Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Ndër problematikat që rënditen janë emërimet që kryhen në këtë institucion ndërsa theksoet se ato kryhen pa konkurim duke shkelur ligjin dhe rregulloren e gardës. Sipas tyre punësohen persona të cilët nuk kanë asnjë lloj trajnimi dhe më pas emërohen në poste të rëndësishme.
TIRANË- Efektivët e Gardës së Republikës i kanë drejtuar një letër kryeministrit, Edi Rama dhe ministrit të Brendshëm, Ervin Hoxha. Në këtë letër të siguruar nga Dosja.al, ata shprehin shqetësimet dhe problematikat në lidhje me drejtimin e këtij institucioni nga Ermal Onuzi. Në këtë letër dalin në pa skandalet dhe sesi kryhen emërimet pa kriter dhe mungesa e profesionalizmit.
Ndër problematikat që renditen janë emërimet që kryhen në këtë institucion ndërsa theksohet se ato kryhen pa konkurim duke shkelur ligjin dhe rregulloren e gardës. Sipas tyre punësohen persona të cilët nuk kanë asnjë lloj trajnimi dhe më pas emërohen në poste të rëndësishme.
Efektivët e gardës shprehen se për të marrë këto poste janë dy kritere. Sipas tyre për të marrë poste të rëndësishme duhet të jesh ish ushtarak i FA ose të jesh nga Kuksi ose Dibra. Në letër theksohet se Garda është tani vendi ku konsumohet masivisht alkool nëpër zyra. Gjatë këtyre takimeve me gotat e alkoolit përpara bëhen emërimet. Ata kanë dhënë emra konkretë duke filluar nga Drejtori i Përgjithshëm te drejtori i DPK dhe DSPLSH.
Në letër po ashtu zbulohet një tjetër skandal, ku kreu i Gardës dhe drejtorët e tij rreshtojnë efektivët në një lokal në Shkodër dhe më pas gajasen duke i thënë njëri-tjetrit se edhe duke pirë e vënë në rresht Gardën. Ata kanë theksuar se nga kjo situatë ku ndodhet Garda po shkatërrohet karriera e dhjetra gardistëve të cilët po zëvendësohen me ish ushtarakë dhe miq të drejtorit.
Pjesë nga letra:
Drejtori i përgjithshëm është me nivel intelektual për të ardhur keq. Po rradhisim disa shqetësime:
1. Nuk respektohet puna disa vjeçare e gardistëve dhe përvoja jonë nuk merret fare në konsideratë.
Pranimet dhe emërimet po bëhen pa konkurim, duke shkelur hapur dhe në mënyrë brutale ligjin dhe rregulloren e gardës. Merren punonjës pa asnjë lloj trajnimi dhe emërohen në funksione shumë të rëndësishme dhe me impakt në sigurinë e personaliteteve dhe objekteve.
Vetëm dy kritere duhen, të jesh ish ushtarak i FA ose të jesh nga Kuksi ose Dibra.
Të emëruarit pa meritë shfaqin hapur harbutërinë duke nëpërkëmbur qindra gardistë të ndershëm e që kanë sakrifikuar për gardën. Meraku i vetëm i tyre është të marrin dieta dhe të kapardisen në makina se "ju ka ardhur dita". Shikoni sa drejtorë dhe shefa shkojnë në shërbimet jashtë Tiranës, apo jashtë shtetit.
2. Janë lëvizur nga detyra disa punonjës pa asnjë motiv dhe vendi mbahet bosh derisa ata të shkojnë të takojnë Drejtorin e përgjithshëm dhe rikthehen te vendi ku ishin po qe se "kanë sjellje të mirë" (vendi mbahet bosh disa ditë).
3. Me keq ardhje ju themi se Garda është tani vendi ku konsumohet masivisht alkool nëpër zyra dhe me gotat përpara bëhet politika e emërimeve. Duke filluar nga Drejtori i Përgjithshëm dhe beniaminët e tij (Drejtori i DPK dhe Drejtori i DSPLSH).
Realisht Gardën e drejton një pijanec ordiner si L.H që është shoku i drejtorit, i cili mbasi pi sa nuk kontrollon veten, del para efektivit me pantallona të lagura dhe thotë, "ligjin tani e bëj unë”. Po ju pyesim: Ky është vizioni për Gardën?
4. Verifikoni ju lutemi rastin e rreshtimit të gardës me një telefonatë nga një lokal në Shkodër ku drejtori me drejtorucët e tij qeshnin që edhe duke pirë e venë në rresht garden!!!!!!
Kujdes, po shkatërrohet karriera e dhjetra gardistëve dhe po zëvendësohen me ish ushtarak, miq të drejtorit, të liruar apo në prag lirimi nga FA, kryesisht për mos përparim në gradë!
