Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
KOSOVË- Raportuesi për Kosovën në Asamblenë Parlamentare të Këshillit të Evropës, Peter Beyer, që njihet edhe si aleat politik i kancelares Angela Merkel, në një intervistë ekskluzive për Gazetën Express tha se nuk duhet të ketë prekje të kufijve mes Kosovës dhe Serbisë. Beyer, i cili është deputet në Bundestagun gjerman nga radhët e CDU-së së kancelares Angela Merkel, u shpreh se pozicioni i Gjermanisë mbetet i pandryshueshëm sa i përket idesë për ndryshim kufijsh.
Deputeti gjerman, po ashtu, tha se detyra e vetme në tryezën e bisedimeve mes Kosovës dhe Serbisë mbetet një marrëveshje gjithëpërfshirëse ligjërisht e detyrueshme për të dyja palët. Tutje, ai tha se Gjermania në koordinim me partnerët evropianë duhet të marrë rolin kyç në procesin e dialogut.
Gazeta Express: Si e shihni qëndrimin e Përfaqësuesi të Lartë të BE-së për Politikën e Jashtme, Josep Borell, në një intervistë të cilën e dha para dy ditësh, ku u shpreh se nuk është kundër ndryshimit të kufijve mes Kosovës dhe Serbisë nëse dy shtetet pajtohen për këtë?
Peter Beyer: Nuk jam në dijeni për intervistën e z. Borell. Në çfarëdo situate, pozicioni ynë mbetet i pandryshueshëm. Jo prekje të kufijve mes Serbisë dhe Kosovës. Pikë. Askush nuk duhet të jetojë nën iluzionin se Gjermania mund të ndryshojë pozicion këtu. Ajo nuk do të ndodhë. Është e qartë se paraqitja në publik e një ideje të tillë është në kundërshtim me interesat e paqes dhe stabilitetit të gjithë rajonit të Ballkanit Perëndimor. Nuk është, po ashtu, e dobishme nëse herë pas here ide të vjetra apo të reja hidhen në debatin publik. Përqëndrimi në procesin e normalizimit me qëllim të një marrëveshjeje gjithëpërfshirëse ligjërisht të detyrueshme mbetet detyra në tryezë. Nuk ka ndonjë lajm aty.
Gazeta Express: A mendoni se Gjermania duhet të luajë rol kyç në ndërmjetësimin e dialogut mes Kosovës dhe Serbisë?
Peter Beyer: Sikur në të kaluarën, Gjermania mbetet e përkushtuar në procesin e pranimit në BE të shteteve të Ballkanit Perëndimor në përgjithësi, si dhe të normalizmit të procesit mes Serbisë dhe Kosovës në veçanti. Unë pajtohem që Gjermania, gjithmonë në koordinim të afërt me partnerët evropianë duhet të marrë rolin udhëheqës në dialog.
Gazeta Express: Në funksionin tuaj si Koordinator i Bashkëpunimit Transatlantik në Qeverinë Federale të Gjermanisë, si e shihni rolin e Emisarit Special të Presidentit Donald Trump, Richard Grenell, në dialogun mes Kosovës dhe Serbisë?
Peter Beyer: Shtetet e Bashkuara të Amerikës janë një aleat i ngushtë dhe mike e Gjermanisë dhe Republikës së Kosovës. Të dyja, Gjermania dhe SHBA-ja i përkasin njohësve më të hershëm të Kosovës si shtet sovran dhe i pavarur. Ekziston një shkëmbim i shpeshtë i përvojave, ideve dhe qasjeve politike midis SHBA-së dhe Gjermanisë në lidhje me Ballkanin Perëndimor. SHBA-ja pa dyshim e kupton se integrimi dhe pranimi i vendeve të Ballkanit Perëndimor në Bashkimin Evropian janë të rëndësisë kryesore dhe çështje e mirëfilltë evropiane. Vetëm Bashkimi Evropian mund të ndihmojë të tejkalohen sfidat politike dhe historike dhe ta hapë rrugën drejt anëtarësimit në Bashkimin Evropian.
