Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Shkolla nis pa asnjë kufizim pasi mësuesit nuk janë të detyruar të vaksinohen, por shumë fëmijëve të tjerë u është kufizuar e drejta më themelore, ajo e të qenit fëmijë.
TIRANË- 12 shtatori, dita e parë e shkollës solli trafik në rrugët kryesore të qyteteve, por jo në bankat e shkollës. Këtë vitën nisën rrugën e dijes 450 mijë nxënës, shumë më pak nga një vit më parë që u regjistruan në arsimin zyrtar 577 mijë e 869 nxënës, gjithashtu me një ulje prej 2% krahasuar me vitin shkollor 2020-2021. Vetëm 29 mijë ishte numri i nxënësve që nisën klasat e para, 4% më i ulët se një vit më parë.
Në këtë vit do të përfshihet në kurrikulat shkollore lënda e Teknologjisë së Informaçionit e Komunikimit në klasat e para, abetarja e re që është e unifikuar me Kosovën, si dhe hapja e shkollës së mesme për nxënësit e Institutit të Fëmijëve me aftësi të kufizuar në dëgjim. Problematikat e përvitshme nisën të shfaqeshin që në ditën e parë të shkollës, pasi në Elbasan dhe Lushnje mësimi do të jetë me turne. Në Fier disa shkolla janë jashtë funksionit ndërsa në Shkodër e në Dibër ka shumë nxënës.
Shkolla nis pa asnjë kufizim pasi mësuesit nuk janë të detyruar të vaksinohen, por shumë fëmijëve të tjerë u është kufizuar e drejta më themelore, ajo e të qenit fëmijë.
Fëmijët që punojnë për të blerë çantën e shkollës
Kevin Qoku është vetëm 11 vjeç dhe muajt që shokët e tij i kanë kaluar duke u rrezitur në plazh, ka sakrifikuar për të punuar sadopak për të siguruar para për librat e shkollës dhe familjen e tij. Kevini është një nga djemtë e shumtë që mund të keni hasur gjatë sezonit veror në çepat e rrugëve të Tiranës duke shitur lule e duke dhënë shembullin e sakrifiçës për të arritur qëllimet në jetë.
Enisi i vogël është një 9-vjeçar që shet lule në rrugët e kryeqytetit që të blejnë çantën për në shkollë. Këtë vit Enisi filloi klasën e 3-të dhe për të qenë gati me çdo mjet që duhet për mësimin, ai është rritur para kohe dhe i ka siguruar vetë të ardhurat nëpërmjet punës gjatë gjithë verës si luleshitës. Kjo pasi familja e tij prej 6 anëtarësh nuk ia mundëson dot. Familja Visha jeton me qira, pasi shtëpia ku jetonin u prish nga tërmeti. Për pasojë, që prindërve të mos iu bëhet barrë, Enisi ka dalë çdo ditë nga ora 8 e mëngjesit deri në orën 14:00 për të shitur lule në rrugët e Tiranës. Më pas shkon në shtëpi për tu kthyer në orën 17:00 bashkë me të atin për të njëjtën arsye.
“Këtë punë e bëj çdo ditë nga ora 8 e mëngjesit deri në orën 14:00, pastaj nga ora 17:00 deri në darkë dal bashkë me babin. Unë shes lule, ai perime të stinës që i mbledhim në fshat. Deri më tani kam shitur tre buqeta kam dhe një pa shitur. Shumë njerëz më thonë se lulet i hanë gomerët dhe nuk m’i marrin, por unë përsëri i shes. Në gjithë sezonin e verës unë kam shitur lule sepse jemi shumë veta në familje dhe kam dëshirë të ndihmoj babin që të ikim në shkollë. Unë shkollën nuk do ta lë, por edhe punën do ta bëj. Në mëngjes do iki në shkollë do bëj detyrat në shtëpi dhe mbasdite do të dal përsëri me babin. Unë nuk lyp, dua të punoj,” pohon Enisi.
I ati i Enisit, Shefqet Visha pohon se halli e ka sjellë në këtë gjendje. I vjen keq që djali i tij duhet të rritet para kohe dhe të punojë, por është e pamundur të mbajë familjen me ato pak të ardhura që ka.
