më tej janë cituar edhe deklarata të Berishës, ku thotë se dhuna në rrugë nuk është rastësi, por pasojë e pashmangshme e një “shteti të kapur”.
Në fund të artikullit nënvizohet se Rama po sulmon ashpër SPAK-un, duke e akuzuar për abuzim me pushtetin dhe madje për arrestime pa proces. Sipas kryeministrit, institucioni është kthyer në një mekanizëm të pakontrolluar.
Artikulli i Plotë i DE TELEGRAAF:
Ajo që nisi si një protestë në dukje e rregullt kundër korrupsionit në majat e pushtetit, degjeneroi në kaos të plotë. Kokteje molotov fluturonin në ajër, sirenat ulërinin nëpër rrugë dhe re të dendura tymi të zi u ngritën mbi kompleksin qeveritar. Katër demonstrues u arrestuan, ndërsa shtatë të tjerë janë ende nën hetim. Dy policë u plagosën. Një protestues pësoi djegie të rënda, pasi i vuri aksidentalisht flakën vetes.
Skandal korrupsioni
Shkaku i shpërthimit të zemërimit rezulton të jetë një skandal i rëndë korrupsioni rreth zëvendëskryeministres dhe ministres së Infrastrukturës Belinda Balluku, një nga bashkëpunëtoret më të afërta të kryeministrit Rama dhe një nga gratë më të fuqishme të vendit.
Sipas prokurorëve të SPAK, njësisë speciale kundër korrupsionit, Balluku ka vepruar si nyja qendrore e një rrjeti, që përmes tenderëve të manipuluar, dyshohet se ka devijuar miliona euro para publike. Jo shuma të vogla, por projekte gjigante. Dyshimet prekin disa nga projektet infrastrukturore më të shtrenjta dhe më prestigjioze të Shqipërisë.
Në shënjestër janë Loti 4 i Unazës së Madhe të Tiranës dhe tuneli famëkeq i Llogarasë, një projekt “prestigji” me vlerë 190 milionë euro – një tunel që tashmë njihet më shumë për vonesat shumëvjeçare, kostot e fryra dhe procedura të mbuluara më shumë nga hija sesa nga transparenca.
Sipas SPAK, tenderët ishin ndërtuar në mënyrë të tillë që kompanitë e paracaktuara të fitonin gjithmonë. Konkurrentët ose pengoheshin aktivisht, ose nxirreshin jashtë loje. Afatet ndryshoheshin sipas dëshirës, dokumentet përshtateshin dhe rregullat rishkruheshin sa herë që i shërbente interesit politik. Balluku është shpallur zyrtarisht e dyshuar, është pezulluar nga detyra nga gjykata speciale kundër korrupsionit dhe i është ndaluar largimi nga vendi.
“Shtet mafioz”
Megjithatë, arrestim nuk ka. Dhe pikërisht kjo po ndez zemërimin në rrugë. Si deputete, Balluku gëzon imunitet parlamentar. Vetëm Kuvendi mund ta heqë atë mbrojtje dhe ky Kuvend kontrollohet fort nga Partia Socialiste e Ramës. Partia në pushtet refuzon çdo hap. Për demonstruesit, përfundimi është i qartë: për elitën vlejnë rregulla të tjera sesa për qytetarët e zakonshëm.
Zjarri u përhap edhe më shumë kur Gjykata Kushtetuese e riktheu përkohësisht Ballukun në detyrë, pavarësisht hetimit në vazhdim. Kritikët e quajnë këtë një goditje ndaj shtetit të së drejtës. Në rrjetet sociale, gjuha është edhe më e ashpër: flitet hapur për një “shtet mafioz” dhe për një “klikë politike që mbron vetëm veten”.
Ish-kryeministri në krye të protestave
Protestat udhëhiqen nga ish-kryeministri Sali Berisha, lideri i fortë i opozitës, i pranishëm në politikën shqiptare prej dekadash. Me Partinë Demokratike, ai po e mban Ramën prej muajsh nën presion maksimal. Sipas Berishës, dhuna në rrugë nuk është rastësi, por pasojë e pashmangshme e një “shteti të kapur”.
