Rajoni

Krijimi i qeverisë së Re/ “Kërcënon” Thaçi: Do të ndërmarr veprime, nëse nuk propozohet mandatari

  • Lëvizja Vetëvendosje: Do t’ia dërgojmë emrin e mandatarit Thaçit brenda afateve
  • Thaçi ka deklaruar para medieve se shpreson në vullnetin e mirë të spektrit politik që të gjendet një zgjidhje, në përputhshmëri me votën e qytetarëve.
    Featured image of article: Krijimi i qeverisë së Re/ “Kërcënon” Thaçi: Do të ndërmarr veprime, nëse nuk propozohet mandatari Hashim Thaçi

    KOSOVË– Presidenti i Kosovës, Hashim Thaçi ka kërcënuar me veprime kushtetuese në rast se nuk gjendet zgjidhje për formim të institucioneve. Kreu i shtetit fqinj ka kërkuar që sa me shpejtë të bëhet propozimi për mandatarin( emrin për kryeministër).

    Thaçi ka deklaruar para medieve se shpreson në vullnetin e mirë të spektrit politik që të gjendet një zgjidhje, në përputhshmëri me votën e qytetarëve. Ai ka shtuar se në rast se nuk ndodh një gjë e tillë do të ndërmarrin të gjitha hapat kushtetues dhe ligjor.

    “Unë shpresoj në vullnetin e mirë të spektrit politik që të gjejnë zgjedhje politike në përputhshmëri me votën e qytetarëve me 6 tetor, shpresoj që kjo zgjedhje të jetë sa më e shpejt. Në anën tjetër do të ndërmarrë të gjitha hapat kushtetues dhe ligjor”, shtoi ai.

    Për më shumë bëhu pjesë e grupit më viral në Facebook, Dosja.al

    Disa javë më parë u themelua dhe legjislatura e 7-të e Kuvendit të Kosovës, por ende nuk është formuar qeveria e re. Negociatat deri më sot kanë dështuar, pasi LDK ka kërkuar që të marrë kreun e Kuvendit, Presidentin dhe 5 ministri, pra gjysmën e kabinetit. Pas zgjedhjes së Glauk Konjufcës si kryetar Kuvendi, LDK u tërhoq nga marrja e këtij posti dhe shprehu gatishmërinë për një marrëveshje të re, duke kërkuar sërish 5 ministri dhe Presidentin. Ndërsa Albin Kurti ka hequr dorë nga ministri i Brendshëm. Ditët e fundit Kurti ka zhvilluar takime të përditshme me Isa Mustafën, ndërsa zëdhënësit e tyre kanë deklaruar se negociatat po shkojnë mirë dhe se ka lëvizje nga të dyja palët.

    (a.m/dosja.al)

    Shto Koment