Politike

VIDEO/ Meta akuza Etilda Gjonajt: Është përfshirë në grushtin e shtetit, të japë dorëheqjen se do e padis të hënën në SPAK

  • Etilda Gjonaj: Marrëzi e radhës, jam e gatshme t’i përgjigjem ligjërisht
  • Partia Demokratike: Ministrja t’i lërë lojërat e SMS-ve me shefin
  • Për këtë Meta shtoi se do depozitojë të hënën në Prokurorinë e Posaçme Antikorrupsion (SPAK) një kallëzim penal për të. Kreu i Shtetit u shpreh se me provat janë njohur të gjithë dhe në SPAK do shkojnë dhe disa zyrtarë të tjerë të Ministrisë së Drejtësisë. 
    Featured image of article: VIDEO/ Meta akuza Etilda Gjonajt: Është përfshirë në grushtin e shtetit, të japë dorëheqjen se do e padis të hënën në SPAK Ilir Meta, President i Shqipërisë

    TIRANË- Presidenti Ilir Meta ka dalë në një deklaratë për mediat, ku ka bërë me dije se në atë që ai e quan grushti i shtetit, është përfshirë dhe Etilda Gjonaj. Meta tha se Gjonaj ka urdhëruar vartësit e saj për publikimin e vendimit të KED në Fletoren Zyrtare, duke shkelur ligjin. 

    Për këtë Meta shtoi se do depozitojë të hënën në Prokurorinë e Posaçme Antikorrupsion (SPAK) një kallëzim penal për të. Kreu i Shtetit u shpreh se me provat janë njohur të gjithë dhe në SPAK do shkojnë dhe disa zyrtarë të tjerë të Ministrisë së Drejtësisë. 

    Për më shumë bëhu pjesë e grupit më viral në Facebook, Dosja.al

    Po ashtu Meta i kërkoi dorëheqjen Etilda Gjonajt pasi tha se ajo e ka humbur besimin e tij dhe nuk mund të vijojë të qëndrojë më në detyrë. Në fund ai u shpreh se Gjonaj do kallëzohet të hënën dhe është mirë të largohet nga detyra dhe të jetë e pandehur si ish-ministre e Drejtësisë. 

    Presidenti Ilir Meta prej ditësh ka publikuar disa dokumente, për të cilat shprehet se janë fakte për atë që ai e quan grushti i shtetit i maxhorancës. Në disa deklarata dhe reagime për mediat, Meta ka thënë se maxhoranca ka bërë grusht shteti dhe ka rrëmbyer një mandat të Gjykatës Kushtetuese. Meta për grushtin e shtetit ka akuzuar kreun e KED, Ardian Dvoranin, të cilin e ka kallëzuar në SPAK. Kreu i Shtetit njofton se në ditët në vijim do publikojë dhe prova të reja e do padisë zyrtarë të tjerë.

    (A.M. A.B. Dosja.al)

    • 15:07

      Meta: Etilda Gjonaj ka humbur besimin tim, të japë dorëheqjen brenda ditës së hënë

      Presidenti i vendit Ilir Meta ka kërkuar dorëheqjen e ministres Etilda Gjonaj, pasi sipas tij ka shkelur ligjin me botimin e vendimit të KED në fletoren zyrare. Kreu i shtetit ka paralajmëruar se brenda ditës së hënë do të kallëzojë penalisht në Prokurorinë e Posaçme (SPAK) ministren e Drejtësisë, Etilda Gjonaj, dhe shtoi se ka humbur besimin e tij. 

      “Në këtë tentativë për grusht shteti bazuar në provat që u bënë publike dje, rezulton të jetë e përfshirë drejtpërdrejtë Etilda Gjonaj dhe institucione në varësi të saj, duke përvetësuar një kompetencë që Kushtetuta ia jep Presidentit. Sipas Kushtetutës, vendimet e KED nuk botohen në fletoren zyrtare, por publikohen vetëm në faqen e internetit të Gjykatës së Lartë. Po mbushen 24 orë nga bërja publike e shkeljeve nga Ministria e Drejtësisë që përmes falsifikimeve ka konsumuar disa vepra penaleMinistrja akuzohet për shpërdorim të detyrës, falsifikim dhe ndërhyrje e paligjshme në proces. Brenda ditës së hënë do depozitoj pranë SPAK kallëzimin penal ndaj ministres Etilda Gjonaj dhe jo vetëm. Duke qenë se Etilda Gjonaj e ka humbur tërësisht besimin e Presidentit të Republikës, të shprehet me dekret për emërimin e saj, do të mirëprisja dorëheqjen e saj dhe përballjen e saj me drejtësinë. Si një ish-ministre do doja që ajo të hetohej e lirë”, tha Meta.

    • 14:57

      Meta: Në grushtin e shtetit është përfshirë dhe Etilda Gjonaj, provat do dorëzohen në SPAK

      Presidenti Ilir Meta ka paralajmëruar një padi kundër ministres së Drejtësisë, Etilda Gjonaj. Në një deklaratë për mediat Meta tha se Gjonaj do kallëzohet në SPAK, pasi ka shkelur ligjin e botimit të vendimeve në Fletoren Zyrtare. 

      Të gjithë qytetarët shqiptarë dhe partneritetet ndërkombëtare u njohën dje me veprat penale të shpërdorimit të detyrës dhe falsifikimit flagrant të kryer nga Ministria e Drejtësisë, lidhur me KED. Provat do ia dorëzojmë SPAK, ku rezulton se është përfshirë drejtpërdrejtë Etilda Gjonaj, por dhe funksionarë të lartë të këtij institucioni, në varësi të saj, në llogari të skenarit mafioz të kapjes së Gjykatës Kushtetuese. Gjonaj ka urdhëruar Sekretarin e Përgjithshëm të dërgonte për botim në Fletoren Zyrtare një vendim, që duhet botuar vetëm në faqen e Gjykatës Kushtetuese. Ministrja nuk ka asnjë rol të dërgojë aktet e KED për botim. Ka urdhëruar botimin pa ia kërkuar askush. Ministrja ka akuzohet për shpërdorim të detyrës, falsifikim dhe ndërhyrje e paligjshme në proces. Brenda ditës së hënë do depozitoj pranë SPAK kallëzimin penal ndaj ministres Etilda Gjonaj dhe jo vetëm“, u shpreh Meta.

    Shto Koment