Edhe në Kuvend, tensionet kishin shpërthyer më herët. Javën e kaluar, një seancë parlamentare u kthye në kaos të plotë, kur deputetët e opozitës hodhën bomba tymuese dhe flakadanë në sallë. U shty e u godit, mikrofonat u shkulën nga vendi dhe shishe u hodhën drejt kryesuesit. Shkak ishte një votim për Avokatin e Popullit, që sipas opozitës ishte vendosur paraprakisht, pa u zhvilluar fare proces real votimi.
Berisha nuk e kursen Ramën: “Nuk ka dhunë më të madhe se plaçkitja sistematike e popullit shqiptar nga Edi Rama dhe ministrat e tij,".
Sipas tij, qeveria ka humbur çdo legjitimitet. Mesazhi i tij është i drejtpërdrejtë: “Ai duhet të largohet. Sot”.
Qeveria refuzon dorëheqjen
Kryeministri Rama e sheh ndryshe situatën. Dorëheqje? As që bëhet fjalë. Ai refuzon të tërhiqet, mban partinë të disiplinuar dhe bllokon çdo përpjekje për heqjen e imunitetit të Ballukut. Sipas Ramës, fillimisht duhet të shprehet Gjykata Kushtetuese, një vendim që pritet vetëm në janar.
Ndërkohë, ai sulmon ashpër SPAK-un, duke e akuzuar për abuzim me pushtetin dhe madje për arrestime pa proces. Sipas kryeministrit, institucioni është kthyer në një mekanizëm të pakontrolluar. Shefi i ri i SPAK, Klodian Braho, u paraqit së fundmi në Kryesinë e Kuvendit me një kërkesë të qartë: heqjen e imunitetit parlamentar të Belinda Ballukut.
Balluku, nga ana e saj, flet për gjysmë të vërteta dhe gënjeshtra dhe këmbëngul në pafajësinë e saj, duke premtuar bashkëpunim të plotë me hetimin. Por në rrugë mbizotëron cinizmi: besimi është shuar. Për shumë shqiptarë, kjo çështje është më shumë se një skandal individual. Ajo simbolizon gjithçka që nuk shkon: një elitë politike që pasurohet, fshihet pas imunitetit dhe ia faturon pa skrupuj koston popullit.
Protestës së opozitës i ka bërë jehonë edhe gazeta franceze Le Figaro, e cila e nis artikullin, duke shkruar se shpërthen protesta kundër korrupsionit në Shqipëri dhe hidhen kokteje molotovi. Përveç raportimeve për zhvillimin e protestës, Le Figaro shkruan ndër të tjera se demonstruesit po kërkojnë dorëheqjen e qeverisë pasi prokurorët ngritën padi ndaj zëvendëskryeministres Belinda Balluku për akuza të dyshuara për korrupsion. Në artikull shkruhet se, Balluku akuzohet, së bashku me disa zyrtarë dhe kompani private, për përdorimin e fondeve publike për të favorizuar kompani të caktuara në projekte të mëdha infrastrukturore.
Artikulli i Plotë i Le Figaro:
Protestuesit në Tiranë hodhën kokteje Molotov në ndërtesën qeveritare ku ndodhet zyra e kryeministrit Edi Rama të hënën. Demonstruesit po kërkojnë dorëheqjen e qeverisë pasi prokurorët ngritën padi ndaj zëvendëskryeministres Belinda Balluku për akuza të dyshuara për korrupsion. Ndërsa protestuesit hodhën kokteje Molotovi, policia mbrojti ndërtesën e qeverisë, por nuk i shtyu demonstruesit.
"Mjaft kemi duruar, sepse kjo përfshin dhjetëra, madje qindra miliona euro të vjedhura, dhe Belinda Balluku refuzon të japë dorëheqjen. Është skandaloze", tha protestuesi Arben Sulo.
Balluku i përshkroi ato si shpifje, insinuata, gjysmë të vërteta dhe gënjeshtra.
Zëvendëskryeministrja Belinda Balluku akuzohet, së bashku me disa zyrtarë dhe kompani private, për përdorimin e fondeve publike për të favorizuar kompani të caktuara në projekte të mëdha infrastrukturore. Ajo i përshkroi akuzat e bëra në Parlament muajin e kaluar si shpifje, aludime, gjysmë të vërteta dhe gënjeshtra dhe tha se do të bashkëpunonte plotësisht me gjyqësorin.
