Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Në nisje të deklaratës Beqaj tha se do të paraqiste qëndrimet e tij dhe reflektimin e asaj që ka mundur të ndjekë në këto muaj të seancave të hapura të punës së këtij Komisioni.
TIRANA- Ish-ministri i Shëndetësisë Ilir Beqaj është thirrur sot për të dëshmuar në Komisionin Hetimor të Shëndetësisë në Kuvend lidhur me 2 koncesionet, atë të sterilizimit dhe të check up-it. Në nisje të deklaratës Beqaj tha se do të paraqiste qëndrimet e tij dhe reflektimin e asaj që ka mundur të ndjekë në këto muaj të seancave të hapura të punës së këtij Komisioni.
Po ashtu Beqaj tha se objekti i hetimit të këtij Komisioni, nuk është i panjohur për debatin parlamentar. Ai shtoi se koncensionet në fjalë kanë qenë dhe janë objekt hetimesh penale. Po ashtu Beqaj tha se gjatë detyrës si minishtër Shëndetësie është përpjekur ta kryej këtë të fundit me përkushtim dhe përgjegjësi politike, institucionale dhe qytetare. Ai tha se është i bindur se nuk e ka nëpërkëmbur betimin që ka bërë me dorën mbi Kushtetutë.
Beqaj tha se për qeverisjen e koalicionit “Për një Shqipëri Europiane” në shtator 2013, koncesionet nuk ishin qëllim në vetvehte, por një instrument në atë kontekst politik, ekonomik dhe institucional të asaj kohe.
"Ligji i koncesioneve është miratuar në prill 2013, me propozim të qeverisë së Partisë Demokratike. VKM në zbatim të këtij ligji është miratuar në korrik 2013, kur ende ishte në qeveri Partia Demokratike. Direktiva e BE-së për koncesionet është miratuar në shkurt 2014.
Prandaj mendoj se edhe hetimi i aktivitetit të një ministri apo një kontrate koncesionare duhet bërë duke marrë në konsideratë kontekstin e kohës. Në 42 muaj që kam qënë me detyrën e Ministrit të Shëndetësisë kanë ndodhur përmirësime rrënjësore që nuk mund t’i mohojë askush. Po sjell para jush vetëm 3 prej tyre:
· uljen e çmimit të barnave
· themelimin e shërbimit kombëtar të urgjencës mjekësore
· kontrollin e duhanpirjes në mjediset publike", tha Beqaj ndër të tjera.
Pjesë nga deklarata e Ilir Beqajt:
Të nderuar Zonja dhe Zotërinj deputetë!
Më lejoni t’ju falenderoj për ftesën për të dëshmuar në këtë Komision, por më së pari dua të falenderoj nismëtarët e ngritjes së këtij Komisioni, edhe pse këta të fundit kanë qëllime të ndryshme nga të miat.
Me këtë deklaratë paraprake do të paraqes qëndrimet e mia edhe në reflektim të asaj që kam mundur të ndjek në këto muaj të seancave të hapura të punës së këtij Komisioni.
Objekti i hetimit të këtij Komisioni, në fakt, nuk është i panjohur për debatin parlamentar. Në Shqipëri, çështjet e përmirësimit te shërbimit kirurgjikal mund t’i gjeni në:
· diskutimet në Komisionin e Shëndetësisë për projekt buxhetin e vitit 2014 (dhjetor 2013)
· diskutimet në Komisionin e Ekonomisë për amendimet e ligjit 125/2013 (korrik 2014)
· Diskutimet në Komisionin e Shëndetësisë për projekt buxhetin e vitit 2015 (nëntor 2014)
Ndërsa për kontrollin mjekësor bazë, mund t’i gjeni në:
· mbledhjen e Komisionit të Shëndetësisë për amendimet e ligjit të sigurimit të detyrueshëm të kujdesit shëndetësor (dhjetor 2013)
· diskutimet e Komisionit të Shëndetësisë edhe në prezencën e drejtores së OBSH-së për Europën, znj. Susane Jacab (qershor 2016)
Do t’i sugjeroja Komisionit të administronte edhe procesverbalet e mbledhjeve të sipërcituara të komisioneve parlamentare.
Këto koncesione dihet tashmë botërisht që kanë qenë dhe janë objekt hetimesh penale.
Koncesioni i kontrollit mjekësor bazë është hetuar në vitin 2016 nga Prokuroria e Tiranës. Kjo çështje është pushuar. Është hetuar në vitin 2017 nga Prokuroria e Krimeve të Rënda dhe është pushuar.
Ndërkohë prej janar 2020 po hetohet nga SPAK.
