Politike

Meta: Etilda Gjonaj ka humbur besimin tim, të japë dorëheqjen brenda ditës së hënë (VD)

  • Gjonaj: E përshëndes presidentin…marrëzi e radhës
  • PD: Gjonaj, lëri lojërat e SMS-ve me shefin, trego pse shkele ligjin
  • Kreu i shtetit ka paralajmëruar se brenda ditës së hënë do të kallëzojë penalisht në Prokurorinë e Posaçme (SPAK) ministren e Drejtësisë, Etilda Gjonaj, dhe shtoi se ka humbur besimin e tij. 
    Featured image of article: Meta: Etilda Gjonaj ka humbur besimin tim, të japë dorëheqjen brenda ditës së hënë (VD) Ilir Meta, President i Shqipërisë

    TIRANË– Presidenti i vendit Ilir Meta ka kërkuar dorëheqjen e ministres Etilda Gjonaj, pasi sipas tij ka shkelur ligjin me botimin e vendimit të KED në fletoren zyrare. Kreu i shtetit ka paralajmëruar se brenda ditës së hënë do të kallëzojë penalisht në Prokurorinë e Posaçme (SPAK) ministren e Drejtësisë, Etilda Gjonaj, dhe shtoi se ka humbur besimin e tij. 

    Për më shumë bëhu pjesë e grupit më viral në Facebook, Dosja.al

    “Në këtë tentativë për grusht shteti bazuar në provat që u bënë publike dje, rezulton të jetë e përfshirë drejtpërdrejtë Etilda Gjonaj dhe institucione në varësi të saj, duke përvetësuar një kompetencë që Kushtetuta ia jep Presidentit. Sipas Kushtetutës, vendimet e KED nuk botohen në fletoren zyrtare, por publikohen vetëm në faqen e internetit të Gjykatës së Lartë. Po mbushen 24 orë nga bërja publike e shkeljeve nga Ministria e Drejtësisë që përmes falsifikimeve ka konsumuar disa vepra penale. Ministrja akuzohet për shpërdorim të detyrës, falsifikim dhe ndërhyrje e paligjshme në proces. Brenda ditës së hënë do depozitoj pranë SPAK kallëzimin penal ndaj ministres Etilda Gjonaj dhe jo vetëm. Duke qenë se Etilda Gjonaj e ka humbur tërësisht besimin e Presidentit të Republikës, të shprehet me dekret për emërimin e saj, do të mirëprisja dorëheqjen e saj dhe përballjen e saj me drejtësinë. Si një ish-ministre do doja që ajo të hetohej e lirë”, tha Meta.

    (A.M. Dosja.al)

    Shto Koment