Edhe gazeta belge, BRUSSELS SIGNAL ka raportuar për protestën e opozitës. Në fillim të artikullit, BRUSSELS SIGNAL shkruan se mijëra demonstrues dolën në rrugët e kryeqytetit të Shqipërisë më 22 dhjetor 2025, duke hedhur bomba molotov drejt godinës qeveritare ku ndodhet zyra e kryeministrit Edi Rama.
Në artikull shkruhet se protestat e organizuara nga opozita kërkuan dorëheqjen e menjëhershme të Ramës dhe qeverisë së tij, duke nxjerrë në pah frustrimet e thella për qeverisjen dhe mungesën e llogaridhënies në vend.
Artikulli i Plotë i BRUSSELS SIGNAL:
Mijëra demonstrues dolën në rrugët e kryeqytetit të Shqipërisë më 22 dhjetor 2025, duke hedhur bomba molotov drejt godinës qeveritare ku ndodhet zyra e kryeministrit Edi Rama, në një përshkallëzim dramatik të zemërimit publik lidhur me akuzat për korrupsion ndaj një anëtareje të lartë të kabinetit.
Protestat, të organizuara nga partia kryesore opozitare e qendrës së djathtë, Partia Demokratike, kërkuan dorëheqjen e menjëhershme të Ramës dhe qeverisë së tij, duke nxjerrë në pah frustrimet e thella për qeverisjen dhe mungesën e llogaridhënies në vend.
Shkëndija e trazirave ishte padia penale ndaj zëvendëskryeministres Belinda Balluku, e cila mban gjithashtu postin e ministres së Infrastrukturës dhe Energjisë, nga Prokuroria e Posaçme Kundër Korrupsionit dhe Krimit të Organizuar (SPAK). Prokurorët e akuzojnë Ballukun për ndërhyrje në prokurime publike dhe keqpërdorim të fondeve shtetërore për të favorizuar kompani të caktuara në projekte madhore infrastrukturore, përfshirë rrugë, ura dhe tunele me vlerë qindra miliona euro.
SPAK ka kërkuar që Parlamenti t’i heqë imunitetin Ballukut për të mundësuar arrestimin e saj të mundshëm, megjithëse ende nuk është caktuar asnjë votim. Balluku i ka mohuar fuqishëm akuzat, duke i quajtur ato “shpifje, insinuata, gjysmë-të-vërteta dhe gënjeshtra” gjatë një fjalimi në Kuvend muajin e kaluar, dhe ka premtuar bashkëpunim të plotë me drejtësinë.
Protestuesit u mblodhën të hënën para Kryeministrisë në qendër të Tiranës, duke brohoritur slogane si “Rama Ik!” dhe duke shprehur zemërim për atë që e konsiderojnë korrupsion sistemik. Një protestues, Arben Sulo, u citua nga Reuters të ketë thënë: “Na ka ardhur në majë të hundës, sepse bëhet fjalë për dhjetëra e qindra miliona euro të vjedhura dhe ajo nuk jep dorëheqjen. Kjo është e turpshme.”
Përplasjet sollën të paktën një të plagosur, një mbështetës i opozitës i goditur nga një koktej molotov, ndërsa policia e pajisur për trazira formoi një kordon për të mbrojtur godinën, por nuk ndërhyri për të shpërndarë turmën. Liderët e opozitës i kanë cilësuar protestat si fillimin e një fushate më të gjerë. Deputeti i Partisë Demokratike, Belind Këlliçi, iu drejtua turmës duke deklaruar: “Ky është vetëm fillimi”, dhe u zotua se protestat do të vazhdojnë derisa kërkesat të përmbushen.
Gjatë fundjavës së mëparshme u mbajtën edhe protesta më të vogla nga grupe të tjera opozitare, duke shtuar presionin për llogaridhënie. Kryeministri Rama, Partia Socialiste e të cilit ka shumicën parlamentare, ka kritikuar akuzat ndaj Ballukut dhe nuk ka treguar gatishmëri për të lehtësuar kërkesën e SPAK-ut.
