Aktualitet

(DOKUMENTI) Drejt lirimit me kusht, si i nisi Zani Caushi manovrat për të fituar lirinë një vit më parë

Ish-kreu i bandës së Çoles në Vlorë, Zani Caushi, i ka nisur manovrat për lirimin me kusht një vit më parë, kur Gjykata e Korçës pranoi kërkesën e tij për të përfshirë në dënim edhe kohën e qëndrimit në paraburgim.
Featured image of article: (DOKUMENTI) Drejt lirimit me kusht, si i nisi Zani Caushi manovrat për të fituar lirinë një vit më parë Zani Caushi

KORÇË -Ish-kreu i bandës së Çoles në Vlorë, Zani Caushi i ka nisur përpjekje për të fituar lirinë më kusht një vit më parë. Në korrik të 2019-ës, Gjykata e Korçës pranoi kërkesën e tij, duke përfshirë në dënim edhe kohën e qëndrimit në paraburgim.

Caushi në kërkesën e tij për Gjykatën e Korçës, pretendonte se koha e paraburgimit, nuk i ishte llogaritur dhe drejtësia vendosi në favor të tij. Të gjitha përpjekjet e ish-të fortit të Vlorës për ulje dënimi, kanë pasur një qëllim të vetëm, atë të përfitimit të lirimit me kusht.

Myrteza Caushi, ose i njohur ndryshe si Zani Caushi , ka kohë deri më 17 korrik, që të paraqesë provat para gjyqtarit të Gjykatës së Korçës, Saljadin Pysqili. Përmes avokatit të tij, Caushi pretendon se ka kryer 25 vite dënim, ose e thënë ndryshe ¾ e dënimit, ndërsa ka pasur edhe sjellje të mirë në burg.

Vendimi i Gjykatës së Korçës

Gjithashtu në kërkesën drejtuar Gjykatës së Korçës, Caushi është shprehur se tashmë është rehabilituar dhe pas daljes nga burgu do të punësohet dhe do të kujdeset për fëmijën e mitur. Gjatë seancës së radhës, pritet të kërkohet dokumentacioni nga burgu i Drenovës, si dhe të bëhet përllogaritja e dëniminit në Kukës.

Për më shumë bëhu pjesë e grupit më viral në Facebook, Dosja.al

Caushi ka shfrytëzuar nenet 64 dhe 65 të Kodit të Vjetër pena ku thuhet: “Vetëm në raste të jashtëzakonshme i dënuari me burgim të përjetshëm mund të lirohet me kusht kur ka vuajtur jo më pak se 25 vjet burgim dhe gjatë vuajtjes së dënimit ka mbajtur sjellje shembullore dhe çmohet se i është arritur qëllimit të dënimit për edukimin e tij”.

Zani Caushi është arrestuar për një sërë ngjarjesh kriminale të ndodhura në vitin e mbrpashtë 1997 në Vlorë. Gjatë kohës kur ai vuante dënimin në burgun e Burrelit u martua me Arjan Panxhen, me të cilët pati edhe një djalë. Pas transferimit në burgun e Drenovës, Panxha e ndoqi nga pas dhe mori një shtëpi për të qëndruar pranë tij.

Myrteza Caushi mbahet mend në Vlorë si personi që mori në mbrojtje ish-kryeministrin italian Romano Prodi gjatë vizitës së tij në Shqipëri. Në vitin 1997 ai u arratis nga një burg i sigurisë së lartë në Greqi, ku ishte dënuar me 101 vite burg për vrasje. Më pas ai u arrestua 2 vitë më vonë në Shqipëri.

(g.sh./dosja.al)

Shto Koment