Aktualitet

Greva e naftëtarëve/ Gratë në gjendje të rëndë pas 5 ditësh, Rama i fton për dialog: Ndërprisni aksionin dhe ulemi flasim vëllazërisht! Përgjigjia: Marrim rrogat, pastaj flasim! (ZHVILLIMET)

VIDEO
  • Rama i bën thirrje Naftëtarëve të Ballshit: Ndërprisni grevën, jam i gatshëm të bisedojme
  • Naftëtarët: Eja të bisedojmë, por s’tërhiqemi pa na kaluar pagat
  • Kryemadhi letër SPAK, kryeprokurorit, KLSH dhe Avokatit të Popullit
  • Vazhdon prej 19 ditësh greva e naftëtarëve në Ballsh. Gratë e tyre thonë se kanë patur probleme me tensionin ndaj dhe jashtë vendit ku po zhvillohet greva, ka një autoambulancë. Grevistët nuk e pranuan as thirrjen e kryeministrit Edi Rama, i cili kërkoi që të ndërpritej greva dhe të nisin bisedimet. Ata thonë se duhet të marrin fillimisht paratë dhe më pas të nisin bisedimet. 
    Featured image of article: Greva e naftëtarëve/ Gratë në gjendje të rëndë pas 5 ditësh, Rama i fton për dialog: Ndërprisni aksionin dhe ulemi flasim vëllazërisht! Përgjigjia: Marrim rrogat, pastaj flasim! (ZHVILLIMET) Edi Rama dhe naftëtarët

    BALLSH– Situatë e rëndë në Ballsh, ku prej 22 ditësh, naftëtarët e Ballshit kërkojnë rinisjen e punës dhe pagesën e pagave të prapambetura. Por ata s’janë vetëm. Krah tyre janë edhe gratë e naftëtarëve, që sot kanë hyrë në ditën e pestë të grevës së urisë dhe mëngjesin e sotëm kanë shfaqur probleme shëndetësore, pasi prej ditësh konsumojnë vetëm ujë me sheqer. Dy prej grave, kanë pasur probleme me tensionin e lartë, dhe për këtë arsye në ambientet ku po mbahet greva ka mbërritur dhe autoambulanca.

    Po sot, ka ardhur edhe një reagim i kryeministrit Edi Rama, i cili u ka bërë thirrje naftëtarëve që të ndërpresin grevën dhe të ulen për bisedime. Rama thekson se presionet dhe ultimatumet nuk funksionojnë dhe se greva është totalisht e panevojshme. Pak minuta pas kësaj thirrjeje, ka ardhur edhe reagimi i naftëtarëve. Ata e kanë falenderuar kryeministrin për reagimin, teksa janë shprehur se e mirëpresin për dialog, por shtojnë se nuk knaë ndërmend të heqin dorë nga greva. “Nuk heqim dorë nga greva pa na kaluar pagat. Kryeministri le të vijë, faleminderit, e presim në dialog por jemi të tejngopur me premtime boshe. Nuk tërhiqemi nga greva. Nuk ka politikë me grevën e naftëtarëve,”- u shprehën ata në një prononcim për mediat nga Ballshi.

    Për më shumë bëhu pjesë e grupit më viral në Facebook, Dosja.al

    Çfarë kërkojnë naftëtarët?

    Naftëtarët e Ballshit kanë dalë në protestë që prej 22 ditësh ku protestojnë për të marrë pagat e tyre të prapambetura dhe rifillimin e punës, por zëri i tyre nuk është dëgjuar dhe kështu morën aktin ekstrem. Pak ditë më parë, kreu i sindikatës Sokol Dautaj së bashku me disa naftëtarë kanë zhvilluar një takim me përfaqësuesit e uzinës së përpunimit të naftës në Ballsh, por takimi nuk ka përfunduar me sukses. Sipas Dautajt në takim u dhanë vetëm premtime boshe. Naftëtarët, prej pesë ditësh tashmë janë zevendësuar nga gratë që punonin në uzinë, të cilat për momentin konsumojnë vetëm ujë me sheqer.

    (a.b;f.m;f.g/dosja.al)

    • 12:07

      VIDEO/ "Vijnë për t'u tallur", revolta e gruas së naftëtarit në Ballsh: Monika tha e kam portofolin bosh... Me kë tallet ajo? Priste t'i jepnim ne nga 10 lekë? 

      Në grevë për pagat e bashkëshortëve, por nuk mungojnë as mesazhet politike. Kjo është situata në Ballsh, ku në mbështetje të burrave, prej 5 ditësh në grevë janë edhe gratë. Njëra prej tyre thotë se deputetët vijnë për t’u tallur, ndërsa kryetarja e Lëvizjes Socialiste për Integrim, Monika Kryemadhi thotë ajo, iu ka rrëfyer se ka portofolin bosh.