Qeveria po pret një vendim të Gjykatës Kushtetuese në janar lidhur me pezullimin e mundshëm të Ballukut nga detyra, çka mund të vonojë çdo votim për imunitetin. Ky qëndrim ka ushqyer më tej akuzat se qeveria po mbron aleatët nga drejtësia. Skandali shkon përtej Ballukut: SPAK ka kryer kontrolle edhe në Agjencinë Kombëtare të Shoqërisë së Informacionit (AKSHI), e cila menaxhon sistemet e qeverisjes digjitale në Shqipëri.
Drejtoresha e AKSHI-t, Mirlinda Karçanaj, dhe zëvendësja e saj, Hava Delibashi, janë vendosur në arrest shtëpie, në kuadër të hetimeve për manipulim tenderash. Këto zhvillime ndodhin në një kontekst përpjekjesh të vazhdueshme kundër korrupsionit në Shqipëri, ku SPAK ka shtuar goditjet ndaj figurave të nivelit të lartë, nën presionin e Bashkimit Evropian për reforma në drejtësi.
Megjithatë, kritikët argumentojnë se ndërhyrja politike vazhdon, ndërsa opozita akuzon qeverinë Rama për “kapje të shtetit” përmes klientelizmit në kontratat publike. Ngjarjet zhvillohen në sfondin e rrugëtimit të përshpejtuar të Shqipërisë drejt anëtarësimit në BE, ku vendi konsiderohet një nga favoritët mes kandidatëve të Ballkanit Perëndimor.
Në një përparim të jashtëzakonshëm gjatë vitit 2025, Shqipëria hapi të gjashtë grup-kapitujt e negociatave, përfshirë edhe të fundit për burimet, bujqësinë dhe kohezionin në nëntor, duke përfunduar fazën e hapjes për pak më shumë se një vit një ritëm që Komisionerja për Zgjerimin, Marta Kos, e cilësoi si të paprecedentë.
Paketa e zgjerimit të Komisionit Evropian për vitin 2025 theksoi përparimin në reformat në drejtësi dhe në luftën kundër krimit të organizuar dhe korrupsionit, të nxitura nga puna e SPAK-ut, duke konfirmuar se Shqipëria mbetet në rrugën e duhur për të përfunduar negociatat e anëtarësimit deri në 2027 dhe për t’u bërë anëtare e BE-së potencialisht deri në 2030./Dosja.al
foto nga protesta TIRANË- Protesta e zhvilluar ditën e djeshme në sheshin përballë kryeministrisë nga opozita, po diskut...
TIRANË- Gerond Meçe, në dëshminë e tij dhënë prokurorëve ka zbardhur me detaje se çfarë ndodhi në 5...
foto ilustruese TIRANË- Në dosjen hetimore të AKSHI-t, Ergys Agasi dhe biznesmeni Ermal Beqiri, në kërkim nga SPAK, akuzohen p&eu...
TIRANË- Emisioni “Në Shënjestër” publikoi këtë të martë detaje nga dosja hetimore e AKSHI-t, ku flitet dhe...
Saimir Korreshi LUSHNJE- Këshilli Bashkiak i Lushnjës votoi heqjen e titullit “Qytetar Nderi” për Gjergj Velon, me 23...
Shpend Ahmeti KOSOVË- Prokuroria Speciale ka njoftuar se ka ngritur aktakuzë ndaj ish-kryetarit të Komunës së Prishtinës, Shp...
Tedi Blushi TIRANË- Sekretari i Përgjithshëm i Partisë së Lirisë, Tedi Blushi duke falenderuar të gjithë qytetar&eu...
pamje nga protesta TIRANË- Gazeta më e madhe Europiane, POLITICO i ka bërë jehonë protestës së opozitës e...
DIBËR- Ministri i Bujqësisë dhe i Zhvillimit Rural, Andis Salla , ka shpërndarë një video në rrjetin e tij në Fac...
Agim Ismaili TIRANË- Ish-kreu i Burgjeve Agim Ismaili është paraqitur sërish në SPAK ditën e sotme. Ismaili rreth 1...