“Kam 4 fëmijë njërin e kam të sëmurë me paralizë, trajtohem me një ndihmë ekonimike, por për 6 anëtarë nuk mjaftojnë,”- shprehet ai.
Ornela, 8 vjeçe është një nga tre fëmijët e familjes që jeton në Krrabë të Tiranës e që detyrohen të mbledhin manaferra gjithë verës për të blerë mjetet e reja shkollore. Me zërin që i dridhet për të mbajtur lotët, 9-vjeçarja tregoi për mikrofonin e “Fiks Fare” dhe gazetaren Jonida Mukja se bashkë me të ëmën del çdo ditë nga shtëpia në orën 06:00 të mëngjesit e deri në mesditë mbledhin manaferra. Më pas, manaferrat i shesin në treg që të arrijnë të sigurojnë para për të blerë mjete shkollore për të vegjlit. Ëndrra më e madhe e Ornelës është që të shkojë në shkollë si të gjitha shoqet e saj dhe ta ketë të atin në krah, i çili ka probleme të shëndetit mendor.
Lulzimja 12 vjeçe, Ornela 9 vjeç dhe Arbri 6 vjeç janë tre fëmijët që bashkë me nënën e tyre Majlindën çdo ditë dalin në kodrinat përreth shtëpisë së tyre për të grumbulluar manaferra. Babai i tyre ka probleme me shëndetin mendor, madje bëhet dhe agresiv ndaj barra e familjes i ka rënë bashkëshortes së tij Majlindës.
Këto janë historitë e tre fëmijëve, por s’janë të vetmit që në pikun e të nxehtit nuk janë duke konsumuar pije freskuese, por mbledhin lule, manaferra, fruta apo ççfarëdolloj gjëje tjetër që do tu mundësojë librat e rrobat e para të shkollës.
Sanksionet për ‘rebelët’
Rënia e numrit të nxënësve në shkolla, mësimi me turne e problematika të tjera që vijojnë të ekzistojnë pavarësisht ristrukturimit të disa godinave, siç duket kanë rënë dhe në veshin e kryeministrit Edi Rama, i cili mbajti për dy ditë rresht Kongresin e Arsimit. Por, para se të ngjitej në podiumin ku u mbajt Kongresi, teksa ripërsëriste unifikimin e Abetares me ministren e Arsimit Evis Kushi, kryesoçialsiti vendosi të ‘vuloste’ sanksione për të vegjlit.
Librat jepen falas për të gjithë nxënësit nga klasa e parë deri në të pestën, me kushtin që në fund të vitit shkollor t’i kthejnë të padëmtuar, por tashmë Rama ka vendosur t’i lërë me ‘numër’. Ai u shpreh qartë se çdo nxënës që do të dëmtonte librat, nuk do t’i përfitojë më falas ato.
“Libri duhet të jetojë edhe përtej kohës që të duhet ty për ta mësuar. Është e rëndësishme që këtë gjë ta shpjegojnë dhe mësuesit për fëmijët dhe mësuesit, dhe mbase duhet përçaktuar një rregull se ata që librat i dorëzojnë në gjendje që nuk mund të përdoren më, në vitin tjetër t’i blejnë librat, mos t’i marrin më falas. Nuk bëhet fjalë për shumiçën, ata bëjnë gjënë e duhur, por për atë pakiçë që nuk e bënë këtë duhet të ketë dhe një sanksion,”- tha Rama.
Sigurisht që ky sanksion do të rëndojë xhepat e prindërve e nëse rastis që librat të grisen nga fëmijë që i zë nata duke mbledhur manaferra, një gjë është e sigurtë, vitin tjetër numri i të vegjëlve që do të punojnë për ata libra, do të dyfishohet.
Kongresi i Arsimit
Ditën e parë ishte dhe vetë kryeministri Rama për t’i dhënë rëndësi Kongresit të Arsimit me temë ‘Sfidat e arsimit çilësor dhe gjithëpërfshirës drejt integrimit europian’.
