Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Emisioni investigativ “BOOM” në RTV Ora solli këtë të hënë denoncimin e familjes Ismaili në Baldushk, banesa e të cilëve është dëmtuar nga tërmeti. Banesa e tyre pësoi dëmtime që me tërmetin e parë ndërkohë që Njësia Administrative ka shkuar dhe ka bërë verifikimet e nuk ju ka dhënë asnjë informacion.
Në tërmetin e datës 26 nëntor, kjo banesë pësoi dëmtime të tjera, të cilat u bënë akoma edhe më të forta, ku sërish erdhën një grup nga Njësia Administrative, të cilët bënë sërish një verifikim tjetër i cili nuk u komunikua përsëri në këtë familje. Pas dëmtimeve, familjarët e familjes Ismaili për shkak të shiut i cili depërtonte brenda në banesë vendosën të riparonin dëmet.
Zonja Feride, pohon se janë tre familjarë dhe vështirësitë janë shumë të mëdha, pasi ajo duhet të kujdeset për vajzën e saj 30 vjeç, e cila vuan nga sëmundja e shëndetit mendor dhe Epilepsia. Kujdesi ndaj vajzës e detyron atë të mos punojë dhe të sjelli të ardhura në familje, për këtë arsye, djali 20 vjeç është detyruar të punojë çfarëdo lloj pune vetëm e vetëm të sigurojë ushqimin për mamin dhe motrën e sëmurë.
Feride Ismaili: Unë kam vajzën 30 vjeçe me probleme të shëndetit mendor dhe Epilepsi. Ka që fëmijë që vuan nga këto dy sëmundje, kushtet tona ekonomike janë shumë të vështira, pasi unë nuk punoj dot, më duhet të kujdesem pë vajzën, sepse ajo nuk kryen dot asnjë shërbim personal të sajin. Më duhet ta ushqejë vet, ta laj apo edhe ti vendos pampersin, por e kam shumë të vështirë, kushtet ekonomike janë shumë keq, pasi vetëm djali 20 vjeç punon si kamarier vetëm kur në fshat ka ndonjë dasëm. Ilaçet që marr për vajzën janë të shtrenjta, pasi disa prej tyre i blej me lekë, skam asnjë të ardhur veç kempit. Kam shkuar në Komunë, kam kërkuar një punë çfarëdo, për djalin, vetëm që të kemi një të ardhur, por asgjë nuk është bërë. Vendosa të kërkojë ndihmë nëpërmjet jush. Vajza është agresive, nuk kam as forcë ta mbaj. Ka qëndruar një muaj në gjendje kome, ka momente që duhet një karrocë për të. Skam kushte dhe as para ti blej pampers, por kam vendosur në dyshek një plastmas. Kërkojë ndihmë nga shteti dhe një përgjigje për banesën.
Ekipi i “BOOM” iu drejtua Njësisë Administrative për të marrë një sqarim nga kryetari.
Gazetarja: Ne erdhëm për rastin e familjes Ismaili, kemi pasur kontakt me familjen që në tërmetin e pare, ishim në banesën e djalit dhe pamë kushtet ekonomike, pamë banesën që kishte pësuar dëmtime nga tërmeti edhe nga i pari edhe nga i dyti, por pamë edhe riparimet që ishin bërë. Zonja e shtëpisë na pohoi që Njësia Administrative kishte shkuar, i kishte pare dëmet dhe kishin pohuar që do të shohim nëse është e dëmshme të rrish brenda. Ndërkohë që nga tërmeti i parë nuk është se erdhi një ekip, por edhe te i dyti kishin shkuar dhe nuk i kishin kthyer ende një përgjigje, a është e rrezikshme apo jo? Dëmet i kanë riparuar vetë sepse pikonte shtëpia, dua të verifikoj a ka shkuar vërtetë një ekip në familjen Ismaili dhe cili ka qënë ai procesverbal?
Kryetari Njësisë: Unë vërtetë kam 20 ditë që jam këtu në këtë detyrë, por mund t’ ju jap informacion, unë akoma nuk e njoh zyrën, e njoh këtë rast shumë mire, por kam një rast tjetër, ka vërtetë raste ekstreme, ndërsa dëmtimet në Baldushk janë mbi 180 shtëpi që janë kështu sepse unë nuk jam ekspert. Kanë nxjerrë 180 banesa të pabanueshme, rasti Erit është një nga 100 që mund të jenë më keq sesa Eri. Ti s’ke ardhur fare të bësh kërkesë.
Gazetarja: Mund ta bëjmë një kërkesë?
Kryetari Njësisë: Kërkesa të plotësuara ke këtu? Ma nxirr një dosje ta shikoj?
Punonjësi Njësisë: Këto janë aktkostatimet për çdo banesë.
Gazetarja: Është familja Ismaili?
Kryetari Njësisë: Po, hapi të gjitha!
Gazetarja: Kjo thotë është e pabanueshme, do të thotë që qënka e pabanueshme?
Kryetari Njësisë: Po, e pabanueshme.
Gazetarja: Si do veprohet?
Kryetari Njësisë: Këta duhet të jetojnë në çadër, të vijnë të marrin çadër, ne e kemi bërë një dosje, po presim, është thënë nga Kryeministri që janë disa shtëpi druri që po vijnë.
Gazetarja: Mund të ketë një çadër për familjen?
Kryetari Njësisë: Po, patjetër po, çadrën ja japim.
Pas bisedës me kryetarin e Njësisë Administrative, ai i erdhi në ndihmë familjes duke i dhënë një çadër dhe disa ushqime, një ditë pas takimit.