Koncesioni i furnizimit me instrumenta kirurgjikalë është hetuar nga Prokuroria e Tiranës në vitin 2016. Kjo çështje është pushuar.
Prej janarit 2020 hetohet nga SPAK dhe tashmë ka një akuzë penale edhe ndaj meje.
Unë kam kryer detyrën e Ministrit të Shëndetësisë për 42 muaj. Është detyra më e lartë që kam kryer në jetën time. I jam mirënjohës zgjedhësve, Partisë Socialiste dhe kryetarit të saj z. Edi Rama. Jam përpjekur ta kryej këtë detyrë me përkushtim dhe përgjegjësi politike, institucionale dhe qytetare. Jam i bindur se nuk e kam nëpërkëmbur asnjë fije betimin që kam bërë me dorën mbi Kushtetutë.
Detyra e Ministrit të Shëndetësisë, sidomos në Shqipëri, është impenjuese dhe sfiduese. Nuk kam përfituar asgjë të padrejtë gajtë ushtrimit të detyrës në asnjë lloj forme dhe nuk i kam borxh askujt.
Në këtë dëshmi do të doja të mos isha vetëm. Do të doja të isha me mjekë. E pranoj publikisht se nuk kam patur marrëdhënie mjalti me ata. Por e deklaroj me bindje të plotë se secili prej 1700 mjekëve të familjes kanë vlerësim pozitiv për kontrollin mjekësor bazë dhe secili prej 450 kirurgëve të spitaleve publike të Shqipërisë kanë vlerësim pozitiv për revolucionin e sjellë në kirurgjinë shqiptare nga kontrata e koncesionit, objekt hetimi i këtij Komisioni parlamentar.
Nuk jam këtu për të mbrojtur koncesionet, edhe pse jam pikturuar si “koncesionisti i Shqipërisë”. Unë kam iniciuar studimin për disa kontrata koncesionare dhe kam nënshkruar tre prej tyre. Regjistri elektronik i koncesioneve aktualisht përmban 224 kontrata koncesionare.
Për qeverisjen e koalicionit “Për një Shqipëri Europiane” në shtator 2013, koncesionet nuk ishin qëllim në vetvehte, por një instrument në atë kontekst politik, ekonomik dhe institucional të asaj kohe.
Ligji i koncesioneve është miratuar në prill 2013, me propozim të qeverisë së Partisë Demokratike. VKM në zbatim të këtij ligji është miratuar në korrik 2013, kur ende ishte në qeveri Partia Demokratike.
Direktiva e BE-së për koncesionet është miratuar në shkurt 2014.
Prandaj mendoj se edhe hetimi i aktivitetit të një ministri apo një kontrate koncesionare duhet bërë duke marrë në konsideratë kontekstin e kohës.
Në 42 muaj që kam qënë me detyrën e Ministrit të Shëndetësisë kanë ndodhur përmirësime rrënjësore që nuk mund t’i mohojë askush. Po sjell para jush vetëm 3 prej tyre:
· uljen e çmimit të barnave
· themelimin e shërbimit kombëtar të urgjencës mjekësore
· kontrollin e duhanpirjes në mjediset publike.
alfred peza TIRANË -Alfred Peza ka dhënë dorëheqjen nga posti si drejtor i Radio Televizionit Shqiptar. Dosja.al, mëson se dor&eum...
evis berberi TIRANË- Drejtori i Autoritetit Rrugor Shqiptar, Evis Berberi ka dhënë dorëheqjen nga detyra e tij. Sipas rapor...
mark frroku DURRËS- Masa "arrest me burg në mungesë" është dhënë për Besnik Tomën, truprojën e Mark Frrok...
Samya Gill SHBA- Një modele 22-vjeçare shtatzënë e cila u qëllua nga dy burra të armatosur javën e kaluar teksa ishte ...
FOTO- Shpërndante kokainë dhe kanabis nëpër festa në Dhërmi, ky është 27-vjeçari Xhoi Bare...
Altin Morina TIRANË- Dosja.al ka mësuar një historik të shkurtër të karrierës së Altin Morinës, efektivit t&eu...
Foto ilustruese TIRANË- 4 prill 2022, 3 ditë pasi u njoh me argumentet e plota të gjyqtarit Agron Zhukri, që më 25 mars i dorë...
Protesta nga Kolektivi Feminist TIRANË- Tre gra u vranë dhe 3 të tjera u plagosën ditën e djeshme në Paksuqan të Tiran&e...
Edi Rama dhe Saimir Tahiri TIRANË- 1 nëntor 2018; Saimir Tahiri kërkoi që të bënte takimin e parë me mediat për t&e...
Petro Koçi Petro Koçi: Shumica e PS mbështet profilin e Berishës, por protesta është në ditën e gabuar. Nd...