“Arsimi është arma më e fortë e përparimit të kombit,”- u shpreh Rama duke shtuar se gjuha shqipe është e rrezikuar dhe ka kërçënim më të madh se asnjëherë më parë. Kryeministri u shpreh se në çdo nivel arsimor mbrojtja me provim e gjuhës shqipe duhet të bëhet njësoj si anglishtja. Futja e abetares së unifikuar, sipas kryeministrit Edi Rama është një hap shumë i rëndësishëm, por shtoi se arti dhe zejet duhet të futen si program në shkollë.
Nuk la pa përmendur si pjesë të prioriteteve edhe vullnetarzimin duke thënë se duhet të njihen orët e vullnetarizmit si një çilësi e veçantë kur të rinjve i jepet e drejtë studimi apo pune.
Në ditën e parë të kongresit u diskutua për Ndërkombëtarizimin e Arsimit dhe Sfidat e të Ardhmes, Ndërkombëtarizimin e universiteteve dhe pjesëmarrjen në programet Horizon Europe dhe Erasmus Plus, Kërkimin Shkençor dhe Inovaçionin, si dhe për Sigurimin e Çilësisë në Arsimin e Lartë, Digjitalizimi në Arsimin e Lartë, sfidë dhe mundësi për Instituçionet e Arsimit të Lartë, ndërsa dita e dytë kaloi në heshtje. E pranishme ishte vetëm ministrja Evis Kushi e çila e vuri theksin në temën e nevojës emergjente për ruajtjen e gjuhës shqipe.
Ndërsa sot kryeministrit Rama ia ‘mori mendjen’ ardhja e homologut nga Kosova, Albin Kurti, i cili mbërriti me urgjencë në Tiranë për të zhvilluar një takim me të. Sigurisht që tema mes tyre ka qenë më largpamëse se dita e parë e shkollës për të vegjlit e Shqipërisë, por ku mbetën reformat e arsimit?
A janë në gjimnazet që tashmë kanë marrë titullin ‘hotele me 5 yje’ nga kryebashkiaku Erion Veliaj?
A janë në gomonet që po marrin fëmijët shqiptarë për t’i degdisur rrugëve të Londrës, në malet e Greqisë?
Në shtëpitë e barit në Spanjë?
Ajo që dihet është se fëmijët nuk do të kenë më frikë të shkojnë në shkolla nëse do tu hiqet ndëshkimi me vizore për herët që nuk e kuptuan mësuesen e tyre, ndërsa kur kryeministri të ‘tërheqë’ sanksionet për zhgarravinat, nuk do të kenë frikë ta prekin e librin e s’do t’i trembë edukimi.
Spitali "Ihsan Çabej" LUSHNJE- Gjykata e Lartë ka vendosur që spitali i Lushnjes të dëmshpërblejë me 42 mln lekë ...
Foto ilustruese TIRANË- Detaje të reja janë zbuluar në lidhje me sulmin kibernetik që ka pësuar Shqipëria, e cila blloko...
Lea Ypi TIRANË- Revista mujore britanike “Prospect” publikoi të enjten e 8 shtatorit listën përfundimtare ...
Meledin Adili KUKËS- Ende vijojnë kërkimet për gjetjen e 27-vjeçarit, Meledin Adili i cili humbi gjurmët 10 ditë m&eum...
Foto ilustruese TIRANË- Ambasada e Shteteve të Bashkuara të Amerikës në Tiranë ka dalë me një njoftim urgjent p&eum...
TIRANË- 138 qytetarë kanë rezultuar pozitiv me COVID-19 nga 950 testime të kryera brenda 24 orëve të fundit nga ana e Ministris&...
KORÇË- Një aksident ka ndodhur pasditen e sotme në fshatin Zëmblak të Korçës. Mësohet se një zetor ...
Artan Hoxha KUITO- Gazetari investigativ Artan Hoxha vazhdon turin e tij në vendet e Amerikës Latine. Sot, ka postuar foto dhe ka bërë...
Pamje nga takimi TIRANË- Drejtori i ri i Përgjithshëm i Policisë së Shtetit, Muhamet Rrumbullaku vazhdon takimet me vartë...
Foto ilustruese GREQI- Dy shqiptarë, një pakistanez dhe një tunizian u arrestuan në Athinë me akuzën e trafikut të l&eum...