“BOOM” u rikthye sërish në Baldushk pas 20 ditësh për të parë kushtet në të cilat jeton familja Ismaili.
Gazetarja: Kushtet në të cilat po jetoni si janë?
Feride Ismaili: Kushtet nuk janë të mira, se vajza është e sëmurë!
Gazetarja: Çfarë ka ndodhur me famijen tuaj pas komunikimit tonë me Njësinë Administrative? A kanë ardhur në banesën tuaj?
Feride Ismaili: Kanë ardhur na kanë sjellë këtë çadër dhe disa ushqime.
Gazetarja: Ju keni qëndruar brenda kësaj çadre apo jeni rikthyer brenda në banesë?
Feride Ismaili: Vallahi nuk më rri goca, vetëm ta shikosh, provoje ta mbyllim të rrijmë bashkë e ta shohim! Atje të shkojë kam frikë, se mi ra një tjegull në kokë, nuk dilte dot.
Gazetarja: Ditët kanë qënë të ftohta dhe me shi, si i keni përballuar?
Feride Ismaili: Jam rikthyer në banesë, pasi ftohtë, shi, nuk mund të rrija, kryetari po nuk e besoi, të vij të jetojë, apo të marri fëmijën tim, vetëm një orë ta provojë.
Duket se gjendja në të cilën ndodhet familja Ismaili vazhdon të mbetet e vështirë.
Pas takimit me ta, ekipi i “BOOM” iu drejtua sërish Njësisë Administrative për të parë se deri ku ka arritur angazhimi i tyre për këtë rast.
Gazetarja: Z. Kryetar ne donim të dinim për banesën e familjes Ismaili? Në çfarë hapi është angazhimi i Njësisë Administrative?
Kryetari: Realisht tërmeti në Baldushk ka dëmtuar shumë banesa. Unë jam i ri në këtë detyrë, tërmeti ra më datë 26, unë mora detyrën më datë 27. Kam pasur ndihma nga Bashkia, jam përpjekur ti shpërndaj në familjet në nevojë.
Gazetarja: Cili është orientimi që ka marr Njësia nga Bashkia Tiranë, në lidhje me këto banesa?
Kryetari: Në kohë emergjente ne shpërndam çadrat, kemi bërë kërkesë dhe për 2-3 ditë vijnë 30 kontenier, shtëpi dy e gjysmë me pesë, diçka që mund të jetohet mirë, do ju ndahet këtyre familjarëve, por nevojat i kanë të jashtëzakonëshme.
Gazetarja: Ky numër kontenierësh do jetë i mjaftueshëm për këto familje?
Kryetari: Them se do jetë!
Gazetarja: A do jetë pjesë e kontenierëve familja Ismaili?
Kryetari: Them se po!
Gazetarja: Ne nuk e tjetërsojmë dot faktin që kjo banesë, është nxjerr nga ekspertiza e pabanueshme.
Kryetari: Realisht zonjës meqënëse çuni ka shtëpi nuk i takon të shkoj të jetojë.
Feride Ismaili: Po ta sjell gocën time, mbaje vetëm një ditë!
Kryetari: I doli shtëpia e pabanueshme i çuam çadrën!
Gazetarja: Çfarë kanë thënë për këto banesa të dëmtuara?
Kryetari: Një pjesë do të ndërtohet nga shteti, një pjesë nga vet ata.
Marrë nga Ora news
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
BERAT– Një ditë pas ngjarjes tragjike të vdekjes së papritur të dy foshnjeve 5-muajshe, ngjarje kjo që tronditi qytetin e Beratit,prindërit e foshnjeve rrëfejnë...
TIRANË- Demografia e Shqipërisë ka hyrë në një cikël krize, prej emigracionit të lartë, rënies së numrit të lindjeve, rënies së martesave, rritjes së divor...
DURRËS- Procesi i rindërtimit pas tërmetit të 26 nëntorit, po përballet me probleme të shumta mes qytetarëve të dëmtuar, kompanive të ndërtimit dhe pushtet...
TIRANË- Drejtoresha e Institutit të Shëndetit Publik, Silva Bino, në një deklaratë për mediat ka bërë me dije të dhënat e fundit për koronavisurin. Sipas s...
TIRANË- Ministrja e Shendetetësisë dhe Mbrotjes Sociale, Ogerta Manastirliu, ka dalë sot në një deklaratë për mediat, ku ka bërë me dije masat që ka marrë ...
TIRANË- Koronavirusi gjithnjë e më vdekjeprurës gjithashtu mund të transmetohet përmes syve, kanë paralajmëruar shkencëtarët. Deri më tani, janë regjistrua...
Bankat e nivelit të dytë në vend, raportuan rënie të kërkesës për kredi shtëpie në tremujorin e fundit të vitit që shkoi. Nga vrojtimi i fundit i bërë nga Banka...
Programi “Dua të të bëj të lumtur” solli në ekranet tona këtë të shtunë një histori frymëzuese, plot kurajo dhe këmbëngulje.Ina ishte personazhi i rradhës e ftu...
Vazhdimisht ndodh që midis një çifti të ketë konflikte dhe mosmarrëveshje, të cilat shpeshherë mund të çojnë drejt ndarjes. E tillë ishte historia...
Pjesa më e madhe e bizneseve janë pesimistë për ecurinë e aktivitetit të tyre në vitin 2020. Euro e ulët ka goditur eksportuesit, konsumi është i dobët dhe prit...
