Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Një vit pas publikimit të përgjimeve nga gazeta gjermane “Bild”, prokuroria e Posaçme kundër krimit dhe korrupsionit dhe GJKKO,(Gjykata Kundër Korrupsionit dhe Krimit të Organizuar) ka lëshuar masat e sigurimit për 23 persona, komisionerë dhe zyrtarë lokalë që janë marrë si të pandehur për ndërhyrje në procesin e votimit në vitin 2017, gjatë zgjedhjeve të përgjithshme në Durrës. Një prej urdhër arresteve lidhet me prangosjen e Fisnik Sadikut (Smaili), i përfshirë në laboratorin e heroinës në Has, ku u prodhuan 182.5 kilogram heroinë, që u bë edhe shkëndija e dosjes 339, që më pas u nda për të hetuar edhe krimin zgjedhor. Komisionerët e qendrave të votimit në “Shetel”, Rubjek, Rubjek Shkolla, janë konfirmuar sipas SPAK se kanë lejuar me dashje votimin e personave të tjerë në emër të votuesve, duke përfituar nga rasti se ata kanë qenë në emigrim. SPAK njofton se konkretisht janë 52 persona në emër të të cilëve është votuar nga persona të tjerë, por që komisionerët e kësaj qendre votimi kanë mbyllur sytë. Një urdhër arresti është për një qytetar i cili votoi në emër të personave të tjerë. Ai është Armelin Zeza. Komisionerët zgjedhorë janë të të gjitha partive, të ndarë në: 14 prej tyre janë nga opozita (PD, LSI, PR) dhe 7 nga PS.
Komisionerët zgjedhorë të qendrës në Shetel janë:
Shpëtim Stafa
Elidon Stafa
Ramiz Tuda
Fredi Marku
Dalvis Biba
Emilian Tuda
Redi Hysa
Ndërkohë që një tjetër episod i zbardhur tashmë nga SPAK është ai i votimit në emër të votuesve të tjerë në qendrën e votimit në Rubjek, ku srëish komisionrët zgjedhorë kanë lejuar shkeljen e ligjit, për të paktën 7 persona, emigrantë, ku persona të tjerë janë paraqitur dhe kanë votuar në emër të tyre.
Ata janë:
Bashkim Allushi,
Jakup Bregu,
Altin Lala,
Kasem Lala,
Kujtim Uruçi,
Zyhra Lala,
Qemal Domi,
E njëjta situatë ka qenë edhe në qendrën e votimit “Rubjek Shkolla 9-vjeçare”, ku komisionerët zgjedhorë të kësaj qendre sërish kanë lejuar votimin në emër të 23 votuesve, emigrantë që ndodheshin jashtë vendit.
Komisionerët me masë sigurie janë:
Besim Bregu,
Indrit Bici,
Mehdi Lala,
Agim Lala,
Oriada Lala,
Bujar Sula,
Qazim Lala.
Po ashtu i përfshirë në këtë episod është edhe shtetasi Armelin Zeza, i cili ka votuar në emër të personave të tjerë.
Njoftimi i plotë:
Në kuadër të hetimeve të kryera për llogari të procedimit penal Nr.29/2019 i Prokurorisë së Posaçme (procedimi penal Nr.339/2016 i Prokurorisë pranë Gjykatës së Shkallës së Parë për Krime të Rënda) është konfirmuar se fakti i ndodhur në datën 18.10.2018, në fshatin Brenogë, Has, ku nga Shërbimet e Policisë gjyqësore rezulton se është sekuestruar sasia e lëndës narkotike prej 182.5 kg, të llojit heroinë, në një laborator që shërbente për prodhimin e lëndës narkotkike.
Nga aktet e administruar rezulton se gjatë ushtrimit të këtij aktiviteti kriminal kanë qenë pjësëmarrës shtetasit shqiptar, të pandehurit Admir Hoxha, Hekuran Hoxha, Xhevit Shuti, Flamur Çelaj,Vehbi Berushi, shtetasit turq Nejdet Cesuroglu, Iskender Sale, dhe shtetasi kosovar Xhemal Shala, të cilët në bashkëpunim me njëri tjetrin dhe persona të tjerë kanë vepruar në kuadër të grupit të strukturuar kriminal.
Nga aktet rezulton se shtetasit turq dhe kosovar të lartpërmendur ishin personat që siguronin lëndën e parë për prodhimin e heroinës, e cila rezulton të jetë trafikuar nga jashtë shtetit, ndërsa kanë bashkëpunuar më tej me anëtarët e e tjërë të grupit kriminal, të pandehurit Admir Hoxha, Hekuran Hoxha, Flamr Çelaj, Vehbi Berushi, Xhevit Shuti dhe persona të tjerë ndaj të cilëve vazhdojnë hetimet, duke ngritur një laborator për prodhimin e lëndëve narkotike tek banesa e të pandehurit Xhevit Shuti, ku janë gjetur dhe sekuestruar sasi të mëdha prekursorësh për përgatitje të lëndëve narkotike. Të gjithë personat e mësipërm janë dërguar për gjykim.