Gazeta Express: Para dy ditësh në cilësinë e raportuesit për Kosovën në Asamblenë Parlamentare të Këshillit të Evropës, u keni bërë thirrje liderëve politikë në Kosovë për përgjegjësi politike dhe respektim të rendit dhe ligjit, pasi Gjykata Kushtetuese pezulloi dekretin e presidentit të Kosovës deri më 29 maj për mandatarin e ri të qeverisë. A mendoni se Kosova do ta kalojë këtë ngërç institucional dhe të jetë e gatshme për të filluar dialogun me Serbinë?
Peter Beyer: Kriza aktuale politike dhe kushtetuese në Kosovë vijnë në një kohë kur bota është goditur fort nga një pandemi globale, duke rezultuar në vështirësi të mëdha për qytetarët e një vendi të vogël e të varfër, por vend krenar. Unë jam akoma i sigurt që aktorët politikë do të kuptojnë sinjalet dhe janë të udhëhequr nga arsyeja dhe përgjegjshmëria. Nuk duhet të ndodhin trazira në rrugë as në parlament, siç janë parë në të kaluarën. Njerëzit janë duke vuajtur dhe kanë nevojë për perspektivë që tri krizat të menaxhohen nga ata që janë në pozicionet udhëheqëse të vendit.
Gazeta Express: Dje u mbajt Samiti i Zagrebit për Ballkanin Perëndimor dhe një nga çështjet me të cilën qytetarët e Kosovës ende përballen është liberalizimi i vizave. A mendoni se Bashkimi Evropian duhet që përfundimisht të pajtohet për t’ia dhënë dritën e gjelbër Kosovës dhe të heqë regjimin e vizave?
Peter Beyer: Liberalizimi i vizave është i vonuar. Ndihem i turpëruar që Bashkimi Evropian nuk ka vepruar në këtë kontekst. Liberalizimi i vizave është i vonuar. Nuk mund të ketë justifikime të mëtutjeshme nga shtetet e veçanta anëtare të BE-së, nëse nuk dëshirojmë të tregojmë plotësisht besueshmërinë tonë. Por unë, gjithashtu, e di se ka shumë vullnet të mirë që më në fund të bëhet e mundur lëvizja e lirë për qytetarët e Kosovës.
Marrë nga GazetaExpress
1 vit nga zgjedhjet e 25 prillit si e shikoni gjendjen e vendit:
KOSOVË– Ai tani thotë se u takon Kosovës dhe Serbisë të vendosin nëse duan korrigjim kufijsh apo shkëmbim territoresh dhe se Brukseli s’mund t’u tregojë pa...
SERBI– Paraditen e sotme në Parlamentin serb politikanët janë përplasur rëndë. Protestuesit e opozitës kishin bllokuar shkallët në hyrjen e parlamentit dhe Obr...
ITALI– “Covid-19 nuk ekziston, është një mbulim i krijuar për të fshehur dëmtimin e 5G.”- kjo është teoria e paraqitur të martën më 6 maj në “Le Iene “në shërbi...
“Rreziku është minimal, koronavirusi është i vdekur.”- Vittorio Sgarbi është i bindur për këtë, i cili në një intervistë të gjatë me Byuoblu duke kritikuar qeve...
SPANJË– Në 24 orët e fundit Spanja ka shënuar 229 viktima nga koronavirusi kur dje u rregjistruan vetëm 213, njoftoi Ministria e Shëndetësisë.Kështu numri ...
NORVEGJI– Autoritet në Norvegji do të heqin kufizimet pasi numri i vdekjeve të koronavirusit ka arritur në 209, ndërkohë që Suedia fqinje pranon se bëri një ‘dë...
SHBA– Koronavirusi ka shkaktuar një “cunami urrejtjeje dhe ksenofobie.” Kështu është shprehur Sekretari i Përgjithshëm i OKB-së Antonio Guterres.Pa përmen...
KOSOVË– Një tjetër viktimë është shënuar sot në Kosovë si shkak i Covid-19, duke e çuar në 28 numrin e përgjithshëm të të vdekurëve nga koronaviru...
BRITANI– Një infermiere, e cila nuk e dinte që ishte shtatzënë, lindi një foshnje në shtëpi pas 12 orësh në detyrë. Ajo mendonte se kilogramët e tepërta që kish...
SHBA– Gjate vitit 2018-2019 ajo është emëruar kryetare e komitetit të studenteve në nivelin master. Ajo diplomohet në nivelin master me rezultatet maksima...