      “Asnjë reagim nuk kemi, as edhe një telefonatë. Edhe deputetet që vinë, vinë për t’u tallur. Vinë për hallin e tyre. Vjen zonja Monika thotë edhe unë e kam portofolin bosh. Me kë tallet ajo? Me punëtorët? Të priste t’i jepnim ne nga 10 lekë?  Është turp, s’ka më ku të vejë. Tallen me ne. Jemi nëna, jemi familjare. Kemi 5 ditë dergjemi këtu, i kemi lënë njerëzit të sëmurë brenda. Në s’jemi as deputete, as ministre, as ministre e as drejtoresha. Ne jemi punëtore të thjeshta edhe po kërkojmë bukën e fëmijëve.”

    • 12:07

      Gratë e naftëtarëve në Ballsh: Të rifillojë puna, presim ministren këtu!Gratë e naftëtarëve në Ballsh: Të rifillojë puna, presim ministren këtu!

      Gratë e naftëtarëve në Ballsh thonë se situata është e rëndë me grevën që vazhdon prej 19 ditësh, ndërsa ato vetë kanë 5 ditë të izoluara. Disa prej tyre thonë se kërkojnë që ministrja Belinda Balluku të shkojë dhe ti takojë.  Gjendja ka qënë shumë e keqe, rregulloheshim me ilaçe të njëra tjetrës, kam qënë me të vjella, jam shumë e mërzitur, të na japin një zgjidhje që të dalim që këtej. Ne vendosëm ti bëjmë një thirrje të githa grave, nuk na intereso politika. Na intereso puna, rifillimi i punës, të na japin një zgjidhje. Përderisa në morëm këtë akt, të marrë nëna për fëmijët. Presim të na vijë ministrja nga dera, të dalë dielli që të na japë një zgjidhje,”- shprehet një prej naftëtareve.

    • 11:08

      Ftesa e Ramës për dialog, naftëtarët i përgjigjen kryeministrit: Eja të bisedojmë, por s’tërhiqemi pa na kaluar pagat

      Naftëtarët e Ballshit kanë falenderuar kryeministrin Edi Rama për ftesën e dialogut por kanë kundërshtuar ndërprerjen e grevës. Në një prononcim për mediat, nga Ballshi, naftëtarët, u shprehën se e mirëpresin kryeministrin për dialog, teksa shtojnë se nuk do të ndalen, deri në kalimin e pagave të tyre. “Nuk heqim dorë nga greva pa na kaluar pagat. Kryeministri le të vijë, faleminderit, e presim në dialog por jemi të tejngopur me premtime boshe. Nuk tërhiqemi nga greva. Nuk ka politikë me grevën e naftëtarëve,”- u shprehën ata në një prononcim për mediat nga Ballshi. “A rri ai djali i kryeministrit pa ngrënë? Ne i kërkojmë tre gjëra që janë bazike për jetën tonë ujë drita dhe bukë. Le të vijë këtu, jemi të lodhura ne nuk do ta lëmë grevën. Në jemi të vdekura gjithë qyteti ka vdekur. Ai nuk e di si jetojnë qytetarët. I kam dhënë votën dhe tani na kanë nxjerrë në rrugë të madhe. Është bërë i pabesueshëm shikojnë xhepat e tyre dhe nuk duan që tja dinë për populli. Jo ne nu dalim nga greva. Është gënjeshtra e Ramës, se erdhi na tha që lekët do ti merrni kokërr më kokërr,”- shtuan gratë naftëtare.

    • 10:57

      Rama i bën thirrje naftëtarëve të Ballshit: Ndërprisni grevën, jam i gatshëm të bisedojmë për këtë hall të përbashkët

      Edi Rama dhe naftëtarët

      Kryeministri Edi Rama ka bërë një thirrje publike për naftëtarët e Ballshit të cilët janë në grevë urie prej ditësh. Rama shkruan në Twitter se greva është e panevojshme e se është i gatshëm që të ulet dhë të bisedojë me ta. Ai kërkon që të ndërpritet greva dhe të mos vazhdohet me presione dhe ultimatume pasi kjo nuk funksionon në asnjë familje. “U përsëris naftëtarëve të Ballshit që greva e tyre është e panevojshme, sepse unë jam me ta dhe qeveria është e tyrja! Ne jemi plotësisht të ndjeshëm ndaj hallit të tyre që është edhe halli ynë dhe është absurde që hallin t’ua qajnë ata që ua shkaktuan! I ftoj vëllazërisht ta ndërpresin grevën dhe jam i gatshëm të ulem e të bisedoj me ta për këtë hall të përbashkët, por jo kështu!Kështu jo, sepse presionet e ultimatumet nuk funksionojnë në asnjë familje dhe punëtorët e Ballshit nuk bëjnë përjashtim nga ky parim i panegociueshëm!’- shkruan Rama.

    Shto Koment