Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Duke folur për mediat, avokatja e quajti arrestimin tërësisht të paligjshëm ndërsa procesin një “skandal i paparë” Avokatja tha se provat e paraqitura nga prokuroria ishin të pamjaftueshme dhe të manipuluara. Sipas saj, nuk ekzistonte asnjë provë konkrete që lidhte ndonjë nga të miturit me një veprim specifik.
TIRANË- Avokatja Eda Grimçi ka zbardhur një sërë faktesh tronditëse, të 4 orëve seancë gjyqësore të vlerësimit të masës së arrestit për 7 të mitur të cilët u arrestuan gjatë protestës së opozitës më 10 shkurt.
Duke folur për mediat, avokatja e quajti arrestimin tërësisht të paligjshëm ndërsa procesin një “skandal i paparë” Avokatja tha se provat e paraqitura nga prokuroria ishin të pamjaftueshme dhe të manipuluara. Sipas saj, nuk ekzistonte asnjë provë konkrete që lidhte ndonjë nga të miturit me një veprim specifik.
Deklarata e avokates Eda Grimçi
I gjithë debati ka qenë që a ishte i ligjshëm apo jo arresti. Është kqyrur çdo provë dhe aty nuk ishte asnjë provë që këta të mitur të kishin bërë një veprim konkret dhe të ishte personi konkret që kishte bërë veprimin. Bëhet fjalë për raporte shërbimi. Raportet e shërbimit janë mbajtur mbas orës 22:00, mbas orës 23:00. Pretendohej që arrestimi ishte bërë mbas orës 22:00-23:00, kurse deklaratat e të miturve ishin marrë që në orën 21:00. Pra, ky ka qenë një skandal i paparë.
Në raportin e shërbimit thuhej që është shoqëruar në orën 22:20, ndërkohë deklarata që ishte marrë në ambientet e komisariatit numër dy, kishte ndodhur në orën 21:00 apo në 21:15. Kjo ishte një situatë e paprecedent.
U konstatua që deklaratat e fëmijëve janë marrë pa praninë e prindit. Në prezencë të OPGJ-së ishte dhe një person tjetër që më pas ishte prezantuar sikur ishte psikologu. Elidon Shehu është punonjës i Drejtorisë së Policisë. Është psikolog që merret me problemet psikologjike dhe asistencën e punonjësve të policisë. Dhe ka një konflikt interesi. Si mundet një person i cili është i punësuar dhe paguhet nga personat që kanë kryer arrestimet e paligjshme në këndvështrimin tonë, ta asistojë dhe të jetë i paanshëm.
Kjo është e pamundur, por kjo është një shkelje e rëndë e të drejtës së miturve dhe sanksionohet edhe me konventa ndërkombëtare. Janë dhunuar. Deklaruan që janë dhunuar në momentet e shoqërimit, janë qëlluar si në momentin e kapjes dhe në momentin e shoqërimit në furgon. Deklaruan para gjykatës, në ligjëratë të drejtë, ofendimet që I janë bërë.
Prisja që këto arrestime të konstatoheshin të paligjshme. Nuk e kuptoj sepse nuk kishte asnjë provë. Pretendohej që ishin tre foto për të njëjtin person, por në të trija fotot ishin tre persona të ndryshëm. Pra provat ishin të manipuluara dhe për provë merreshin kronikat që keni dhënë ju atë ditë dhe ishin të prera, të zumuara dhe të fotografuara. Pra kjo ka qenë e vetmja provë, por edhe në ato fakte që u paraqitën si prova, nuk kishte dikush që të kishte një gur në dorë apo të godiste.
Gjatë gjithë kohës nga relatimi që u bë nga organi i akuzës, konsiderohej dhe thuhej shprehimisht, ky grup, ky grup, ky grup.
Ne deklaruam që këta nuk janë grup, sepse këta nuk e njohin njëri-tjetrin. Vijnë nga qytete të ndryshme të Shqipërisë. Këta nuk kanë qenë bashkë në protestë, janë arrestuar në vende të ndryshme dhe në momente të ndryshme nuk kanë qenë as në kushtet e plagosjes së ndonjë oficeri policie, sepse pretendohej që këta e kishin kryer veprën penale te kryeministria.
