Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
KOSOVË– Albin Kurti nuk dëshiron ta sakrifikojë Glauk Konjufcën në emër të marrëveshjes për formimin e Qeverisë. Madje i ka treguar LDK’së se mund ta shkarkojë kryeparlamentarin, edhe pa votat e VV’së. Por si në të vërtetë mund të shkarkohet kryetari i Kuvendit të Republikës së Kosovës? Gazeta Express ka pyetur edhe PDK’në e AAK’në, nëse do ta votonin largimin e Konjufcës. Në fund të letrës së gjatë që sot kreu i Vetëvendosjes ia ka dërguar LDK’së si përgjigje për ofertën e fundit, thotë se LDK mund të tentojë të shkarkojë Glauk Konjufcën, por VV’ja s’do t’i ndihmojë.
“Ju keni të drejtë të jeni penduar dhe të kërkoni nga Grupi Parlamentar i LDK’së që po ashtu të pendohet dhe ta ndërmarrë iniciativën ta shkarkojë Kryetarin e ri legjitim e demokratik të Kuvendit të Republikës, z. Glauk Konjufca. Kishte dhjetëra vota kundër z. Konjufca. Por, unë nuk mund t’ju ndihmoj në këtë rrugë”, thuhet në letrën e Kurtit.
LDK nuk ka nisur procedurat e shkarkimit, por në ofertën e fundit, ndër të tjera, e ka kërkuar pikërisht pozitën e Kryetarit të Kuvendit, e cila tashmë është e zënë nga Konjufca. Kryetari i Kuvendit të Republikës së Kosovës, sipas kushtetutës, propozohet nga grupi më i madh parlamentar dhe zgjedhet me shumicën e votave të të gjithë deputetëve. Zgjedhjet e tetorit të viti të kaluar i fitoi Vetëvendosja, ku si rezultat i kësaj fitoi edhe grupin më të madh parlamentar në Kuvend. Andaj fitoi edhe të drejtën ta propozojë kryetarin e Kuvendit. Edhe pse pa një marrëveshje mes partisë së parë (VV’së) dhe partisë së dytë (LDK’së), grupi më i madh parlamentar propozi Glauk Konjufcën për kryetar të Kuvendit. Konjufca fitoi 75 vota pro në mesin e tyre edhe votat e LDK’së, 27 kundër dhe 6 abstenime.
Ndërsa për shkarkimin e tij kërkohen 2/3 e votave të numrit të përgjithshëm të deputetëve në Kuvend.
E gjatë votimit për zgjedhjen e Konjufcës kryetar i Kuvendit, Partia Demokratike e Kosovës votoi kundër. Ndërsa shefi i Grupit Parlamentar të PDK’së, Bedri Hamza, foli për Gazetën Express lidhur me votimin për shkarkimin e Konjufcës.
“Nuk kemi diçka zyrtare, nëse në ditët në vazhdim thirret një seancë për shkarkimin e kryetarit të Kuvendit, ne si grup parlamentar do të mblidhemi, do të diskutojmë dhe do të vendosim rreth kësaj çështje. Nuk mund të them se do të votojmë pro apo kundër shkarkimit të kryetarit të Kuvendit derisa nuk kemi asgjë zyrtare dhe nuk kemi vendosur ne si Grup Parlamentar”, ka thënë Hamza për Gazetën Express. E shefi i Grupit Parlamentar të Aleancës për Ardhmërinë e Kosovës, Daut Haradinaj, ka thënë për Gazetën Express se kjo çështje do të diskutohet në forumet e AAK’së, andaj nuk kanë një përgjigjje pozitive apo negative.
“Kjo do të diskutohet në forumet e AAK-së. Nuk kam ndonjë koment në këtë temë. Ne akoma po presim që Qeveria të formohet sa më shpejt nga partia që ka dalë e para”, ka thënë Haradinaj për Express. Në një nga propozimet e LDK’së në ofertën e fundit, që u publikua dje (të mërkurën) thuhet se kryeparlamentari duhet t’i jepet LDK’së.
“1. LDK-ja do të ketë Kryetarin e Kuvendit deri në zgjedhjen e Presidentit, pastaj Kryetari i Kuvendit do t’i kalojë VV-së. Kjo nënkupton se në vitin e parë të bashkëqeverisjes, secili partner mban një pozitë të lartë shtetërore (VV-ja e ka Kryeministrin, LDK-ja Kryetarin e Kuvendit). Ndërkaq, në tri vitet e tjera, VV-ja mban dy pozita të larta shtetërore (Kryeministrin dhe Kryetarin e Kuvendit), kurse LDK-ja një pozitë (Presidentin, por që shërben si faktor unifikues sipas kushtetutës), thuhej në propozimin e LDK’së që u publikua dje. Megjithatë Vlora Dumoshi, anëtare e kryesisë dhe nënkryetare e grave të Lidhjes Demokratike të Kosovës, ka thënë se ky subjekt nuk e ka kërkuar shkarkimin e Glauk Konjufës të Lëvizjes Vetëvendosje nga posti i kryetarit të Kuvendit të Kosovës, por ka kërkuar marrëveshje politike. “LDK-ja nuk ka kërkuar e as iniciuar shkarkimin e z. Konjufca, por ka kërkuar marrëveshje politike për tejkalimin e kësaj situate”, ka thënë Dumoshi.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
MAQEDONI E VERIUT- Kryetari i BDI-së, Ali Ahmeti konfirmon në një intervistë ekskluzive për ABC News se partia e tij nuk do të bëjë koalicion me ndonjë forcë tj...
KOSOVË– Anëtarja e Kryesisë së Lëvizjes Vetëvendosje, Albulena Haxhiu është shprehur se tashmë është shansi historik për të nisur një ndryshim në Kosovë. K...
TIRANË- Dy gazetaret iraniane japin dorëheqjen pas tragjedisë ajrore në Iran ku mbetën të vrarë 176 persona. Gelare Jabbari dhe Saba Rad kanë lajmëruar dor...
KOSOVË- Publicistë dhe shkrimtarë në Kosovë thonë se padia që kryeministri i Shqipërisë, Edi Rama, ka ushtruar ndaj kryeministrit në largim të Kosovës, Ram...
TIRANË– Kreu i Lëvizjes Vetëvendosje Albin Kurti i ka nisur një letër kreut të LDK-së, Isa Mustafa. Në letrën e publikuar nga vetë Vetëvendosja, Kurti i kë...
KOSOVË– Ministri i Transportit dhe Infrastrukturës në Kosovë, Pal Lekaj ka rënë pre e disa grabitësve që i janë future në shtëpi. Mediat kosovare shk...
MAQEDONIA E VERIUT- Zoan Zaev tashmë nuk është më kryeministër dhe Maqedonia e Veriut do të shkojë në zgjedhje të parakohshme. Por ende pa ardhur data e zgjedhj...
MAQEDONI E VERIUT- Kuvendi i Maqedonisë së Veriut ka marrë sot vendimin për të qenë institucion i pavarur nga të gjitha institutionet e tjera. Sipas mediave ven...
TURQI- Turqia ka dëbuar simpatizantët e dyshuar të Fethullah Gulen nga punët e qeverisë pas përpjekjes për grusht shteti në vitin 2016. Sektet e tjera islamike...
RUSI- Duma e Shtetit Rus ka konfirmuar ditën e sotme kreun e ri të qeverisë ruse, Mikhail Mishustin, i cili u propozua nga presidenti Vladimir Putin pas dorëheq...