Konkretisht duhet verifikuar:
1. Me çfarë konkursi u zgjodh një ish punonjës i FA, në funksionin më të rëndësishëm të menaxhimit operacional të Gardës (A.Sopiqoti), i cili meritën e vetme që i njeh vetes është (siç shprehet ai), "kam shok Vinin"(Ministrin Ervin Hoxha)? Në këtë funksion gjithnjë ka qenë një oficer me përvojë disavjeçare në gardë.
Në rastin e këtij punonjësi duhet verifikuar edhe e shkuara (ka qenë i hetuar në ushtri për ngacmim seksual). 1 muaj mbas emërimit këtij “Majori” Drejtorit të DSPLSH, ju jepet grada "Drejtues i lartë", duke kapërcyer 3 grada.
Ju sigurojmë se çdo punonjës i gardës me gradën Kryekomisar do ta bënte shumë më mirë detyren sesa një Major i pompuar që deklaron nëpër tavolina ku pihet alkol pa fre, se është miku i ministrit aktual dhe shoku i drejtorit të përgjithshëm, dhe se ju paska ardhur dita ta bëjnë gardën si duan ata.
2. Si mund të shkelet kaq hapur ligji dhe parimi i hierarkisë dhe të jepet grada madhore "Drejtues i lartë" një punonjësi me gradë ushtarake "Major" dhe një tjetri me gradë "Drejtues" në gardë?
Dhënia e gradës "Drejtues i lartë" dy punonjësve është në kundërshtim me ligjin 33/2021 "Për Gardën e Republikës së Shqipërisë" dhe shkel parimin bazë të tij, herarkinë por ka edhe dëm financiar pasi "drejtuesi i lartë" ka pagën për gradë 160 000 lek, ndërsa Kryekomisari (grada që duhet të merrte Drejtori i DPK) e ka pagën 105 000 lek, pra një diferencë prej 55 000 lek në muaj.
3. Si u përzgjodh nga jashtë juristi i Gardës dhe ju dha grada Nënkomisar? Nqse do shpallej vendi i lirë, shumë gardistë mund të konkuronin sepse e kanë arsimin juridik.
4. Si u përzgjodh nga jashtë Gardës, Drejtori i Shërbimeve Mbështetëse. Pse nuk kishte konkurrim?
5. Si u pranua pa konkurrim një oficer i liruar nga FA dhe që ka pasur probleme me ligjin dhe ështëemëruar tek standardet profesionale, kur ligji e përcakton saktë procedurën e rekrutimit?
Garda i ka qëndruar situatave shumë më të vështira, por ne na dhemb kjo frymë që po futet dhe me keqardhje e themi se nuk ndryshon nga ajo e vitit të mbrapsht 1997, apo edhe ajo që solli turpin në historinë e gardës, 21 Janari i vitit 2011. Ishte arroganca e drejtuesve që e çoi gardën në atë pikë.
Në fund, ndonëse jemi të depolitizuar, kemi edhe ne bindjet tona dhe votojmë, ju themi se po punoni mirë për votat e diasporës dhe po humbisni ato që keni pranë vetes.
tonin gogu TIRANË- Deputeti socialist, Tonin Gogu u shpreh në Kuvend se raporti i Parlamentit Europian tregoi se Shqipëria është p...
gazment bardhi TIRANË- Kreu i Grupit Parlamentar, Gazment Bardhi u shpreh sot në Kuvend se ishte opozita ajo që ka thënë se krimi...
taulant balla TIRANË- Ministri Taulant Balla ka marrë fjalën për t'ju përgjigjur akuzave të deputetit të PD-së, Fla...
flamur noka TIRANË- Deputeti Flamur Noka ka marrë fjalën e tij në foltoren e Kuvendit, ku ka hedhur akuza ndaj mazhorancës lidhur ...
bardhi, noka, spiropali TIRANË- Seanca e sotme plenare ka nisur me diskutime mes opozitës dhe kryetares së Kuvendit, Elisa Spiropalit. ...
foto ilustruese TIRANË- Ka nisur seanca e sotme plenare në Kuvend. Kryetarja e Kuvendit, Elisa Spiropali ka hapur seancën duke lexuar pikat ...
Foto ilustruese TIRANË- Komisioni i Ankesave dhe Sanksioneve, KAS ka rrëzuar kërkesën e PD-së e cila kërkoi pavlefshmëri...
Foto ilustruese KOSOVË- Kuvendi i Kosovës do të tentojë ditën e sotme për herë të 27-të të kaloj&eum...
Foto ilustruese TIRANË- Në Kuvend do të zhvillohet seanca e radhës e cila është parashikuar të nisë në orë...
i Igli Hasani dhe Giorgos Gerapetritis ATHINË- Ministri i Jashtëm i Shqipërisë, Igli Hasani, Tre javë pas rizgjedhjes s&e...