Por referuar edhe vetë komunikatës së Policisë së Shtetit, plagosja paskë ndodh te parlamenti. Atëherë çfarë kishin bërë këta? Njëra nga veprat penale ishte pjesëmarrja në protestë të paligjshme, tjetra ishte goditje dhe kundërshtim i punonjësit të policisë së rendit dhe ishte prishja e qetësisë publike. Ja për këtë akuzoheshin të miturit të cilët ishin fëmijë nga 16 deri nga 17 vjeç.
Një fakt tjetër i rëndë është: momenti dhe akti, te shkresa e arrestimit të flagrancës ata akuzoheshin për plagosje të rëndë me dashje. Organi i akuzës kur ka ardhur në gjykatë kishte ndryshuar akuzën dhe e kishte hequr plagosjen e rëndë me dashje dhe ishte vetëm goditje për shkak të detyrës. Pse ndodhi ky fakt? Se në momentin e arrestit, Kodi i Procedurës Penale për të mitur, po dhe Konventa Ndërkombëtare parashikojnë që nuk mund të arrestohet një i mitur vetëm në rastet e rrezikshmërisë së lartë të personit dhe të veprës.
Që do të thotë që vepra penale për të cilën akuzohet duhet të jetë dënimi minimal mbi shtatë vite burgim. Dhe në fakt kishin cilësuar veprën penale si plagosje e rëndë me dashje sepse kjo si vepër penale e ka dënimin nga 7 deri në 15 vite. Dhe organi i akuzës këtu erdhi me akuzë tjetër sepse pikërisht u konstatua që të jemi përpara një vepre të tillë duhet të jetë: kush është personi që ka bërë plagosjen, arma me të cilën e ka plagosur dhe personi i cili është plagosur.
Ne këtë vendim do ta ankimojmë, nuk jemi dakord. Masat e kërkuara dhe arrestimet janë arrestime të paligjshme dhe për këtë do i drejtohemi Gjykatës së Apelit.
Gjatë dëshmisë së tyre në gjykatë, të miturit kanë deklaruar se janë dhunuar dhe qëlluar nga forcat e policisë, si gjatë momentit të kapjes ashtu edhe gjatë transportit me furgon. Gjykata vendosi për shtatë të miturit masën e sigurisë “detyrim paraqitje” një herë në muaj./Dosja.al
Foto ilustruse TIRANË- GJKKO ka caktuar dënimet për personat e akuzar për kultivim dhe trafikim të lëndëve narkotik...
Foto ilustruse KRUJË- Policia ka arrestuar ditën e sotme një 28-vjeçar në Krujë. Ai u arrestua nga forcat blu, pasi is...
TIRANË- GJKKO i ka komunikuar masën e arrestit në burg Sergej Hasanpapajt, një ditë pas ekstradimit nga Belgjika. Ai u arrestua ...
Foto ilustruse TIRANË- Gjykata ka caktuar masat e sigurisë për protestuesit e mitur, të cilët janë ndaluar nga policia gjat&e...
Foto ilustruse VLORA- Policia ka arrestuar ditën e sotme dy vëllezër Vlorë. Ata dyshohen se kanë hedhur në treg, kart&e...
Foto ilustruse TIRANË- Policia ka arrestuar ditën e sotme një 33-vjeçar në Tiranë. Ai u arrestua nga forcat blu, pasi ...
Foto ilustruse TIRANË- Policia ka arrestuar ditën e sotme një 34-vjeçar në Tiranë. Ai u arrestua nga forcat blu, pasi ...
Foto ilustruse Punimet për hekurudhën Tiranë Durrës dhe zgjatimin në Rinas janë në faza të ndryshme në segment...
Foto ilustruse Si ka ndikuar liberalizimi i vizave në numrin e azilkërkuesve nga Kosova brenda BE-së dhe a ka pasur migrim të qytetar&e...
Foto ilustruese Për dekada me radhë, Shqipëria kryesoi Europën si një prej vendeve me popullsinë më vitale dhe më t...