Nga hetimet e mëtejshme është konfirmuar se shtetasi Fisnik Sadiku (Smaili) rezulton se është pjesëtar i këtij grupi kriminal dhe për këtë fakt është caktuar nga gjykata masë sigurimi “arrest në burg” për veprat penale “ Trafikimi i narkotikëve” , “Prodhimi dhe fabrikimi i lëndëve narkotike dhe psikotrope”, në bashkëpunim në formën e posaçme të grupit të strukturuar kriminal, “ Grupi i strukturuar kriminal’’, “Kryerja e veprave penale nga organizata kriminale dhe grupi i strukturuar kriminal, parashikuara nga nenet 283/a/1, 284/c, 28/4, 333/a/2 dhe 334/1 të Kodit Penal,
Nga aktet e administruara në funksion të hetimit të procedimit penal nr. 29 të vitit 2019 (339 të vitit 2016) është konfirmuar gjithashtu që gjatë zgjedhjeve të përgjithshme të vitit 2017 se:
Komisionerët zgjedhor të Qendrës së Votimit nr.1508 0, adresa e QV: “Shetel”, shtetasit Shpëtim Stafa, Elidon Stafa, Ramiz Tuda, Fredi Marku, Dalvis Biba, Emilian Tuda, Redi Hysa, kanë lejuar me dashje persona të tjerë të cilët janë paraqitur para tyre dhe kanë votuar në emër të votuesve të tjerë. Është provuar se në këtë qendër votimi është votuar për 22 persona të tjerë, duke shfrytëzuar faktin që ato ndodheshin jashtë shtetit. Në këtë rast komisionerët zgjedhor kanë kryer veprën penale “Votimi më shumë se një herë ose pa u identifikuar”, parashikuar nga neni 327/a/2 i Kodit Penal;
Komisionerët zgjedhor të “Qendrës së Votimit nr.1335 0, adresa e QV: “Rubjek, Kopshti”, shtetasit Bashkim Allushi, Jakup Bregu, Altin Lala, Kasem Lala, Kujtim Uruçi, Zyhra Lala, Qemal Domi, kanë lejuar me dashje persona të tjerë të cilët janë paraqitur para tyre dhe kanë votuar në emër të votuesve të tjerë. Është provuar se në këtë qendër votimi është votuar për 7(shtatë) persona të tjerë, duke shfrytëzuar faktin që ato ndodheshin jashtë shtetit. Në këtë rast komisionerët zgjedhor kanë kryer veprën penale “Votimi më shumë se një herë ose pa u identifikuar”, parashikuar nga neni 327/a/2 i Kodit Penal.
Komisionerët zgjedhor të “Qendrës së Votimit nr.1336 0, adresa e QV: “Rubjek Shkolla 9-vjeçare”, shtetasit Besim Bregu, Indrit Bici, Mehdi Lala, Agim Lala, Oriada Lala, Bujar Sula, Qazim Lala, kanë lejuar me dashje persona të tjerë të cilët janë paraqitur para tyre dhe kanë votuar në emër të votuesve të tjerë. Është provuar se në këtë qendër votimi është votuar për 23 persona të tjerë, duke shfrytëzuar faktin që ato ndodheshin jashtë shtetit. Në këtë rast komisionerët zgjedhor kanë kryer veprën penale “Votimi më shumë se një herë ose pa u identifikuar”, parashikuar nga neni 327/a/2 i Kodit Penal.
Ndërsa në këtë episod shtetasi Armelin Zeza ka votuar në emër të personave të tjerë, duke konsumuar veprën penale “Votimi më shumë se një herë ose pa u identifikuar”, parashikuar nga neni 327/a/2 i Kodit Penal.
Bazuar në provat e administruara nga Gjykata e Posaçme për Korrupsionin dhe Krimin e Organizuar u caktuan masat e sigurimit personal për 22 shtetas, të cilat janë ekzekutuar nga policia gjyqësore dhe konkretisht “Arrest në burg” për 11 shtetas, “Arrest shtëpi” për 8 shtetas dhe “detyrim paraqitje” për 3 shtetas.
Pas publikimit të njoftimit të plotë nga SPAK, të shumta ishin reagimet edhe nga politika shqiptare. I pari që reagoi ishte kryeministri Edi Rama, i cili u ndoq nga presidenti Ilir Meta, përfaqësues të PD. Nuk mungoi një reagim as nga ambasadorja amerikane Yuri Kim.
(J.V;F.G/Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Inspektorati i Shëndetit Publik ka miratuar protokollin për lejimin e pishinave në ambiente të hapura. ISHP njofon se qytetarët mund të lahen në p...
KRUJË- Mbrëmjen e djeshme është vjedhur një banesë në fshatin Budull të Krujës. Mësohet se është grabitur banesa e emigrantit Shkëlqim Gjoni, ku autorët ka...
KUKËS– Qyteti i Kukësit është ende një vatër e nxehtë infeksioni. Burime për Dosja.al bëjnë me dije se në këtë qytet janë 27 raste aktive. Ndërkohë, gjatë ...
TIRANË– Dy seancat e fundit plenarë për këtë sesion parlamentar nuk do të pezullohen edhe pse 3 prej deputetëve të Kuvendit kanë rezultuar pozitivë m...
TIRANË- Një rast kontrabande është goditur nga Policia e Durrësit. Burime për Dosja.al bëjnë me dije se në PKK Port Durrës, në vijën e dytë, Policia Kufita...
TIRANË- COVID-19 gjen “strehë” në Kuvendin e Shqipërisë. Ditën e sotme, katër politikanë shqiptarë janë konfirmuar pozitivë nga pandemia e koronavirusit. F...
VLORË- Ditëlindja e djalit të një biznesmeni shumë të njohur në Shqipëri ka përhapur një vatër të rëndë infeksioni në një plazh në Palasë. Dosja.al ka mës...
TIRANË- COVID-19 është përhapur gjerësisht në Kuvend. Dosja.al mëson se janë infektuar edhe 2 deputetë të tjerë, Enver Roshi e Elio Hysko. Nuk dihet ende g...
TIRANË- Studiuesja Ledi Shamku ka ngritur shqetësimin se shqiptarët kanë krijuar varësi ndaj telenovelave me sulltanë dhe filmave turk. Teksa tregon se edh...
